JAVA 17 / SHKUMBIN - Teuta

Byzhyti, një “dhuratë” me Teutën: Fitoren

Pas pikës së marrë në Lezhë, tashmë ekipi i Shkumbinit do të kërkojë një fitore kundrejt ekipit të Teutës në ndeshjen e fundit në fushën e tij, përpara shikuesve peqinas për vitin 2007. Për këtë arsye, ekipi do të kërkojë që në këtë ndeshje të arrijë fitoren, duke u bërë të gjithëve një dhuratë në prag të fundvitit. Tifozët peqinas e kanë ndjekur ekipin edhe në qytetin e Lezhës në barazimin me Kastriotin, ndaj edhe kjo fitore pritet që t’i dedikohet atyre. Në këtë takim kthehet edhe mesfushori lushnjar Alban Byzhyti, i cili në ndeshjen ndaj Kastriotit mungoi për shkak të tre kartonëve të verdhë. Në takimet e luajtura për ngjyrat bardhekaltër, lojtari ka qenë vazhdimisht në rritje, ndaj dhe konsiderohet si një lojtar tepër i dobishëm për Shkumbinin. Për këtë takim, vetë lojtari ka mendimin se fitorja duhet të jetë kryefjala, e këtë fitore t’ua dedikojnë tifozëve peqinas. Ndërsa nga ana e tij, Bizhyti dëshiron shumë që në këtë takim të shënojë. Për gazetën “Panorama Sport” lojtari shprehu edhe vlerësimin për kundërshtarin. “Takimi i radhës luhet në fushën tonë dhe kjo ka shumë rëndësi. Nuk duhet nënvleftësuar undërshtari ,dhe duhet të kemi parasysh se ata nuk kanë ç’të humbin. Por nga ana tjetër, edhe ne nuk kemi ndërmend të bëjmë ndonjë blof dhe as të tolerojmë në këtë takim. Kemi një tifozeri për t’u falënderuar, sepse na ndjekin gjithmonë, prandaj fitorja kundër Teutës për ne është një obligim, e jëkohësisht edhe një dhuratë për të gjithë tifozerinë peqinase”. Por fitoren, mesfushori i Shkumbinit e vlerëson edhe si një bazë e fortë për vazhdimin e kampionatit. “Duke arritur të fitojmë, mendoj se kjo do të na ndihmojë për t’u ngritur edhe në tabelën e klasifikimit, si dhe të jemi të qetë për vitin e ardhshëm. Shpresoj që në këtë takim, loja ime ta ndihmojë sa më shumë ekipin dhe shpresoj gjithashtu, që të më jepet rasti që të shënoj, duke u dhënë të gjithëve që kam përzemër, si dhe tifozëve peqinas, një kartolinë personale. Gjithsesi, kjo ka pak rëndësi, ndërsa primare mbetet fitorja e ekipit”, ka përfunduar mesfushori i Shkumbinit, Alban Bizhyti.

Nga Panoramasport

K.Dalipi kërkon rikthimin me gol për tifozët

Sulmuesi elbasanas i Shkumbinit, Klevis Dalipi, do të jetë në fushë në ndeshjen e fundit me Teutën

Ka munguar në dy ndeshjet e fundit për një tërheqje muskulore dhe mungesa e tij është ndier jo pak në ndeshjen e fundit në Lezhë me Kastriotin, ku Shkumbini mori vetëm një barazim. Bëhet fjalë për sulmuesin elbasanas të Shkumbinit, Klevis Dalipi, i cili rikthehet këtë javë të fundit për këtë vit, duke dashur edhe të kontribuojë në realizimin e fitores, një objektiv që dihet tashmë kur luhet në Peqin, aq më tepër përballë një Teute jo në atë nivel të sezoneve të mëparshme. "Ndihem mirë dhe dëmtimin e kam kaluar plotësisht. Përgatitjet e kësaj jave kanë filluar normalisht dhe shokët janë të motivuar për t'i bërë një mbyllje sa më të mirë këtij viti. U mërzita që nuk morëm më shumë se një barazim me Kastriotin, sepse mundësitë ishin, edhe në pamje të parë duket rezultat i mirë. Fatmirësisht, nuk kemi të dëmtuar këtë javë dhe grupi është pa mungesa," - shprehet për "Sportin shqiptar" Klevis Dalipi, sulmuesi që e ka provuar edhe titullin me Elbasanin. Ndërsa dje pritej analiza e ndeshjes së fundit, ashtu siç ndodh normalisht, trajneri Magani nuk e ka bërë këtë gjë, si për të thënë që ajo që iku nuk kthehet më dhe duhet parë nga ndeshja e radhës. Në stërvitjen e djeshme nuk ka pasur mungesa, ku ka qenë të pranishëm edhe Dabulla me Bizhytin, pa harruar Dalipin e madh, që tashmë e ka kaluar plotësisht dëmtimin. Të pranishëm në seancën e djeshme kanë qenë edhe tifozë, sepse brenda grupit është zhvilluar edhe një ndeshje kontrolli. Duke folur me tifozët peqinas, futbollistët e Shkumbinit u premtojnë fitoren, si dhuratën më të mirë për festën e Vitit të Ri. Këtë gjë u ka premtuar edhe Klevis Dalipi, teksa ka pohuar: "U jemi shumë borxhlinj tifozëve peqinas, prandaj në këtë ndeshje të fundit do të luajmë për ta, duke e fituar normalisht ndeshjen dhe festuar në mënyrën më të mirë ndërrimin e viteve. Kemi mbështetjen maksimale të tifozëve dhe të presidentit Ismaili, kështu që nuk na mbetet gjë tjetër, veçse të bëjmë detyrën tonë dhe njëkohësisht edhe të marrim shpërblimin, që asnjëherë nuk na ka munguar kur kemi arritur rezultate pozitive." Kujtojmë që Shkumbini kishte në dispozicion një shumë të majme nëse do t'i fitonte të tri ndeshjet e fundit. Me Vllazninë u fitua, por u barazua me Kastriotin dhe të gjithë menduan se nuk ka më premio. Megjithatë, duke u kënaqur nga loja dhe atë që dhanë në fushë futbollistët peqinas, Ismaili u ka premtuar se do ta mbajë në fuqi këtë premio, kuptohet duke fituar me Teutën në ndeshjen e fundit. Dhe shanset janë. "Personalisht do të jap maksimumin nëse do të jem në fushë, pasi kjo varet edhe nga trajneri. U premtoj tifozëve një gol në ndeshjen me Teutën dhe do të bëj të pamundurën për ta shënuar, kuptohet duke marrë edhe tri pikët, sepse nuk do të kishte asnjë vlerë. Dhe këtë fitore, duke folur edhe në emër të shokëve, do t'ua dedikojmë tifozëve peqinas, të cilët gjithmonë kanë besuar te forca jonë, madje edhe atëherë kur nuk kemi marrë rezultatet e duhura," - përfundon sulmuesi elbasanas i Shkumbinit, Klevis Dalipi.

Nga shportishqiptar

EC ATY FITORE DHE VETEM FITORE....

FOOOORCA ZEMRA JONE ,SHKUMBINI

JA DHE GJYQTARET E NDESHJES
T. Latifi, G. Maloku, E. Doda

CUNAT NA NDERUAN SHOTE TE DASHUR VLLEZER ...FOOORCA SHKUMBINI ...KESHTU VAZHDOFSHIM GJITHMONE INSHALLAH..

SHKUMBINI 2-0 Teuta`(Xhyra 65', 77')

Xhyra, mbrojtësi goleador i ShkumbinitShkumbini
dominoi mbi Teutën në një takim, kur të dy ekipet e mbyllën me nga 10
lojtarë, por heroi i takimit ishte Klement Xhyra, që jo vetëm shënoi dy
golat e fitores 2-0, por edhe dy të parët e tij gjatë 17 javëve të para
të këtij sezoni.

Pas fitores së thellë me Vllazninë 4-0 në Peqin, djemtë e trajneri Magani i shkaktuan humbjen e 11-të Teutës në kampionat.

Tri
pikë të arta në fitoren e pestë shtëpiake që konsoliduan edhe mezin e
artë në renditje (vendi i 7 me 24 pikë). Minuta e 55-të prodhoi edhe
tension të jashtëzakonshëm në fushë kur gjyqtari i takimit Tanush
Latifi ndëshkoi me karton të kuq nga një lojtar për skuadër: Hodo
(Teuta) e Jakimovski (Shkumbini), të cilët goditën njëri-tjetrin.

Vendasit
ishin më kërkues dhe dhjetë minuta më pas, erdhi edhe goli i parë me
autor mbrojtësin Klement Xhyra (55’), i cili do të shënonte edhe golin
e dytë në minutën e 77-të. Teuta, që nuk po kalon ende krizën ndodhet
në vendin e 10-të, por me 12 pikë po aq sa Besëlidhja.

urime per fitoren. ishallah vetem fitore pacim. forca shkumbini