Presidenti ka premtuar për çdo fitore 300 $ shperblim

Ismaili, deri në fund premio prej 1500$

Me kalimin e ekipeve kryesuese të kampionatit,peqinasit e kapërcyen momentin më të vështirë dhe tashmë duket se shorti është edhe më favorizues për ta, duke qenë se do të kenë përballë skuadra që luftojnë për mbijetesë.
Duke parë edhe kalendarin e kundërshtarëve që ndodhen më lart se Shkumbini në klasifikim (Besa dhe Tirana), peqinasit do të kërkojnë të përfitojnë sa më shumë nga ndeshjet e fundit,
për t’u ngjitur sa më lart në renditje. Për të stimuluar futbollistët e tij në secilin prej pesë takimeve që vijojnë,
presidenti Ismaili ka menduar t’u bëjë nga një dhuratë të majme në këtë mbyllje të kampionatit. Ai u ka premtuar atyre se për çdo fitore, si brenda edhe jashtë fushe, do t’u japë një premio prej 300$ në secilën ndeshje. Tashmë, mbetet në
dorë të lojtarëve nëse do të jenë të gatshëm të bëjnë të
tyren shumën prej 1500$ deri në fund të majit, kur edhe do të mbyllë siparin ky kampionat. Takimi i radhës për Shkumbinin është ai me Lezhën%M! për të cilin zv/trajneri i peqinasve ndihet optimist. “Kemi të bëjmë me një ndeshje të vështirë, e cila në pamje të parë të jep idenë se po përballemi me një ekip që mbyll tabelën.Megjithatë, ne do të angazhohemi dhe nuk do të bëjmë asnjë tolerim, duke mos ndihmuar as ato skuadra që rrezikojnë rënien nga kategoria, por duke parë vetëm interesat tona. Edhe këtë javë, ekipi
ka marrë një mbështetje të madhe për vazhdimësinë pozitive në çdo takim nga presidenti Ismaili, të cilin gjej rastin ta falënderoj. Mendoj se i kemi të gjitha forcat potencialet, si dhe mundësitë që nga Lezha të dalim me fitore”, përfundon
një prej pjesëtarëve të stafit bardhekaltër.

Përqendrim maksimal ndaj Besëlidhjes

Peqinasit kanë mbyllur seancën e fundit stërvitore pasditen e së premtes dhe janë grumbulluar për të udhëtuar menjëherë drejt Shëngjinit, ku pritet të akomodohen në prag të përballjes me Besëlidhjen e Lezhës. Për ekipin e Shkumbinit
nuk ka pasur asnjë nënvleftësim rreth përgatitjeve të fundit në prag të kësaj sfide. Për stafin teknik të bardhekaltërve, takime të tilla janë edhe më të vështira, teksa flitet për
mbijetesë mes më të mirëve. Kjo ka bërë që në të gjitha drejtimet Shkumbini të vlerësojë siç duhet përballjen me Besëlidhjen.

Panorama sport