Presidenti Ismaili bën pazar te Partizani dhe Elbasani

Vitin 2008 ekipi i Shkumbinit
e mbylli në vendin e
pestë, duke u pozicionuar në
gjashtëshen e parë të tabelës,
një pozicion në dukje komod
për peqinasit, por drejtuesit
bardhekaltër nuk mbetën
plotësisht të kënaqur nga
pjesa e parë e sezonit, nisur
edhe nga objektivat që ata
kanë për këtë vit, që është
pjesëmarrja në kupat e
Evropës. Në mjaft momente
të kampionatit, trajnerët
vendës, por edhe presidenca
e klubit patën shprehur
rezerva në lidhje me mosimpenjimin
e duhur nga ana e
disa futbollistëve prej të
cilëve pritej më shumë. Një
problem i mprehtë për Maganin
ishte kthyer edhe mungesa
e disa prej titullarëve
të tij, duke bërë që ai t’ia besonte
formacionin bazë
lojtarëve të stolit, të cilët nga
ana e tyre nuk e shpërblyen
plotësisht besimin që i pati
dhënë trajneri. Presidenca e
ekipit të Shkumbinit ka qenë
nga më korrektet në lidhje
me shlyerjet e pagesave dhe
shpërblimeve ndaj futbollistëve,
duke i paguar çdo
fund muaji dhe me të drejtë
kërkonte prej futbollistëve
që të jepnin më të mirën në
fushën e lojës, jo vetëm si
detyrim ndaj presidentëve,
por edhe si detyrim moral
përballë mijëra tifozëve të
qytetit që e kanë ndjekur
kudo skuadrën.
Premtimi
Presidenti Ismaili i qëndron
akoma besnik idesë së
tij se skuadra ka nevojë për
të bërë merkato tani që është
edhe mundësia teksa shprehet:
“Ne si presidencë i kemi
dhënë “OK” drejtuesve për të
hyrë në merkato dhe për të
afruar dy-tre futbollistë cilësorë,
që i nevojiten skuadrës
në ato reparte ku janë vërejtur
më shumë mangësi prej
tyre. Mirëpo çdo gjë do të
bëhet në mënyrë të detajuar,
duke synuar futbollistë të
mirë, por edhe që të mos kenë
probleme kontratash me ekipet
ku janë aktivizuar më
parë. Akoma nuk dua të
shprehem për emrat që do të
afrohen në klub, - shprehet
Ismaili, - pasi ka kohë për të
studiuar dhe për të marrë futbollistë
me emër. Mund t’ju
them se na duhet një mesfushor
organizator dhe një
mbrojtës i mirë, që të na sigurojë
në prapavijë, ku duket
se edhe ky repart ka qenë
edhe “thembra e Akilit”.
Mund t’ju them se po vëzhgojmë
disa lojtarë te Partizani
dhe Elbasani, futbollistë të
cilët mund t’i zgjidhin paqësisht
kontratat e tyre, por nuk
mund të përjashtoj edhe
pistën e huaj dhe për këtë, në
Shqipëri ka mjaft menaxherë
që japin këshilla”.
Të huajt
Në skuadrën e Shkumbinit
i vetmi i huaj në këtë
sezon është maqedonasi Deliovski,
i cili rikthehet nën
urdhrat e trajnerit Magani
pas një dëmtimi të gjatë që e
mbajti jashtë fushave për
disa javë radhazi. Tifozeria
peqinase pret në këtë fillim
viti dhuratat për ekipin e
zemrës dhe ka besim te projekti
i stafit vendës për të
ardhmen. Fatmir Ahmeti
Panorama sport