JAVA 18 / Flamurtari - SHKUMBINI

02.02.2008 ORA 14:30

Magani ka shumë dilema për 11-n
Thonë se fillimi i mbarë është gjysma e punës, ndaj dhe ekipi i Shkumbinit dhe drejtuesit e tij gjatë kësaj periudhe të kthimit të tyre në Peqin, janë duke menduar seriozisht për ndeshjen në transfertë kundër Flamurtarit të Vlorës. Ndeshja merr vlera edhe më shumë, teksa përballja do të jetë përballë e një ekipi, i cili ka qenë aktiv në merkato, si dhe ka zhvilluar një fazë përgatitore po aq të kualifikuar sa dhe ekipi i Shkumbinit. Pa dyshim që dilema për trajnerin Magani, është hedhja në fushë e 11-shes, që do të japë garanci për një ndeshje me nivel, por edhe që të arrijë të japë rezultatin pozitiv. Në prapavijë, trajneri Magani ka në dispozicion treshen Kacollja, Dabulla e Xhyra, ndërsa si alternativa mbeten ato të Ndonit dhe Salliut. Përsa i përket repartit të mesfushës, tekniku do të mendohet, teksa numri i lojtarëve është i madh. Në këtë repart të gatshëm janë Pashja, Shenaj, Qorri, Byzhyti si dhe pritet që edhe ndonjëri prej
Dervishit apo të sapoardhurit Arlind Nora, të mund të alternohen si lojtarë krahu. Mirëpo të gatshëm, trajneri Magani do të ketë edhe Nexhën e Gjatën. Zgjedhja e zgjuar për trajnerin pritet që të jetë në vijën e sulmit, ku gjenden dyshja e elbasanase Stojku dhe Dalipi, por sipas skemës së lojës, Magani mund të alternojë edhe Dervishin e Mustafain si dhe gjirokastritin Nora. Në bisedë me trajnerin rreth asaj se çka do të paraqitë në fushë ndaj Flamurtarit, ai shprehet: “Mendoj se kemi ende disa ditë kohë për këtë, mirëpo dua t’iu them se do të shohim ecurinë e të gjithë lojtarëve deri të shtunën dhe më pas do të vendosim se cilido të jetë formacioni i duhur. Ai lojtar që do të jetë në gjendjen më të mirë do të meritojë vendin në formacion”, tha Magani.

Nga PanoramaSport

Ndryshojnë strategjitë, në Vlorë me skemën 4-4-2
Pasditja e së mërkurës ka qenë një seancë, gjatë së cilës trajneri Magani planifikoi një ndeshje kontrolli mes të lojtarëve tij. Me anë të saj, ai alternoi disa herë skemat të ndryshme ku tentoi të shohë lojtarët në pozicione të ndryshme. Në këtë mënyrë, trajneri dëshiroi të shohë edhe më mirë në prag të sfidës në transfertën e Vlorës.Ajo çka u vu re në këtë ndeshje përgatitore është ndryshimi
i skemës që trajneri kishte përdorur thuajse gjatë gjithë pjesës së parë të kampionatit. Nëse në fazën e parë tekniku kishte përdorur vazhdimisht skemën 3-5-2, tashmë ai kishte planifikuar që ekipi të zbresë në fushën e lojës me një alternim 4-4-2. Po ashtu, u vu re se trajneri Magani nuk e ka lënë jashtë blerjen e vetme të merkatos dimërore, gjirokastritin Arlind Nora. Mirëpo nga ana tjetër, vendi që i besoi lojtarit ishte ai i mesfushorit të djathtë, duke shpresuar që në ndonjë rast, ekipi të dalë në sulm me përforcim me tre sulmues. Përsa i përket
ndryshimit të skemës, Magani e ka të qartë se i duhet të jetë i vëmendshëm në
prapavijë ndaj aty do të rreshtojë katër lojtarë. Gjatë fazës së parë, një ndër problemet e ekipit ka qenë pësimi i golit shumë herët, që në minutat e para, çka i ka vështirësuar ekipit situatën për fitore, kur i është dashur që të luftojë për të arritur të barazojë. Trajneri është shprehur: “Do të kërkoj që lojtarët të jenë të kujdesshëm, sidomos në mospësim të golit, pasi nuk duhet harruar se ky ka qenë një problem për Shkumbinin në pjesën e parë të sezonit, si dhe nuk duhet të harrojmë se ekipi i Flamurtarit është një ekip i fortë, në veçanti në fushën e tij”, është shprehur tekniku i Shkumbinit, Magani.

Nga PanoramaSport

ISHALLAH I RRAFIM KTO LABET E TI TREGOJM T GJITHVE SE KUSH ESHTE SHKUMBINI...POR EDHE NJE BARAZIM NUK DO TE ISHTE KEQ....

jo barazim i keq qe keni marr ne at ndeshje

Magani: Barazimi, rezultat llogjik

Peqinasit kanë arritur të barazojnë me Flamurtarin në transfertën e Vlorës, por tekniku Magani është i mendimit se skuadra e tij mund të merrte më tepër se një pikë, nëse sulmuesit do të ishin treguar më të saktë në finalizim. “Megjithatë, edhe me një pikë, të fituar ndaj Flamurtarit në fushën e tij, nuk është keq” është shprehur Magani. Në këtë ndeshje, në mungesë të Jakimovskit, në krahun e djathtë të mesfushës trajneri peqinas ka aktivizuar gjirokastritin Nora. Gjithçka tjetër ka qenë pothuajse si në ndeshjet e tjera. Në përballjen ndaj vlonjatëve, ka rënë në sy vendosmëria e futbollistëve peqinas për të mos dalë pa pikë nga fusha. Duke folur për ndeshjen, Magani është shprehur: “E kishim vlerësuar realisht Flamurtarin dhe kjo u duk edhe në mobilizimin e futbollistëve në fushën e lojës. Megjithëse luanim në trasfertë, i kemi mbajtur vendasit nën presion, duke mos i lejuar të dilnin në lojën e tyre. Barazimi, ? vijon Magani, ? është rezultat llogjik i punës serioze që kemi bërë në proçesin stërvitor si dhe i injektimit në skuadër të një mentaliteti tjetër për arritjen e synimeve. Me barazimin ndaj vlonjatëve, peqinasit kanë ruajtur diferencën e pikëve me Flamurtarin, që i ndjek më afër, por kanë shtuar dhe shanset për t’u futur në gjashtë skuadrat e para. “Natyrisht, do të na kishin bërë së tepërmi punë tri pikët, por duhet të kënaqemi edhe me një, sepse Flamurtarin nuk është e lehtë ta kalosh në fushën e tij” thotë Magani. Pika e fituar është pritur mirë në opinion sportiv peqinas, nga ana tjetër ka shtuar besimin për të ngjitur shkallët e renditjes, për t’iu afruar skuadrave të kreut. Magani ka prekr edhe gjykimin e Pezës, aq i pëfolur pas ndeshjes. “Nuk është hera e parë, ? thekson Magani. ? që rezultatet pozitive të Shkumbinit në trasfertë paragjykohen, ndaj nuk më bëjnë aspak përshtypje mendimet e shprehura nga vlonjatët. Jam i mendimit që drejtuesit e Flamurtarit, më shumë se te gjyqtari mosarritjen e fitores ta kërkojnë te loja e skuadrës së tyre”.