Të paktën do garantojmë portën pa gol

Llani: Në Kupë është shumë e rëndësishme


Në takimin ndaj Apolonisë ka spikatur si një ndër lojtarët më
të mirë në fushë. Kapiteni i Shkumbinit ka 180 minuta pa pësuar gol,
por tregohet modest, teksa këtë ia dedikon shokëve të tij. Dëshira
është që edhe në dy ndeshjet e tjera që luhen në harkun e pesë ditëve
të mos pësojë gol, sidomos në takimin e kupës ndaj Besës. Sipas tij,
duket se ekipi po rigjen formën dhe shpreson të tregojë më të mirën në
kupën e Shqipërisë dhe më pas në takimin ndaj Flamurtarit në kampionat,
duke mos e ndarë luftën në këto dy kompeticione të rëndësishme. “Kemi
bërë një paraqitje të kënaqshme në Fier, teksa kemi marrë një tre
pikësh në transfertë. Ajo që na shqetësonte ishte se udhëtonim me
mungesa, por padyshim që në ekip ekziston grupi, i cili e mposht
individualitetin dhe këtë ne e treguam më së miri ndaj Apolonisë. Sot
kemi një ndeshje të rëndësishme për kupë, por ajo që dua të theksoj
është fakti se nuk mund të bëjmë dot asnjë dallim midis këtyre dy
kompeticioneve. Kjo do të thotë se do të luajmë shumë të përqëndruar
ndaj ekipit të Besës, por pa lënë mënjanë interesimin për ndeshjen e
fundjavës ndaj Flamurtarit, për kampionat. Padyshim që takimi i kupës
përbën një objektiv për ne, ndaj edhe duam të tregojmë më të mirën.
Tashmë shpresoj që ta ruaj të paprekurportën, sa më gjatë që të jetë e
mundur dhekjo pikësëpari është shumë e rëndësishme në ndeshjen kundër
Besës”, përfundon kapiteni Llani.

suksese portierit tone. je nr 1