JAVA 32 / SHKUMBINI - Flamurtari

Sot përgatitjet për mesjavën

Pas humbjes me krutanët, Shkumbini do t’i rikthehet përgatitjeve për një tjetër ndeshje në fushën e tij, ku në javën e parafundit të kampionatit peqinasit do të presin Flamurtarin e Vlorës. Duke qenë një ndeshje në shtëpi dhe për më tepër e fundit në fushën e Peqinit për këtë kompeticion,
pritet që në këtë sfidë të ketë një përqendrim maksimal për të mos zhgënjyer dhe për t’i bërë një mbyllje sa më dinjitoze kampionatit në sytë e tifozëve.


NDESHJA LUHET ME 14.05.2008 ,ORA 16:30 NE PEQIN

arbitrat e ndeshjes se neserme do te jene : E.Dobi , D.Salaj-E.Pjetrushi

Shkumbini, autokritikë dhe vendin e 6

Shkumbini-Flamurtari vlerësohet edhe si ndeshja më e qetë e javës së 32-të, pasi të dy skuadrat ndodhen në “mesin e artë” të Kategorisë Superiore, pavarësisht se skuadra peqinase ka disa motive për ta fituar ndeshjen me vlonjatët e kroatit Slavko Kovaçiç.

Shkumbini humbi me Kastriotin (1-0) katër ditë më parë, por pas pësimit të golit trajneri Magani dhe presidenti Ismaili në shënjë proteste u larguan pa përfunduar ndeshja. Një rikthim të fitorja - Shkumbini ka humbur vetëm një nga 15 ndeshje të luajtura në Peqin - perveç rigjetjes së humorit, do të thoshte edhe vendi i gjashtë, e kombinuar kjo edhe me një humbje të pritshme të Vllaznisë me Dinamon kryesuese.

Flamurtari nga ana e tij të shtunën shkatërroi Skënderbeun 4-1 (75 gola të pësuar në 31 javë për korçarët) dhe një barazim i dytë në Peqin (faza e parë: 0-0), do t’i jepte kënaqësinë e radhës kryebashkiakut president Shpëtim Gjika, aq më tepër që edhe në takimin e zhvilluar në Vlorë përfundimi ishte i bardhë.

Dy skuadrat janë ndeshur midis tyre 27 herë: 8 fitore Shkumbini, 10 fitore Flamurtari dhe 9 barazime.

hajde cuna na cni n ven t 6 se aty kemi qen histrikisht....FORCA SHKUMBINI

Magani: Objektivat në dy ndeshjet e fundit

Sot bardhekaltrit zhvillojnë takimin e fundit në fushën e tyre për këtë kampionat. Përballë do të kenë miqtë nga Vlora, të cilët vijnë në këtë takim të karikuar nga fitorja në transfertë, ndërsa peqinasit vijnë pas humbjes në transfertë.Gugash Magani shpreh besim se peqinasit do arrijnë më të mirën në këto dy takime. “Mendoj se ekipi zhgënjeu në
ndeshjen ndaj Kastriotit, por megjithatë dua t’ju siguroj se këto ditë kemi punuar që ta harrojmë tërësisht këtë dhe t’i rikthehemi punës për këto dy ndeshje. Nëse do të kishim fituar në Shijak, atëherë Besa dhe Elbasani do të ndjenin nga afër trysninë tonë për një vend në Intertoto. Megjithatë, mendoj se objektivi ynë për t’u ngritur në klasifikim më duket ende i prekshëm. Kemi humbur një ndeshje, por s’kemi mbyllur ende kampionatin. Deri të premten në ndeshjen e fundit ndaj korçarëve kemi mundësi të marrim edhe gjashtë pikë. Ndaj do të rigjejmë forcat që të mbyllim gjithçka pozitivisht. Në këtë takim do tentojmë të japim më të mirën, pasi luajmë ndeshjen e fundit në fushën tonë përpara tifozëve tanë. Shpresoj që ekipi bëjë maksimumin për t’i kënaqur të gjithë të pranishmit, si dhe për të mbyllur gjithçka pozitivisht”

FORMACIONI: Llani, Pashja, Dabulla, Xhyra, Ndoni, Nora,
Shenaj, Byzhyti, Qorri, Dërvishi, Dalipi

Shkumbini - Flamurtari 1 - 0
Peqinasit arrijnë objektivin e fillim sezonit

Ka mjaftuar një gol i elbasanasit Klevis Dalipi në pjesën e parë, që të zotët e shtëpisë të merrnin tre pikët dhe të kalojnë në vendin e pestë në rënditje, duke lënë pas skuadra si Vllaznia dhe Tirana. Objektivi i fillim sezonit për skuadrën e qytetit të vogël, por shumë sportëdashës ka qenë rënditja në gjashtë ekipet e para, çka është arritur.

Shkumbini fiton 1-0 me Flamurtarin dhe duke u favorizuar nga humbjet e Tiranës dhe Vllaznisë e sheh veten në vendin e pestë. Një arritje shumë e madhe për kompletimin e së cilës mungojnë vetëm 90 minuta, duke rikujtuar fjalët e trajnerit Gugash Magani, se objektivi i peqinasve ishte klasifikimi mes gjashtë të parave. Goli që vendosi sfidën me vlonjatët është realizuar në minutën e 11-të nga Klevis Dalipi. Me këtë rezultat Shkumbini konfirmohet si një skuadër "e pathyeshme" në shtëpinë e saj: gjatë 19 javëve të fundit, në 10 ndeshje të luajtura përpara tifozëve të tyre, peqinasit kanë arritur 9 fitore dhe vetëm një barazim (0-0 në javën e 28-të me Dinamon kryesuese). Humbjen e vetme në këtë sezon në fushën e saj, skuadra e Maganit e ka pësuar në javën e 13-të me Tiranën (0-2 gola të Arapit e Duros). Në fakt, në javët e mëparshme ata kishin marrë 3 fitore dhe 3 barazime. Peqinasit kanë 166 ditë pa humbje në shtëpi në kampionat (që prej 1 dhjetorit 2007), afro 4 muaj e gjysmë kalendarikë.

Peqinasit marrin 3 pikët & vendin e 5-të

Kapërcejnë në renditje ekipet e Tiranës dhe Vllaznisë

Shkumbini ka zhvilluar dje edhe takimin e fundit në këtë sezon përballë publikut peqinas,duke e mbyllur në mënyrën më të mirë me një fitore të bukur.Ekipi i drejtuar nga Gugash Magani ka arritur të triumfojë ndaj Flamurtarit, me rezultatin minimal 1-0, ndërkohë që në javën e fundit do të luajë jashtë fushës së tij me Skënderbeun.Këtë ndeshje, peqinasit e
kanë zgjidhur më së miri që në pjesën e parë, falë një goli të shënuar qysh në minutën e 12- të nga sulmuesi Klevis Dalipi.Një gol që i ka dhënë Shkumbinit një trepikësh në prani të tifozëve peqinas, por njëkohësisht
e ka ngritur atë edhe një shkallë në renditje, duke parakaluar kështu bardheblutë e Tiranës. Tashmë, Shkumbini është renditur në vendin e
pestë dhe, nëse fiton edhe në Korçë, do ta mbyllë kampionatin në këtë pozicion. Një arritje për këtë skuadër, që rrallëherë është pozicionuar
në vende kaq të mira të klasifikimit.Binte në sy qe numri i vogël i tifozëve, si dhe mungesa e presidentit Ismaili, i cili në shenjë indinjimi nuk ka marrë rrugën për të ndjekur ekipin e tij. Fundi i takimit u shoqërua
me një fërkim të pakuptimtë midis mbrojtësit Xhyra dhe sulmuesit korçar të Flamurtarit,Mema, që detyroi gjyqtarin Dobi të ndëshkojë me karton
mbrojtësin e Shkumbinit.
TE VEÇANTAT
�� Duke qenë takimi i fundit në fushën e Peqinit,hyrja ka qenë falas për të gjithë. E megjithatë,të pranishëm kanë qenë një numër i vogël sportdashësish,të ndikuar edhe nga moti me shi.
�� Në tribunën VIP kanë qenë të pranishëm deputeti i Peqinit dhe prefekti i
Vlorës, por binte në sy mungesa e presidentit Ismaili dhe kryetarit të
Bashkisë së Vlorës, Shpëtim Gjika.
�� Për herë të parë në portën peqinase në këtë kampionat i është besuar
të riut Birja, i cili ka bërë një debutim me karton të verdhë. Po ashtu për herë të parë në këtë sezon shiriti i kapitenit ka ndryshuar krah, kur në
minutën e 73-të i ka kaluar Xhyrës pas daljes së Pashjes.
�� Të dy ekipet kanë dalë në fushën e blertë me një numër të madh mungesash,që janë zëvendësuar me lojtarë të rinj. Peqinasit janë paraqitur me 5 futbollistë të rinj, por edhe kuqezinjtë e Flamurtarit kanë pasur në përbërje disa të rinj.

DEKLARUAN
GUGASH MAGANI Trajneri i SHKUMBINIT
“Në këtë takim vinim pas një humbjeje, e cila nuk u kapërdi lehtë,
megjithatë mundëm që të fitonim. Pozitive ishte se arritëm të shënojmë
shpejt, por nga ana tjetër kemi humbur një mori rastesh për shënim.
Mendoj se kalimi në vendin e gjashtë është një sukses, falë të cilit,
duke parë edhe kalendarin e favorshëm ndaj Skënderbeut, mund të
kapim edhe të pestin”.
SLAVKO KOVAÇIÇ trajner i Flamurtarit
“Nuk ishte një ndeshje me nivel as nga ana jonë, por as nga ana e
peqinasve. Ata na ndëshkuan në një rast sporadik për fajin tonë,
gjithsesi e merituan fitoren. Jemi të ndërgjegjshëm se të gjitha ekipet
po shkojnë drejt përgjumjes. I uroj suksese Shkumbinit. Duhet t’ju
them se në këtë ndeshje kemi pasur shumë mungesa, ndaj edhe ky
s’ka qenë Flamurtari i vërtetë”.

GOLAT
12’ Dalipi

FORMACIONET

SHKUMBINI: Birja, Salliu, Ndoni, Xhyra, Dabulla, Byzhyti (80’ Gjata), Shenaj,Qorri (55’ Nexha), Pashja (73’ Kacollja), Nora Dalipi.
Trajner: Gugash Magani

FLAMURTARI: Moçka (46’ Bërdufi), Begaj, Guga, Paniç, Beqiri, Strati, Alviz, Veliu,Brajkoviç (63’ Çaushaj), Shehu (70’ Banushi), Mema.
Trajner: S. Kovaçiç

KARTONË TË VERDHË: Birja, Dabulla, Byzhyti, Xhyra/Alviz, Mema

GJYQTARET
E. Dobi, E. Pjetrushi, D.Sala

MINUTAT
1’ Dalipi hyn në zonë i vetëm me portierin vlonjat, por preferon të pasojë
tek Nora, që shpërdoron një rast të artë, duke e nxjerrë topin jashtë.
7’ Një dalje e gabuar e Moçkës bën që të përfitojë Nora, i cili çon një top
parabël. Portieri vlonjat e devijon topin me dorë edhe pse jashtë zonës,
por kryesori vazhdon lojën.
12’ Një kros i Pashjes në zonë, Nora përfiton nga dalja e Moçkës.
I vetëm godet, por traversë. Dalipi i ndodhur aty shtyn topin në
rrjetë (1-0).
26’ Nora bën çdo gjë mirë, duke shmangur mbrojtësit, del i vetëm
me portierin, godet, por grushton mrekullisht Moçka, duke mohuar
golin e dytë.
72’ Një top i artë i Byzhytit për Norën, i cili del i vetëm me Bërdufin,
godet, por ky i fundit pret topin me këmbë.

SPIKATI
Mesfushori lushnjar ka qenë promotori kryesor i të gjitha sulmeve peqinase. Ka treguar një klas të lartë gjatë gjithë kohës që ka qenë në
fushën e blertë. Ai ka ndihmuar fuqishëm edhe prapavijën, duke thyer lehtësisht çdo nismë të vlonjatëve. Me të drejtë u shoqërua me ovacione
në rastin e daljes nga fusha e lojës, kur u zëvendësua nga Gjata

pershendetje........
urime shkumbinit per fitoren
dhe nji pershendetje per tifozat....

hallall cunave er fitoren....edhe per venin e 5:)