Dasma e Salliut mbledh peqinasit

Dasma e Salliut mbledh peqinasit
Edhe pse ditë pushimi, dita e djeshme i ka mbledhur përsëri dje pasdite futbollistët e Shkumbinit. Shkak është bërë ceremonia e martesës e njërit prej futbollistëve peqinas, mesfushori Alfred Salliu. I gjithë ekipi ka qenë i ftuar në këtë gëzim për të festuar deri vonë.
Ka qenë ky shkaku që maqedonasi Delioski dhe serbët Jaksimoviç e Mujdragiç të mos udhëtojnë drejt vendlindjes së tyre për të qenë pjesëtarë në këtë dasmë shqiptare.
Paradite janë bashkuar të gjithë peqinas e “jabanxhinj”, duke pasur të drejtë të gëzohen për martesën e kolegut të tyre, për më tepër që kjo bëhet një ditë pas fitores që arriti Shkumbini përballë Vllaznisë në Peqin.
Sporti shqiptar

Ekipi, i gjithi në dasmën e Salliut

Duket se edhe pas fitores ndaj ekipit të Vllaznisë, festa në Peqin nuk ka mbaruar. Drejtuesit e skuadrës si dhe lojtarët kanë qenë të gjithë të pranishëm në drekën e shtruar nga lojtari Alfred Salliu, i cili është martuar. Festa ka zgjatur deri në orët e pasdites, çka i ka kënaqur pa masë të gjithë. Sot ekipi i rikthehet përgatitjeve, pasi të mërkurën do të udhëtojnë në drejtim të kryeqytetit, në përballjen e javës së 19?të ndaj ekipit të Tiranës.
Sport ekspres