Në Peqin fitojnë vetëm grushtat

Një
takim tepër i rëndësishëëm për peqinasit, pasi kupa ishte padyshim një
objektiv për skuadrën e Maganit. Padyshim që në takimin kundër Besës,
peqinasit janë pritur ashpër dhe me shumë ofendime, por drejtuesit e
klubit kishinbërë një punë të madhe për të pritur miqësisht kavajasit.
I këtij mendimi nuk ka qenë vetëm kryesori Jemini, i cili ka nxitur më
kot zënka dhe një ndeshje të tensionuar. Pjesa e parë ka qenë një lojë
tërësisht e kontrolluar nga peqinasit, ku rastet e njëpasnjëshme në
portën e Duros mbajnë firmën e Mustafait, Rizvanollit dhe Turdiut, por
pa arritur të shënojë në portën e miqve.


Pjesa e dytë ka nisur me një shtyllë nga Dërvishi por më pas
edhe e Norës. Një lojë shumë tërheqëse e të riut Mustafai ka bërë të
mundur që të shënohet goli i parë në minutën e 64?t. Deri këtu, ndeshja
ka qenë tepër normale dhe pa as më të voglin problem. Pak minuta më
tej, Jemini nuk është munduar aspak të hedhë sytë nga një ndërhyrje e
parregullt ndaj Gramit, duke mos akorduar një 11 metërsh. Kanë kaluar
vetëm disa minuta dhe Haliti i sapo hyrë ka arritur të shënojë golin e
barazimit, duke i hapur Besës një dritare pozitive për kualifikimin e
mëtejshëm në turin e ardhshëm të kupës. Pas pak minutash, në mënyrë të
pakuptimtë, kryesori Jemini ka dhënë në harkun e pesë minutave dy
kartona të kuq për Dërvishin dhe Norën, duke e lënë Shkumbinin me 9
lojtarë. Një reagim i ashpër ka ardhur nga pankina peqinase, ku
trajneri Magani ka urdhëruar të tijët tërheqjen nga fusha, por më pas i
ka lejuar të përfundojnë takimin. Në fundin e ndeshjes një numër i madh
tifozësh kanë pritur të dalë kryesorin Jemini, por forcat e policisë
kanë bërë shpërndarjen pa eksese të tyre.