JAVA 30 / SHKUMBINI-Teuta

SHKUMBINI DO TE PERBLLET ME TEUTEN E CILA RREZIKON TE BJERE NE KATEGORIN E PARE. DO TE ARRIJE TEUTA TE MARRE NJE PIKE NE PEQIN APO SHKUMBINI DO TREGOHET SI GJITHMONE KERKUES PER FITORE.

Futboll

Isaj: Nuk bëjmë lëshime
1 Maj Shkumbini, pas fitores me Besëlidhjen, më tepër se te ndeshja e radhës “shtëpiake” me Teutën, e ka mendjen te futja në grupin e gjashtë skuadrave të para. Për të kaluar në këtë grup, peqinasit kanë nevojë dhe për pikë të tjera, tri prej të cilave, edhe sipas sekretarit të klubit, Astrit Isaj, janë të mundshme për t’u marrë në ndeshjen e kësaj fundjave, me Teutën. Por bardhekaltërit duhet t’i bëjnë mirë llogaritë për ta arritur këtë objektiv, sidomos për dy ndeshjet që do luajnë jashtë shtëpisë së tyre. “Pas fitores së pritshme me Teutën, ? thotë Isaj, ? llogaritë duhet t’i bëjmë mirë jo vetëm ne, por edhe skuadrat e tjera, të cilat janë më lart në renditje”. “E rëndësishme për ne ? vijon më tej Isaj, ? është se futbollistët, megjithëse janë ndeshjet e fundit të sezonit, kanë rritur në mënyrë të ndjeshme motivimin e mobilizimin, për të bërë paraqitje të mira dhe rezultative edhe në transferta. Një gjë e tillë u vu re dhe në ndeshjen ndaj Besëlidhjes”. Me këtë që thotë, Isaj le të kuptohet se Shkumbini do të luajë fort e me ambicie edhe në dy ndeshjet në transfertë. Megjithatë, sekretari peqinas ka mendimin se Shkumbini do të ketë përballje mjaft të vështira deri në fund të kampionatit. Duke folur për ndeshjen e kaluar, në Lezhë, Isaj nënvizon faktin se fitorja atje kishte jo vetëm vlerën e tri pikëve, por luajti rol dhe në ngritjen e moralit të skuadrës. “Futbollistët tanë dhanë maksimumin, por më duhet të pranoj se përballuam një presion të madh për rreth 60 minuta nga vendasit”.



Të shtunën, Shkumbini do të përballet në Peqin me Teutën, një tjetër skuadër që po përpiqet të mbijetojë në superiore. Në dy ndeshjet e zhvilluara në këtë sezon mes tyre, skuadra peqinase ka marrë katër pikë, pasi ka barazuar në “Niko Dovana” dhe ka fituar në fushën e saj. Por të shtunën Shkumbini do të kërkojë fitoren e radhës, për të pretenduar të ngjisë shkallët më lart. “Edhe ndaj Teutës, në fundjavë, do të luajmë mjaft të motivuar dhe të karikuar” thotë zyrtari i klubit peqinas. “Teuta, pavarësisht nga synimet që ajo ka, do të kalohet lehtësisht dhe këtë e mbështes në moralin që ka skuadra jonë dhe gjendjen optimale që gëzon”. Pra, Isaj thotë shkurt se Shkumbinit kjo ndeshje i duhet e fituar, edhe pse mund të dëmtojë skuadrën durrsake, që ndodhet në pozita jo të mira në tabelën e klasifikimit. “Na duhet e fituar kjo ndeshje, pasi çdo rezultat tjetër na pengon arritjen e objektivit” thotë sekretari peqinas. Shkumbini ka një pikë më pak se Vllaznia e vendit të gjashtë. Pozita është e favorshme, jo vetëm për të ruajtur diferencën, por edhe për ta shuajtur atë në javët e tjera. “Të gjitha llogaritë që bëjmë, ? shpjegon Isaj, ? tregojnë se jemi përpara një beteje, ku duhet medoemos të fitojmë pikët, të cilat na afrojnë më shumë me gjashtë skuadrat e para”. Ndaj, sekretari i klubit këmbëngul që në këtë ndeshje, ndaj Teutës, duhet marrë maksimumi, si një shans që u jepet peqinasve për të ruajtur vazhdimësinë e ndeshjeve pozitive, duke shkuar drejt realizimit të objektivit final. Gjithsesi, ndeshja pritet të jetë interesante, në kushtet kur peqinasit luajnë me një skuadër, e cila ndodhet në vendet e fundit të renditjes dhe rrezikon rënien nga superiorja.

sport ekspres

Shkumbini-Teuta 16:30

Gjyqtarë: B. Pashaj, G. Qirici - S. Avdo

Gugash Magani: Nuk duam të gabojmë më

Bardhekaltërit e Shkumbinit sot do të përballen me skuadrën durrsake. Ndonëse pozitat e Teutës në tabelën e klasifikimit e detyrojnë atë të luajë medoemos për të siguruar trepikëshin, futbollistët e skudrës peqinase nuk kanë ndërmend të ndërpresin serinë e ndeshjeve pozitive, jo vetëm përsa i përket rezultatit por dhe cilësisë së lojës. Ashtu si dhe në dy ndeshjet e mëparshme midis tyre, edhe në këtë të tretën Shkumbini do të luajë me të njëjtin mobilizim në fushën e lojës. Këtë e pohon edhe tekniku i skuadrës peqinase. “Kundërshtari i radhës, me të vërtetë vjen në përballjen me ne nga një pozitë aspak e këndshme ? thotë Magani. ? Pozicioni në vendet e fundit në renditje si dhe përfshirja në luftën për mbijetesë në superiore, flasin qartë për situatën e vështirë në të cilën ndodhet kjo skuadër. Megjithatë, ne nuk do ta nënvlerësojmë, përkundrazi, gjatë 90 minutave do të luajmë si në dy ndeshjet e fundit, ndaj Dinamos dhe Besëlidhjes. Objektivi ynë është vetëm fitorjan në fushën e lojës por dhe për të marrë rezultatin e dëshiruar që për ne do të jetë vetëm fitorja” nënvizon Magani. Duke vlerësuar skuadrën durrsake, Magani pranon se “Teuta në përbërjen e saj ka mjaft lojtarë cilësorë dhe në ndeshjet e fundit e ka përmirësuar në mënyrë të dukshme nivelin e lojës, duke arriur edhe rezultate pozitive”. Sipas tij, pika më e fortë e skuadrës durrsake është sulmi, ndaj mbrojtja peqinase duhet të tregohet tepër e kujdesshme. Domosdoshmëria për t’i thënë “ndal” thellimit të diferencës së pikëve me gjashtë skuadrat e para në renditje, e detyron Shkumbinin të luajë në këtë ndeshje vetëm për fitore. Ndërkohë, situata në kampin peqinas paraqitet shumë optimiste. Psikollogjikish skuadra ndihet mirë pas fitores së arritur javën e kaluar në Lezhë, ndaj Besëlidhjes. Pavarësisht se ndodhen në vendin e shtatë, peqinasit nuk i kanë humbur shpresat për t’u ngjitur me lart, për më tepër që diferenca me Vllazninë është vetëm një pikë. “E dimë që për të realizuar objektivin, pra për të qenë në grupin e gjashtë skuadrave të para, do të na duhet të marrim dhe fitore të tjera. Natyrisht, nuk do të jetë e lehtë, por ne kemi dëshirën e ambicien e duhur dhe ndeshja e radhës, me Teutën, do të jetë një rast mjaft i mirë për të treguar vlerat tona. Shkurt, nuk duam të gabojmë në këtë ndeshje” thekson Magani. Peqinasit janë të bindur se do të bëjnë më të mirën, për të fituar trepikëshin e për të kënaqur tifozerinë me lojë të mirë. “Për ne çdo ndeshje ka vlerën e tri pikëve. Si ndaj kryesuesve apo dhe atyre të fundit, pikët njëlloj janë. Prandaj ne do të futemi në fushën e lojës për të marrë fitoren, sepse Shkumbini kërkon të ngjisë shkallët” përfundon tekniku Magani.

Gega: Më të mirën, për të marrë pikët

Në pozicionin delikat, ku ndodhet skuadra durrsake, sot do të ndeshet në Peqin ndaj Shkumbinit, me synimin për të mos dalë pa pikë nga fusha e lojës. Në seancën e fundit stërvitore, Mile dhe stafi i tij kanë punuar me skuadrën kryesisht në planin taktik, pasi me shumë mundësi, në formacionin e sotëm të Teutës mund të ketë disa lëvizje, kryesisht në mesfushë apo dhe në sulm, nëse Vangjel Mile nuk do të aktivizohet. Një prej golshënuesve të skuadrës bregdetare, Ermal Gega, komenton atmosferën që zotëron te Teuta, në prag të kësaj transferte të vështirë. “Skuadra është në gjendje të mirë dhe kjo na jep besim që përballë Shkumbinit të marrin një rezultat pozitiv. Do të jetë një ndeshje jo e lehtë, por dëshira për t’iu shkëputur fundit të tabelës na ka motivuar, për të bërë më të mirën në fushën e lojës, me shpresën për të marrë pikët”, thotë Gega.

Dëshira për të luajtur më shumë ? Gega ka shënuar katër gola gjatë këtij kampionati, por forma jo e mirë fizike ka bërë që ai të mos aktivizohet shumë në ndeshjet e fundit. Sulmuesi lezhjan e ka vuajtur disi stolin, ndërsa është i mendimit se po i rikthehet gjendjes më të mirë, ndaj dhe shpreson që, duke nisur nga përballja e sotme, të jetë më shpesh në fushë. “Ndonëse ende nuk jemi njohur me formacionin ? shprehet Gega, ? kam besim se në Peqin do të aktivizohem më shumë. Unë kam pranuar dhe do të pranoj gjithnjë çdo vendim të trajnerit Mile, pasi ai është nga ata, që u jep mundësinë të gjithëve të tregojnë vlerat e tyre. Unë po punoj shumë gjatë kësaj periudhe, ndaj dhe shpresoj të aktivizohem diçka më tepër, në mënyrë që të kthehem tek goli dhe të ndihmoj skuadrën në arritjen e objektivave”.

Vlerësim maksimal kundërshtarit ? Skuadra durrsake nuk ka fituar ndaj Shkumbinit në këtë sezon, duke i marrë vetëm një pikë në sfidën e fazës së parë, në “Niko Dovana”. Djemtë e Miles shpresojnë që këtë herë të ndodhë ndryshe, pasi në këto momente pikët janë si “oksigjen” për Teutën. “Peqinasit do të luftojnë për trepikëshin, ndaj do të duhet të djersisim shumë për të siguruar një rezultat pozitiv pikët, që të sigurojmë mbijetesën në kategorinë superiore”

Magani: Respekt e kujdes me Teutën

Ndonëse kalendari për Shkumbinin duket tepër tërheqës dhe në dukje i lehtë, peqinasit janë duke menduar seriozisht për këto takime për të bërë
kujdes, pasi kundërshtarët e radhës së tyre nuk kanë ç’të humbin. Këtë radhë përballja është me Teutën, ekip tashmë mëse i rrezikuar për një rënie të mundshme nga kategoria, ku distanca nga ndjekësit e tyre më të
afërt është vetëm një tripikësh.Ndonëse peqinasit arritën një fitore të rëndësishme kundër lezhjanëve, kjo nuk ka qenëaspak një dhuratë për
durrsakët, por një detyrim për vazhdimësinë e Shkumbinit. Me këtë mendim duket se bardhekaltërtit do të zbresin sot në fushën e tyre, ku
paralel me kujdesin dhe mosnënvlerësimin e kundërshtarit, ata do të kërkojnë rezultatin pozitiv të radhës. Në prag të kësaj sfide, trajneri Magani shprehet për “Panorama Sport”: “Fitorja që kemi arritur fundjavën e kaluar në transfertën e vështirë të Lezhës nuk ka qenë me qëllim për të ndihmuar Teutën, por të arrinim të thyenim tabunë tonë në transfertë dhe për të ruajtur ecuri pozitive në javët në vazhdim. E kemi parë me kujdes kalendarin deri në fund dhe i kemi vënë qëllim vetes të luftojmë që të arrijmë të marrim sa më shumë rezultate pozitive.Do të shohim në çdo moment interesat tona, prandaj do të vlerësojmë më së miri këtë takim. Më vjen keq që një ekip me tradita si Teuta gjendet në këtë pozicion,
por në këtë ndeshje u kam kërkuar djemve që të bëjnë kujdes ndaj kundërsulmeve të kundërshtarit dhe impenjimit të tyre, pasi ata do të kërkojnë maksimalen me çdo kusht. Nga ana tjetër e dimë se duhet t’u përgjigjemi atyre, duke arritur fitoren si rezultatin më të mundshëm. Kemi të gjitha mundësitë për t’ia arritur rezultatit pozitiv, duke parë qetësinë e kolektivitetin që ekziston te grupi i lojtarëve”, ka përfunduar tekniku Magani.

Nga Panorama Sport

FORMACIONI I MUNDSHEM

Llani;- Pashja, Xhyra,Dabulla, Ndoni;- Qorri,Byzhyti, Shenaj; Nora,-Dalipi, Dervishi

Shkumbini Pe 3 - 0 Teuta Durres
Besa Kavaje 0 - 1 Partizani Ti
Flamurtari V 1 - 0 Kastrioti Kr
KS Elbasani 3 - 0 Beselidhja L
SK Tirana 1-2 Dinamo Tiran
Vllaznia Shk 2-1 Skenderbeu K

mire ja bom teutes edhe Inshallah dalin legenat se perhere kan bo hile me shkumbinin...

po pra...tamon ashtu eshte tape...vetem duke ble ndeshje ngelen....

me durrsin na nderun cunat...ishalla vitin tjeter nuk do e shohim ne superlig kte ekip diletantesh...