SHKUMBINI / Fiton vendin e pestë dhe të rinjtë

SHKUMBINI / Fiton vendin e pestë dhe të rinjtë

Ekipi i Shkumbinit ka mbyllur kënaqshëm kampionatin e 69-të kombëtar, teksa në takimin e fundit ka arritur një tjetër fitore në transfertë. Ajo që e ka bërë edhe më të veçantë këtë ndeshje të fundit të sezonit ishte fakti
që, stafi teknik i ekipit peqinas ka preferuar të aktivizojë futbollistë të rinj. Eksperiment që gjithsesi nuk ka rrezikuar aspak performancën e peqinasve, përkundrazi ka shpërblyer besimin dhe guximin e trajnerit Magani. Pavarësisht ndryshimeve të shumta, Shkumbini ka siguruar
shpejt fitoren ndaj korçarëve të rënë në Kategorinë e Parë. Një fitore mjaft me vlera për bardhekaltrit, të cilët pas shumë sezonesh, kanë mundur më në fund të pozicionohen zyrtarisht në fund të kampionatit në vend të pestë. Njëlloj si në transfertën ndaj Besëlidhjes, edhe të shtunën përballë ekipit të Skënderbeut ra në sy loja e mrekullueshme e sulmuesit peqinas, të riut Mustafai, i cili me dopietën e tij i dha peqinasve sigurinë e fitores që në pjesën e parë. Nuk ka dyshim që ky lojtar ka një të ardhme të sigurt në sulmin bardhekaltër. Me këtë dopietë të realizuar në takimin e fundit të kampionatit, sulmuesi ka arritur kuotën e pesë golave të realizuar këtë sezon, duke u renditur mes golashënuesve më të mirë të
Shkumbinit.

Nga PanoramaSport

suksese cunave per vendin e peste se e merituan...