Lushnja 1-1 SHKUMBINI

27 Dhjetor Sfida e zhvilluar dje në “Tofik Jashari” të Shijakut, ishte edhe takimi hapës i javës së 17?të të Kategorisë Superiore. Ndeshja mes Lushnjës e Shkumbinit u zhvillua në shoqërinë e shiut gjatë të gjithë 90 minutave. Kjo sfidë është shoqëruar edhe nga tension në shkallët e stadiumit mes y tifozerive. Ajo lushnjare ka kontestuar edhe gjykimin e këtij takimi. Lushjës i duhej patjetër fitorja, ndonëse luajti në fushë asnjanëse për shkak të penalizimit të stadiumit të saj. Lushnjarët kërkonin ta mbyllnin me fitore këtë vit, për ti shpëtuar vendit të parafundit nga renditja. Ka arritur të shënojë e para, por fitoren e ka ruajtur vetëm për dhjetë minuta. Ndërsa Shkumbini synonte fitoren në fushën e Shijakut, çka do të konsolidonte më shumë pozicionin e tij në renditje. Ndonëse takimi u zhvillua në një terren të rënduar, është zhvilluar plot grintë dhe korrekte nga të dyja skuadrat. Pjesa e parë ka qenë më shumë nën kontrollin e peqinasve ku falë kualiteteve më të spikatura është treguar më e rrezikshme, por e paqartë për të realizuar përballë një Lushnje që u përpoq të ishte më e kujdesshme, si në mesfushë ashtu dhe mbrojtje. Në pjesën e dytë, djemtë e Vasil Bicit shfaqën synimin e tyre për të fituar ndeshjen. Loja e tyre ishte më agresive në drejtim të portës peqinase duke krijuar situata të rrezikshme në portën e Llanit që u konkretizua me golin e parë të shënuar nga K.Arbri. Ndërkohë, që Shkumbini synoi në këtë fraksion të dytë të lojës kundërsulmin duke nuhatur dhe motivin e lushnjarëve për të sulmuar vazhdimisht. Pavarisht pësimit të golit, Shkumbini nuk u dorëzua dhe në pesë minutat e fundit barazoi gjithçka, dhe pse pesë minutat shtesë të akorduara nga gjyqtari, i cili u kontestua gjatë nga tifozeria lushnjare, nuk ndikoi në ndryshimin e rezultateve duke i lënë të dyja skuadrat në po ato pozicione në renditje.



Pas ndeshjes



Vasil Bici, trajneri i Lushnjës



Pas përfundimit të ndeshjes së djeshme, Lushnja?Shkumbini, trajneri i lushnjarëve u shpreh: “Nuk arritëm të zhvillonim lojën tonë më të mirë. Padyshim këtu ndikoi dhe motivimi mjaft i madh i futbollistëve për të fituar me çdo kusht takimin, të cilët nxitoheshin në përpunimin e topit. Por, ashtu si në disa takime të tjera, edhe sot(dje) në këtë takim vazhdon të penalizohet ekipi ynë nga gabimet njërëzore të gjyqtarëve, çka na rëndoi dhe në takimin ndaj Shkumbinit. Sidoqoftë, përfitoj nga rasti që në ndeshjen e fundit të këtij viti, të uroj të gjithë shqiptarët gëzuar Vitin e Ri”, përfundon tekniku i verdhejeshilëve.



Gugash Magani, trajneri i Shkumbinit



Pas përfundimit të ndeshjes së djeshme Lushnja?Shkumbini, trajneri i peqinasve shprehet: “Nuk dolëm në lojën tonë më të mirë, por mendoj se barazimi ishte vlerësimi më i drejtë për këtë takim. Përballë një skuadre mjaft të fortë si Lushnja që kërkonte me çdo kusht fitoren, them se Shkumbini duhet të bëjë një merkato të domosdoshme për të arritur atë objektiv që ne kemi sepse tre?katër futbollistë aktualë nuk po justifikojnë lojën e tyre”, përfundon prononcimin e tij, kryepankina peqinase, Gugash Magani.

Sport ekspres