JAVA 31 / Kastrioti - SHKUMBINI

Ndeshja luhet ne shijak ne oren 16:30 dhe ndeshjen do ta drejtojne

T.Latifi , A.Guce-B.Mesi

Ndaj Kastriotit, me alternativa për të rinjtë

Në tri ndeshjet e fundit, ekipi i Shkumbinit ka arritur që të marrë dy fitore dhe një barazim, çka ka bërë që skuadra të ndjehet e qetë në mesin e tabelës së renditjes. Tashmë ekipi peqinas e ka të qartë që nuk mund të bëjë të tijin asnjë trofe, prandaj ajo çka ai mund të synojë më së shumti
është fitimi i lojtarëve të rinj në ekip, të cilët mund t’i ketë edhe bazën e vitit të ardhshëm. Kështu, thuajse në të gjitha takimet e fundit, teknikët peqinas e kanë bërë një traditë teksa u kanë besuar rreth një pjesë loje lojtarëve të rinj. Në repartin e mesfushës, trajneri Magani i ka besuar vazhdimisht të riut Gjata, i cili ka bërë një paraqitje të mirë dhe që në të ardhmen mund të jetë një lojtar i formacionit peqinas. Me sukses është paraqitur edhe sulmuesi Mustafai, i cili këtë vit ka kaluar thuajse çdo planifikim, duke merituar dhe shpërblyer më së miri besimin që i kanë dhënë trajnerët e skuadrës. Ky lojtar, me formën e mirë që ka treguar, ka qenë këtë vit edhe pjesë e pandashme e Kombëtares sonë U-19, të drejtuar nga tekniku Ramadan Shehu. Por në radhët e ekipit bardhekaltër, këtë vit debuton edhe një tjetër lojtar i U- 19, lushnjari Kaloti, i cili pret momentin e tij për t’u aktivizuar në radhët e Shkumbinit,
në mënyrë që të tregojë se, edhe ai mund të japë diçka për këtë skuadër. Si për të mos u mjaftuar vetëm me këta lojtarë, drejtuesit peqinas kanë menduar të hedhin sytë edhe nga të rinjtë e tyre, teksa prej 6 muajsh me ekipin e parë peqinas është duke u stërvitur edhe portieri i ri, peqinasi, Selami Ajazi. Me formën e mirë që ka ai paraqitur në
grupmoshën e tij, është grumbulluar edhe nga trajneri i Kombëtares sonë U-17, Shpëtim Duro. Kështu që kalendari peqinas tashmë është edhe më i favorshëm për aktivizimin e lojtarëve të rinj në këto tri ndeshje të mbetura për t’u luajtur në këtë kampionat.

Nga panoramasport

hajde me i fitore edhe kte ndeshje ose edhe barazim ti tregojm te tjerve se shkumbini nuk behet pjese e pazareve....

Rizvanolli, shpëtimtar; Krutanët “blindohen”

Maj Në ndeshjen e luajtur në stadiumin e Shijakut, dy skuadrat që ishin përballë, Kastrioti e Shkumbini, kishtin motive krejt të ndryshme. Fubollistëve krutanë u duhej fitorja, për t’u larguar nga sa më tepër nga vendi i parafundit, që do t’i rrëzonte një kategori më poshtë, ndërsa Shkumbini vinte me autoritetin tashmë të konsoliduar, me synimin për një vend sa më të mirë në tabelën e renditjes. Loja ka nisur mjaft e qetë për të dyja skuadrat dhe dhjet minutat e para kanë kaluar kryesisht në mesfushë, pa ngacmime për portierët. Trajneri Ndreu me formacionin e paraqitur kishte si pikësynim sigurimin e portës dhe të kundërsulmonte për të gjetur në befasi mbrojtjen peqinase. Kjo, edhe për shkak se në skuadër mungonin futbollistë, të aksidentuar disa ditë më parë, pa përmendur Abazajn. Kështu, rolin kryesor e kishte marrë Rizvanolli, tek i cili mbështeteshin të gjitha sulmet e skuadrës krutane. Nga ana e saj, skuadra peqinase vinte me një formacion të kompletuar, por ndoshta pa impenjimin e duhur, çka dukej dhe në faktin se ngacmimet në drejtim të portës krutane ishin episodike, në kontrast të plotë me grintën karakteristike saj. Pjesa e parë në përgjithësi ka qenë një lojë e mërzitshme, ku rastet pikante kanë munguar për portierët respektivë, të cilët më shumë mbetën në rolin e spektatorëve. Ndërsa në të dytën, skuadra krutane, duke menduar se e kishte të domosdoshme fitoren, u hodh e tëra në sulm, teksa ka gjetur edhe zona të lira para portës peqinase. Rizvanolli u paraqit si sulmuesi më i rrezikshëm dhe mjaft problematik për mbrojtjen e Shkumbinit. Madje, ishte ky që shënoi golin e vetëm në këtë ndeshje, falë dhe mjeshtërisë e përvojës së tij. Pas shënimit të golit, Shkumbini reagoi për të barazuar, por loja e peqinasve nuk ishte e qartë. Me gjithë pëpjekjet e shumta, sidomos në 15 minutat e fundit, Nora, Dalipi apo Bizhyti nuk arritën dot të çanin në mbrojtjen mjaft të ngjeshur të Kastriotit, që ruajti me fanatizëm rezultatin deri në fund të ndeshjes. Në këtë mënyrë, krutanët arritën një fitore të çmuar në fushën shijakase, e cila ka rezultuar me fat për këtë skuadër, sepse të njëjtën gjë ata e kanë bërë edhe me Vllazninë. Ndërsa Shkumbini nuk u paraqit në nivelin e zakonisht, në të cilin është parë gjatë kampionatit. Ndoshta mungesa e motivimi bëri që skuadra peqinase të mos japë më të mirën e saj

Branica, i pakënaqur për lojën me Kastriotin

Në transfertën e Shijakut, futbollistët peqinas janë mundur nga ekipi i Kastriotit, megjithëse Shkumbini ishte përgatitur që të merrte një tjetër fitore, për të përsëritur atë të dy javëve më parë si me Besëlidhjen. Zëvendëstrajneri Sokol Branica e sheh këtë humbje nga disa këndvështrime.Kështu, për gazetën “Panorama Sport”, ai thekson se skuadrës i mungoi shumë përqendrimi: “E kishim vlerësuar si duhet takimin me Kastriotin, dhe na vjen keq që e humbëm. Ne udhëtuam drejt Shijakut për të përsëritur fitoren që morëm dy javë më parë, në transfertën me Besëlidhjen, prandaj ju siguroj se në këtë ndeshje nuk ka pasur kurrfarë nënvleftësimi nga ana jonë. Kjo që ndodhi nuk duhet menduar
në asnjë mënyrë si një lëshim yni për shkak të gjendjes së Kastriotit. Më së shumti, humbja erdhi për fajin tonë,pasi ekipit në momente të veçanta i mungoi shumë përqendrimi.Kuptohet që goli ishte një gabim njerëzor dhe i paqëllimshëm i portierit
tonë, gol që mund ta pësojnë edhe portierë të mëdhenj. Mirëpo në këtë takim ne patëm raste të mira për shënim dhe me pak më tepër kujdes, do kishim shënuar me siguri”.Pa mohuar gabimet e futbollistëve të tij, Branica pretendon në fakt edhe për mosdhënien e një penalltie në favor të Shkumbinit: “Në ndeshje pati edhe një rast të dyshimtë për penallti në favorin tonë, e cila mund të na jepte mundësinë për të marrë të paktën një pikë. Një fitore në këtë transfertë do të bënte që ta mbyllnim këtë kampionat në mënyrën më të mirë të mundshme, duke ruajtur pathyeshmërinë
për disa javë rresht. Gjithsesi, shpresoj që në dy takimet e mbetura ne t’i bëjmë një mbyllje dinjitoze këtij sezoni”.

kto jan plehra or burr...turp ti vij qe u rrafen...

po nji rast ishte qe i mundi kastrioti.....me nji rast nuk behesh pd...

mund t synonim per n vend t 4 ose intertoto mo ujko t kishim mor ate fitore me kastriotin...