JAVA 5 / SHKUMBINI - Kastrioti

Java 5
28 shtator 2007 - 16:00


SHKUMBINI - Kastrioti

SHKUMBINI Ndaj Kastriotit ndryshon formacioni
Pas humbjes së të shtunës ekipi i Shkumbinit i është kthyer sërish përgatitjeve pasi kanë një tjetër ndeshje te rendësishme që i pret.Ndeshja me Kastriotin, edhe pse luhet në Peqin,nuk lë vend për ta nënvlerësuar.Trajneri Magani ka vënë në punë të gjithë djemtë për të pasur në fushë një ekip kërkues dhe të aftë për të
arritur fitore, madje duke bindur edhe me lojë. Vetë trajneri Magani na konfirmon për “Panorama Sport”: Nuk kemi kohë për të humbur, -shprehet ai. - Mendoj se ndeshja që vjen në fundjavë nuk është aspak për t’u nënvleftësuar. Ndeshja me Kastriotin ka të njëjtën vlerë sikurse të gjitha ndeshjet e tjera të luajtura deri më tani. Kam kërkuar nga lojtarët që të kushtojnë vëmendje të madhe në stërvitje, sepse ajo çka paraqitet gjatë javës në stërvitje reflektohet më tej në fushën e lojës. Humbja me vllazninë s’ishte aspak e këndshme, por kam kërkuar që lojtarët tashmë ta lënë gjithçka pas dhe të përqendrohen totalisht në ndeshjen e radhës.Mendoj se edhe djemtë e kanë tashmë më se të qartë se nuk ka vend për hapa fals,por njëkohësisht e kanë të qartë se ata duhet të bindin
edhe me lojën e tyre, sepse janë të shumtë ata që e ndjekin dhe jetojnë me sportin në Peqin. Ndaj dhe të gjithë kemi obligim karshi tyre. Së fundi- është shprehur trajneri Magani, - jam i qartë se djemtë do të jenë
të mobilizuar totalisht dhe të shtunën do të paraqiten me tjetër “fytyrë” kundër Kastriotit.

Qorri, asnjë mundësi për surprizë krutanëve

“Ndeshja e së shtunës, kur Shkumbini do të presë Kastriotin, do të fitohet nga ne”,është shprehur mesfushori sulmues i peqinasve, Ilir Qorri. “Do të jetë një ndeshje midis dy skuadrave, që luftojnë për t’u larguar nga vendet e fundit të renditjes”, ka thënë elbasanasi, për të treguar sa e fortë do të jetë ajo. “Megjithatë, unë mendoj se do ta kalojmë edhe këtë pengesë, ashtu si bëmë me Besëlidhjen” ka vijuar Qorri. Futbollisti tregon se skuadra krutane nuk është në ditën e saj më të mirë, madje, do të jetë e goditur psikologjikisht, pas humbjes në fushën e saj të dielën e kaluar, me “demat e kuq”. “Eshtë e vërtetë që do të përballemi me një kundërshtar në një gjendje jo të mirë, por në fushë nukduhet ta nënvlerësojmë Kastriotin. Pavarësisht nga rezultatet e deritanishme, skuadra krutane ka në përbërje futbollistë të mirë, që hapin probleme edhe në ndeshjet në transfertë. Ata do të kërkojnë të marrin qoftë dhe një pikë fushat kundërshtare, ndaj pritet të luajnë fort” ka parashikuar Qorri. Sipas tij, kjo i detyron peqinasit të luajnë më të motivuar dhe me grintë, sepse edhe Shkumbini ka vetëm tri pikë dhe gjendet në vendet e fundit të renditjes. Kjo gjendje mund të ndryshojë vetëm nëse në ndeshjen e së shtunë merren pikët e plota ndaj Kastriotit, duke e lënë prapa dhe në renditje. “Trepikëshi do të na vlente për renditjen, por do të ishte dhe një “karikim” psikologjik për ndeshjet e ardhshme” ka vlerësuar futbollisti i Shkumbinit. Sipas Qorrit, Kastriotit nuk i duhet lënë asnjë mundësi që të bëjë surprizën në Peqin, ndryshe gjithçka do të jetë e kotë lidhur me realizimin e objektivave që janë përcaktuar në këtë kampionat. “Në këtë ndeshje duhet të marrim medoemos tri pikët, të cilat jo vetëm do të ndryshojnë imazhin e skuadrës, por do të krijojmë kushtet për t’u ngjitur më lart në renditje”, ka përfunduar Qorri.

KrUja bon gabim qe do t vij n peqin sepse do t bohet tabele qitjeje per sulmuesit tone:twisted:
FOOOORCA SHKUMBINI

T.Latifi S.Avdo-M.Dervishi

kjo eshte 3-shja e gjyqtareve qe do te na drejtoje.ishalla mos na bojne naj t pabome kto se ca nuk pret prej ktyre gjyqtareve t leshit

Bilanci

Shkumbini-Kastrioti
5 ndeshje (+2=2-1.Gol:4-4)
Fitorja e fundit e Shkumbinit 2-1 më 14.4.2007
Barazimi i fundit 0-0 më 16.9.2006
Fitorja e fundit e Kastriotit 2-0 më 2.12.2006