Shkumbini- Besa. Magani: “Gjyqtari na mohoi fitoren”

Trajneri i Shkumbinit, Gugash Magani,
do të deklaronte pakënaqësinë
e tij për gjykimin e ndeshjes: “E kishim
përgatitur gjatë gjithë javës këtë takim
si nga ana teknike, ashtu edhe nga
ajo organizative. E dinim që nuk mund
të ishte një ndeshje e lehtë për vetë
objektivat e skuadrave. Gjithashtu,
edhe në aspektin e tifozerisë ishin
marrë të gjitha masat për të dhuruar
një spektakël si në çdo herë tjetër në
fushën tonë, dhe për këtë dua të
falënderoj publikun tim, që tregoi edhe
një herë kulturë sportive. Nga ana
teknike, ne e dominuam lojën ndaj
kundërshtarit dhe patëm shumë
raste për të shënuar. Mirëpo në këtë
aspekt doli dhe një dorë e tretë që
ishte kryesori Jemini, i cili bëri sa
pati mundësi për ta shtrembëruar
si donte takimin me vendimet e tij,
dhe këto u panë qartë nga të gjithë.
Nuk arrij ta kuptoj si mundet një
gjyqtar i tillë të bëhet përsëri protagonist
ndaj nesh, kur patëm
kërkuar që ai të mos arbitronte më
në Peqin. Me plot gojën mund të
them se arbitri na mohoi fitoren,
ndërsa kualifikimi është i hapur.
Falënderoj tifozerinë”. F. Ahmeti
Panorama sport