JAVA I / Partizani - SHKUMBINI

PARTIZANI - SHKUMBINI

INSHALLAH ME NAJ SUKSES KET NESHJE ME MORRAT E KUQ T PARTIZONIT

Partizani “rrëmben” trepikëshin
Golat:

9' Muzaka pason një top për Abilaliajn, i cili, në kufijtë e zonës, ka gjuajtur fort, duke dërguar topin në rrjetë. Asnjë shans për Llanin. 1?0.

25' Një krosim i Malindit nxjerr Muzakën të vetëm në zonën e rreptësisë peqinase, në pozicion diagonal me portën e Llanit, teksa portieri ka dalë dhe e ka penguar numrin 17 të “demave”. 11 metërsh për të kuqtë. Ka ekzekutuar vetë Muzaka dhe ka shënuar. 2?0.

45'+2 Qorri ka ekzekutuar një goditje dënimi (thuajse) perfekte, nga rreth 25 metra, teksa Dalipi ka devijuar topin duke e dërguar atë në rrjetë. 2?1.



Dyshimi:

81' Goditje këndi për peqinasit; Ka ekzekutuar Qorri, teksa topi i ka shkuar Mustafajt, i cili është mbajtur nga fanella në zonën e “demave” nga Babamusta, por gjyqtari Jemini ka lënë lojën të vazhdojë. Pretendon Shkumbini për 11?metërsh.




8' Qorri ka tentuar të shënjestrojë portën e Shehit, e ka bërë këtë, por ka qenë portieri i “demave” që i ka thënë “jo” kësaj gjuajtjeje, duke e devijuar në korne.

22' Qorri përfiton nga një gabim i mbrojtjes së kuqe, ka dalë diagonal me portën e Shehit, ka gjuajtur, por ka devijuar Osmani thuajse në vijën fatale.

36' Abilaliaj ka tentuar përmes një roveshiate, por ka pritur portieri Llani.

51' Një kombinim i bukur, ndërmjet Dalipit dhe Qorrit, ka nxjerrë këtë të fundit të vetëm me Shehin; ka gjuajtur, por ka devijuar portieri i “demave”.

65' Ka tentuar fort portën Mustafaj, por ka grushtuar Shehi.

72' Ka gjuajtur Beqiri fort, por ka pritur në dy kohë portieri Llani.

87' Qorri ka ekzekutuar një goditje dënimi, por ka devijuar Shehi sipër traut.



Spikati

Mustafaj

Mesfushori peqinas futet në të 62' dhe i “dhuron” Partizanit të Likës momentet më të vështira të ndeshjes. Një “ferr” i vërtetë për mbrojtjen e kuqe, e cila edhe e kalon “cakun” ndonjëherë.



“Partizani ka marrë sot tre pikët”. Kanë qenë këto fjalët e para të trajnerit të “demave”, Hasan Likës, në konferencën për shtyp pas deshjes. Asnjë kompliment, asnjë shprehje kënaqësie, qoftë edhe për të treguar, të paktën për etikë, se e kanë “ngrohur” ato tre pikë. Nuk është se e ka pasur gabim. Partizani i djeshëm, përveç dy golave ? ku i dyti më shumë ishte dhuratë nga Llani ? nuk ka bërë as edhe një gjuajtje direkte në portën e Shkumbinit. Në të kundërt, kanë qenë peqinasit, ata që kanë dominuar për thuajse 90 minuta lojën. Mund t’u thuash të pafat? Po. Nëse disa goditje të Qorrit do të ishin pak më në qendër, apo nëse Shehi nuk do të kishte devijuar në momentin e fundit, apo, apo...Iu është “ngrënë haka”? Edhe kjo mund të thuhet. Sikur, fanella e tërhequr e Mustafajt do të ishte parë nga gjyqtari Jemini. Shumë e shumë të tjera. Por, konkluzioni është vetëm një. Partizani “i madh” në “letër” dje ishte shumë i vogël në fushë. “Po pastaj, mos harroni që Tirana humbi në premierën e saj” do të thoshte dikush nga lojtarët. Edhe kjo është e pranueshme, por jo për ata 2000 tifozë, që kishin mbushur shkallët e stadiumit “Selman Stërmasi”. Sigurisht, panë nga të gjitha, dyluftime sportive, e josportive, raste të shumta (edhe pse nga ana e peqinasve). Por, nuk panë atë Partizan, për të cilin kishin ardhur.



Formacionet

Të dalë në fushë me një 11?she emergjence ? për shkak të mungesës së katër lojtarëve (Bejzade, Bakaj, Shkëmbi dhe Tafaj) ? të kuqtë përsëri nuk arritën të krijonin atë që trajneri Lika priste. Shehi në portë (gardiani ka bërë ç’ka mundur), Beqiri, Pinari, Osmani dhe Hallaçin (i cili asnjëherë nuk gjendej në pozicionin e tij) në mbrojtje. Mesfusha e përbërë nga katër, Devolli (ende jo në “top formë”), Muzaka (të paktën vraponte), Dhëmbi (69 minuta ishin shumë dje për të) dhe Karapici (i futur në vend të Bakajt, e justifikoi aq sa luajti), ndërsa sulmi me dyshen Malindi (i humbur në çdo dyluftim) dhe Abilaliaj (mjafton një gol në premierë). Nga ana tjetër, Shkumbini, me një dyshe të frikshme në sulm, Qorrin dhe Dalipin, por edhe shumë i organizuar mbrapa, kanë bërë “të vjellë” “barrierën” e të kuqve. Kjo i detyron të dyja skuadrat të bëjnë ndërrime, por Likës nuk i dalin të saktët. Nga ana tjetër, Maganit i dalin, por nuk është e shkruar që Shkumbini të barazojë.



Përfundimi

Përfundimisht, Partizani arrin të fitojë, duke “rrëmbyer” një trepikësh, deri diku edhe të pamerituar, ndaj një Shkumbini, i cili ka ardhur, ka luajtur dhe ka kënaqur. “Komplimente”, ka thënë Lika për kundërshtarin. Po Partizani? Ndoshta është koha që të mendohet më seriozisht për kampionatin. Mbrojtja ka probleme dhe kur e thotë këtë vetë trajneri, atëherë me të vërtetë që diçka ka. Ky Partizan nuk bind.



Opinioni i specialistit

Panajot Pano

“Ishte një ndeshje e dobët, edhe pse ndeshjet e para zakonisht janë të kësaj natyre. Gjithsesi, ajo që është e rëndësishme është se më kënaqi fakti që Partizanit mori tre pikët, por edhe tifozëte shumtë, të ardhur në një ndeshje si kjo. Shkumbini? Ishte një skuadër ndryshe nga vitet e tjera. Shpresojmë që kampionati i këtij viti të jetë me të vërtetë më i fortë dhe kompetitiv”



Ulërima e Likës

“Ishim për ibret”

“Partizani fitoi ndeshjen. Nuk e di se çfarë mund të them më tepër se kaq. Morëm trepikëshin dhe kjo ishte më e rëndësishmja për sot. Loja? Unë nuk pashë asgjë të bukur në 90 minuta. Skuadra nuk arriti të dilte në detyrat që unë i kisha dhënë, e jo më të bënte gjëra ekstra. Ishte me të vërtetë një fitore shumë, shumë e vuajtur. Pashë një skuadër të çorientuar, e cila kishte probleme në interpretimin me topin. Lojtarët u dukën të lodhur, ndoshta kjo edhe nga vapa, por gjithsesi ky nuk është justifikim. Ne ishim dobët, shumë madje. U mundova të bëja zëvendësime që të vija në lëvizje skuadrën, por vetëm Babamusta nga ndërrimet që bëra më doli ashtu siç e parashikova”



Reklamimi i Maganit

“Na u mohua penallti”

“Të them të drejtën zhvilluam një ndeshje shumë të mirë. Edhe pse skuadra nuk është konsoliduar ende, sepse dihet që këta futbollistë nuk kanë luajtur më parë me njëri?tjetrin, unë përsëri jam i kënaqur. Vinim përballë një Partizani, i cili, të paktën në “letër”, është pretendent për kampion këtë sezon dhe mendoj se djemtë zhvilluan një ndeshje të mirë. Pësuam dy gola për fajin tonë dhe jo për meritë të kundërshtarit, për të mos përmendur faktin se kishte një penallti për ne, nëse do ta shikoni mirë në moviolë. Gjithsesi, unë i uroj suksese Partizanit”