SHKUMBINI 0-0 Tirana

Topi sjell paqen në Peqin, gjykim perfekt i ÇekajTë gjithë e konsiderojnë si një ndeshje në shtëpi atë midis Shkumbinit e Tiranës, kur ajo zhvillohet në Peqin. Dhe e shtuna e rikonfirmoi atë: 0-0. Por dhe në praninë edhe qytetarit numri 1 të shtetit shqiptar, Presidentit të Republikës, Bamir Topit. Ish-presidenti i Tiranës – i pranishëm javen e kaluar edhe në Tirana-Dinamo (2-1)- shijoi një ndeshje të qetë në fushën sportive të Peqinit, shumë larg asaj Shkumbini-Besa, dhe pa asnjë lloj presioni ndaj gjyqtarit Sokol Çekaj e pa incidente në dhomat e zhveshjes. Ndeshja ishte thuajse e ekuilibruar, Shkumbini më mirë në pjesën e parë (mund të kishte shënuar në minutën e 44-të, kur goditi shtyllën pingule), ndërkohë që Tirana kryesuese pati një rast me Daniel Xhafën në minutën e 60-të. Në minutën e 80-të Turdiu goditi fuqishëm me kokë, por topin e grushtuar nga portieri i tretë i Tiranës, maqedonasi Kormodovski, nuk arriti dot ta shtynte në rrjetë Shameti. Tirana vazhdon të mbetet i vetmi ekip pa humbje në tetë javë dhe “mbretëresha e transfertave” (9 pikë në 5 ndeshje), ndërkohë që Shkumbini njohu të tre rezultatet në shtëpi gjatë këtij sezoni: në 5 takime, 3 fitore, 1 barazim e 1 humbje. Në javën e 9-të, Shkumbini (tashmë në vendin e katërt) do të luajë në Tiranë me Partizanin, ndërsa bardheblutë (gjithmonë të parët) do të presin në “Selman Stërmasi”, Besën e Kavajës. Shkumbini - Tirana 0-0Shkumbini: Llani, Grami, Gallo, Shameti, Shenaj, Bizhyti (Xhyra 892), Turdiu, Nora, Pasha, Rizvanolli (Delioski 862), Mustafaj (Gjata 792). Trajner: G.Magani Tirana: Koronovski, Lila, Pezo, Osmani, Abraham, Devolli, Lilaj (Deliallisi 70), Agolli, Muzaka (Metani 882), Xhafaj (Sefa 642), Memelli. Trajner: B.Slishkoviç. Gjyqtarë: S.Çekaj (Laç), E.Pjetrushi (Lezhë), D.Salaj (Shkodër) Kartonë të verdhë: Turdiu, Mustafaj/ Abraham
Albania-sport