Dinamo 3-1 SHKUMBINI

DINAMO-SHKUMBINI

30.08.2008, ora 17:00

Stadiumi “Selman Stërmasi”, Tiranë

Gjyqtar: Mentor Sopjani (Durrës)

Bilanci: 35 ndeshje; 19 fitore Dinamo, 9 barazime, 7 fitore Shkumbini. Golat: 48-22.

Dinamo – Mesfushori Hetlem Çapja e konsideron si humbje nëse Dinamo do të barazojë me Shkumbinin në Tiranë. Sulmuesi Sabino Plaku mund të debutojë nga minuta e parë kundër peqinasve. Mbrojtësi i majtë serb Danilo Nikoliç firmosi për një vit me opsion edhe për një vit tjetër me Dinamon. Një gjë e pazakontë ndodhi të enjten në shtëpinë blu, mesfushori Igli Allmuça u pickua nga grenxat dhe përfundoi në spital, ku morri pesë serume.

SHKUMBINI – Fitorja 4-1 me Bylisin i ka bërë optimist të gjithë në kampin peqinas. Mbrojtësi Lorenc Pashja premton se Shkumbini nuk do të dalë pa pikë nga “Selman Stërmasi”. Sulmuesi gjirokastrit Nora, autori i golit të parë në sezonin 2008-2009, synon të shënojë edhe kundër Dinamos. Rizvanolli nuk luan kundër Dinamos për shkak të kartonit të kuq të marr kundër ballshiotëve.

Formacionet e mundshme :

Dianamo : Kotorri,Sina, Graniç,Pisha,Ferraj,Daja,PoçiÇapja,Jusufi,Plaku,Petriçeviç.

SHKUMBINI : Llani,Pashja ,Xhyra,Gallo,Grami,Turdiu,Shenaj, Byzhyti, Nora,Dervishi,Mustafaj.

Fiton Dinamo, qetësohet Daliç

Zllakto Daliç me buzëqeshje të rikthyer. Trajneri kroat i Dinamos arriti fitoren e parë në Superligë. 3-1. Pikërisht ndaj Shkumbinit, që një javë më parë kishte shkatërruar Bylisin 4-1.

Tri pikë, që i dhanë 17-herë kampionëve të Shqipërisë, bashkëkryesimin me Tiranën, që nga ana e saj fitoi 1-0 me Teutën në Shijak.

Në një takim të ndjekur nga shumë tifozë të ardhur nga Peqini e nën sytë e trajnerit të Kombëtares, Ari Han, ishte kroati Frane Petriçeviç, që firmosi në minutën e 8-të jo vetëm golin e tij të parë në Superligë (i dyti bashkë me atë në finalen e Superligës), por dhe golin e parë të Dinamos në sezonin 2008-2009.

Goli i shpejtë provokoi nervozizëm në radhët e peqinasve. Në minutën e 9-të mbrojtësi veteran i Shkumbinit, Alpin Gallo frenoi në mënyrë të parregullt sulmuesin e Dinamos jashtë zonës, Sabino Plaku, dhe duke qenë lojtari i fundit i peqinasve gjyqtari Mentor Sopjani (një ish-gardian në burgun e Peqinit) e ndëshkoi me të drejtë me karton të kuq ish-lojtarin e të treja skuadrave të kryeqytetit.

Pak minuta më pas edhe një karton të verdhë për Mikel Bizhuti. Petriçeviç, Plaku e Allmuça goditën nga larg portën e Ervin Llanit, por pa mundur të ndryshojnë shifrat 1-0 të 45 minutave të para.

Fraksioni i dytë me entuziast për blutë, teksa ishte mesfushori Igli Allumuça, protagonisti i madh. Ish-lojtari i Partizanit dhuroi një asist të mrekullueshëm e sulmuesi Sabino Plaku, i cili nuk e pati të vështirë të shënonte golin e dytë në minutën e 58-të. Goli i parë në kampionati i ish-sulmuesit të HamKamit në Norvegji.

Në të 75’, Allmuça hodhi mjeshtërisht një top drejt zonës së Llanit, dhe aty sfera e devijua nga Xhyra i Peqinit, i kontaktuar tërthorazi edhe nga Sabino Plaku. Një gol ndoshta me dy autorësi, por që çoi befasisht shifrat në 3-0.

Më bukur se kaq nuk mund të shkonte për Dinamon përballë një kundërshtari që luajti që nga minuta e 9-te me dhjetë lojtarë.

Por, gjithsesi Shkumbini nuk u largua nga vizita e parë në kryeqytet pa shijen e golit, kur Gjata realizoi golin e nderit në minutën e parë shtesë (91’). Kjo ishte fitorja e 20-të e Dinamos në 36 takime, kundrejt vetëm 9 fitoreve të peqinasve (9 barazime).

Pas dy javësh pushim, për shkak të ndërprerjes së kampionatit për llogari të ndeshjeve ndërkombëtare të përfaqësueses sonë, në javën e tretë Dinamo do të përballet në Kavajë me Besën, ndërsa Shkumbini do të presë në shtëpi Teutën.

KATEGORIA SUPERIORE

JAVA II

DINAMO-SHKUMBINI 3-1

Shënues: Petriçeviç 8’, Plaku 56’, Xhyra 75’(autogol)/ Gjata 90+1’

30.08.2008, ora 17:00

Stadiumi “Selman Stërmasi”, Tiranë

Gjyqtar: Mentor Sopjani (Durrës)

BILANCI I AZHURNUR

36 ndeshje; 20 fitore Dinamo, 9 barazime, 7 fitore Shkumbini. Golat: 51-23.