Bylis 2-1 SHKUMBINI

Ekipi i Bylisit ka arritur të fitojë në stadiumin “Adush Muça” ndaj peqinasve
me rezultatin 2-1. Ashtu siç kishin deklaruar gjatë javës, futbollistët
e Bylisit e kishin vlerësuar drejt përballjen e vështirë me Shkumbinin
dhe arritën që ta fitonin atë. Në këtë ndeshje djemtë e Dedjes u futën
në lojë më të mobilizuar dhe më të motivuar se asnjëherë, për ta përballuar
dhe sigurisht, për të marrë tri pikë të
vlefshme. Që në fillim vendësit ishin të organizuar.
Ata luajtën në sulm dhe me ritëm të
lartë. Në çdo minutë kërkonin me këmbëngulje
zhbllokimin e rezultatit, duke e detyruar
ekipin kundërshtar që të rreshtohej në
mbrojtje. Megjithatë, do të vinte minuta e 28,
kur pas ekzekutimit të një goditjeje dënimi
nga 25-m nga ana e mesfushorit Hodo, që e
shënon golin e avantazhit. Ekipi i Bylisit jo vetëm kërkon të ruajë rezultatin,
por edhe ta dyfishojë atë. Shkumbini reagon fuqishëm pas pësimit të
golit, duke mos u pajtuar me rezultatin dhe kërkon që ta barazojë atë.
Pjesa e parë u mbyll me rezultatin 1-0 në favor të ekipit të Bylisit. E dyta
ka një fillim më të mirë për futbollistët miq, të cilët kërkojnë me insistim
golin e barazimit, ndërkohë që vendësit
përpiqen të menaxhojnë rezultatin e arritur
në pjesën e parë. Në minutën e 56 miqtë
shënojnë golin e barazimit më anë të Norës.
Barazimi nuk i kënaq të dy ekipet, të cilët
kërkojnë që të shënojnë në portat respektive
golin e avantazhit. Por në minutën e 78 miqtë
me anë të Novit shënojnë dhe kalojnë në avantazh.
Takimi përfundon me fitoren e ekipit të
Bylisit me rezultatin 2-1. Mario Gjika

Bylis-Shkumbini 2-1 ( 28' Nevez, 56' Nora, 78'Dalipi(Cekaj)
Ndeshje: 14
Fitore vendasit:5
Barazime:3
Fitore miqte:6
Golat:11-17
Faza I: 1-4