JAVA 33 / Skenderbeu - SHKUMBINI

Kjo eshte java e vundit e superliges 2007/07...Mendoj qe shkumbini ketij sezoni do ti bente nje mbyllje shume te mire me fitoren ne korce ,duke siguruar edhe vendin e 5 ne tabelen e klasifikimit.

Java 33



Dinamo-Partizani 2-1

Kastrioti-Tirana 1-2

Teuta-Besa 3-5

Besëlidhja-Vllaznia 4-2

Skënderbeu-Shkumbini 1-3

Flamurtari-Elbasani 2-2



RENDITJA

1.Dinamo 70 Liga e Kampioneve

2.Partizani 65 Kupa UEFA

3.Besa 56 Kupa Intertoto

4.Elbasani 52

5.Shkumbini 50

6.Tirana 49

7.Vllaznia 45 Kupa UEFA

8.Flamurtari 44

9.Teuta 35 Play out

10.Kastrioti 35 Play out

11.Besëlidhja 34 Kategoria e Parë

12.Skënderbeu 11 Kategoria e Parë

Peqinasit “vulosin” të pestin

Skënderbeu 1
Shkumbini 3

Shënues: Kokona 90'(p)/ Mustafai 44', 64', K.Dalipi 52'

Skënderbeu: Llapanji, Neli, Guri, Pashaj, Cenolli, Rrapo (75' Gega), Xheka, Xaka (46' Sholla), Kita, Kokona, Vukaj (28' Xhoka) Tr. R.Rrapo

Shkumbini: Birja, Kacollja, Xhyra, Ndoni, Salliu, Shenaj, Gjata, Elezi (46' Balliu), Nora (54' Lluca), Mustafai, K.Dalipi (62' Kafazi). Tr. G.Magani

Gjyqtarë: E.Peza, A.Pregja (Tiranë), F.Elezi (Durrës)

Vëzhgues: P.Pjetrushi (Lezhë)

Kartona të verdhë: /Nora, Kacollja

Në një stadium gati të boshatisur, ku binin në sy vetëm një grup sportdashësish të ardhur nga Peqini për të ndjekur skuadrën e tyre, Shkumbini konfirmoi se e meritonte vendin e pestë në këtë kampionat. Përballë një kundërshtari të dorëzuar prej kohësh, të cilin në ndeshjen e fundit të kampionatite “braktisën” edhe titullarët e mbetur, si Tiko e Kotomelo, që nuk u aktivizuan në “Ruzhdi Bizhuta”, peqinasit arritën fitoren e radhës nëpërmjet një loje imponuese. Megjithatë, skuadra e Maganit do të djersinte jo pak për të shënuar golin e parë, të cilin e arriti vetëm në minutën e fundit të pjesë së parë me anën e talentit Mustafai. Ndërsa në të dytën, Shkumbini e pati më të lehtë punën për të siguruar trepikëshin, që “vulosi” vendin e pestë në renditje. Peqinasit rrezikuan që në fillim me anën e Dalipit dhe të Ndonit, të cilët goditën shtyllat e portës korçare me gjuajtjet e tyre. Në pjesën e dytë, pasi u sigurua plotësisht fitorja, Magani zëvendësoi titullarët Nora e Dalipi, duke u dhënë mundësi të rinjve si Balliu, Lluca e Kafazi. Në këto minuta të mbetura u zhvillua një lojë më interesante, pasi të rinjtë e të dyja skuadrave u dhanë më shumë gjallëri veprimeve sulmuese.