Shkumbini/ Pashaj:”Jemi makthi i “të kuqve”

Vetëm një takim ka humbur ekipi i Shkumbinit në shtëpi ndaj Partizanit, ndërsa në 2-3 sezonet e fundit, peqinasit janë bërë një makth për të kuqtë nga kryeqyteti. Këtë vit në të dy përballjet e zhvilluara, peqinasit kanë qenë fituesit, duke i rrëmbyer gjashtë pikë kundërshtarit, ku fitorja e fundit ka ardhur vetëm një muaj më parë, pikërisht më 15 shkurt 2009 me golin e Dërvishit. Peqinasit mendojnë të shfrytëzojnë në maksimum edhe këtë takim. Padyshim që kontributit të gjithë ekipit nuk mund t’i lihet pa përmendur edhe puna e një ndër lojtarëve më stabël të Shkumbinit, mbrojtësit Pashja, i cili për takimin e radhës shprehet: “Mendoj se në ndeshjen ndaj Partizanit nuk do të kërkojmë të konklavitim situatën e mirë që po kalojmë. Jemi përgatitur më së miri gjatë gjithë javës dhe mund të them se gjendemi me një moral shumë të lartë. Padyshim që përpara kemi një ekip për t’u respektuar, pasi Partizani në cilëndo gjendje të jetë, sërisht mbetet një fanellë me peshë në kampionatin shqiptar. Megjithatë, ne jemi të mobilizuar në këtë takim, për tëvijuar me rezultatet pozitive dhepër të mos u shkëputur nga ekipet e tjera, që gjenden lart nesh në renditje. Po të shohim në kronikën e viteve të fundit kemi arritur vazhdimisht ta mundim Partizanin, ndaj mendoj se kemi fituar një traditë të mirë në përbaljet me ta. Nuk duhet të harrojmë se një tjetër fakt pozitiv për të fituar është se takimi luhet në fushën tonë, përpara tifozëve tanë, të cilën na mbështesin dhe presin fitore nga ana jonë dhe ne nuk kemi pse t’i zhgënjejmë”, ka përfunduar mbrojtësi Pashja
Sportekspres