Lojtarët përkrahin vandimin e presidentit

Në takimin ndaj Partizanit, sulmuesi peqinas Roland Dervishi, nuk ka
qenë i pranishëm për shkak të disa problemeve të lehta shëndetësore,
por që për fat të mirë të lojtarit dhe të ekipit tashmë duket se
kanë kaluar plotësisht. Në takimin e radhës ndaj bluve të kryeqytetit,
sulmuesi do të jetë në dispozicion të trajnerit Magani dhe është i
sigurt se ai dhe shokët e tij do të japin maksimumin në fushën e lojës.
Për “Panorama Sport” shpreh keqardhjen për mungesën e fatit në
takimin ndaj partizanit dhe uron që në këtë takim, ai të jetë në krahun
bardhekaltër. “Në takimin ndaj Partizanit - shprehet lojtari - ne bëmë
një paraqitje të kënaqshme dhe e vumë shumë herë në rrezik ekipin
e të kuqve. Padyshim që në atë ndeshje fati nuk qe aspak në krahun
tonë, teksa nuk kishim rezultat në rastet paraqitura para portës.
Takimit të radhës po i jepet rëndësia e duhur dhe çdo gjë po përgatitet
më së miri. Kjo ndeshje do të zhvillohet në fushën tonë, para
tifozëve tanë ndaj dhe impenjimi do të jetë maksimal. Në çdo ndeshje
ne jemi munduar të japim më të mirën, por në fushën tonë kemi më
shumë lirshmëri dhe lehtësi shprehje, ndaj mendoj se do ta shfrytëzojmë
në maksimum këtë fakt. Në këtë takim nuk mendoj për suksesin
personal, por për fitoren e ekipit. Çdo lojtar ka egon e tij për të
shënuar, por për mua rëndësi që goli t’i shërbejë më së miri skuadrës,
duke e çuar atë drejt fitores. Përsa i përket ndeshjes ndaj Dinamos,
mbështes fjalët e presidentit tonë, Xhavit Ismaili. Ne do të jemi gjithnjë
transparentë dhe do të kontribuojmë që kampionati të jetë kurdoherë
i pastër dhe i drejtë për të gjithë. Kam bindjen e plotë se të
gjithë si kolektiv do të paraqesim një futboll të bukur dhe rezultativ
këtë fundjavë”, ka përfunduar sulmuesi Roland Dervishi.
Lulzim Resuli
panoramasport