Nisin ethet e sfidës me Flamurtarin

Pas dy ditëve pushimi në fundjavë,ekipi i Shkumbinit do t’i rikthehet sot përgatitjes në javën që do të startojë kompeticionin futbollistik në vend për 2008-n. Skuadra u kthye nga Mali i Zi vetëm të premten dhe lojtarëve iu la kohë të pushonin. Këto përgatitje i kthehen fushës stërvitore të qytetit të Peqinit pas një minifaze 13-ditore që ekipi i Shkumbinit zhvilloi në Ulqin të Malit të Zi. Shkumbini do t’i kthehet stërvitjes me një seancë në ditë. Sipas teknikut
Gugash Magani, mësohet se skuadra e ka kaluar stadin e marrjes së ngarkesës fizike, ndaj dhe tashmë do të ndryshohet programi i punës. Ai shprehet: “Faza përgatitore në Ulqin mendoj se e ka plotësuar më së miri marrjen e ngarkesës fizike. Tashmë do të zhvillojmë një stërvitje ku lojtarët do të jenë më shumë në kontakt me topin, - thotë trajneri. - Do të doja nga djemtë që të jenë më kërkues në drejtim të portës, prandaj mendoj se do të punojmë vazhdimisht në këtë drejtim. Pikësynimi më i madh që dua të arrij me lojtarët e mi do të jetë ngritja e ekipit nga ana psikologjike. Të gjithë duhet ta kuptojmë se nuk mund të flitet më për ndeshje të lehta. Sidomos tani në fazën e dytë, çdo gjë komplikohet edhe më tepër, pasi një front i vështirë është ai që zhvillojnë ekipet që pretendojnë kreun, ndërsa edhe më e vështirë bëhet tek ekipet që luftojnë për të mbijetuar mes më të mirave të Superiores. Ndaj dua që lojtarët e mi të jenë të përqendruar në çdo takim, duke e vlerësuar siç duhet çdo kundërshtar, si dhe të mundohen që të japin më të mirën për të arritur rezultate pozitive në çdo takim”, - ka përfunduar trajneri Magani. Lulzim Resuli

panoramasport.

NDESHJA ESHTE E VESHTIRE
SKUADRA VLONJATE KA NJE EKIP ME DJEM TE RINJ DHE TE TAENTUAR
PLUS KA BERE PERGATITOREN NE ITALI
UNE JAM I MENDIMIT NJE BARAZIM
PO GJITHSESI SHPRESOJ TE BEHET LOJE E BUKUR

po REAL ke te drejte eshte neshje shume e veshtire...por inshallah ja dalim me mor naj pike...