Në Peqin, Europa është ende mundësi

Zv.presidenti Syla konfirmon: Nuk heqim dorë nga synimet

Ekipi i Shkumbinit ka vazhduar këto ditë i qetë punën e tij në Ulqin, ku po zhvillonë fazën përgatitore. Gjithçka është duke shkuar më së miri dhe presidenca peqinase pritet që t�i bëjë një vizitë ekipit këto ditë. Zv/presidenti Syla, ka deklaruar se përgatitorja në Ulqin është tepër e dobishme për ekipin që drejton dhe veç kësaj ai tregon se ekipi i tij do të bëjë ndonjë përforcim në ditët në vazhdim dhe Shkumbini do të jetë vazhdojë të ndjekë objektivat e shpallur në fillimit të sezonit, pjesmarrjen në kupat e europës. Për �Sporti Ekspres�, ai shprehet: �Mendoj se gjatë fazës së parë duhet të ishim treguar disi më të kujdeshëm, pasi mundësitë kanë qenë të mëdha për të marrë më shumë pikë dhe për tu renditur edhe më lart në tabelën e klasifikimit. Megjithatë, tashmë jemi të përqëndruar në punën përgatitore të kësaj periudhe dhe me rifillimin e kampionatit do të tregojmë që jemi një ekip me pretendime. Gjatë kësaj periudhe ne si staf drejtues i kemi qëndruar pran- ekipit dhe e kemi mbështetur fuqishëm dhe shpresoj të marrim shpërblimin e duhur. Kemi afruar disa lojtarë gjatë kësaj peridhe merkato të cilët po i teston stafi teknik që më pas do të japë verdiktin nëse do të qëndrojnë apo jo. Për momentin janë tre lojtarë serbë, që po provohen me ekipin në Ulqin. Na u vetëofruan edhe dy lojtarë afrikanë, por nuk u bindëm për cilësinë e tyre. Padyshim që ende nuk kemi mbyllur asgjë, pasi po shqyrtojmë dhe disa mundësi të tjera për të cilat do t�iu njoftojmë në ditët në vazhdim. Ekipit i duhet të shfrytëzojë kohën në dispozicion në këtë pjesë të rëndësishme, cka shpresojmë të na reflektohet pozitivisht në pjesën tjetër të kampionatit. Kam bindjen që ky ekip do të bëjë diçka të mirë deri në përfundim të kampionatit dhe do të arrijë objektivin për pjesmarrje në një nga kupat e europës. Uroj që gabimet e pjesës së parë të kampionatit të mos përsëriten dhe gjërat të ecin në rrjedhën e duhur. Gjithashtu edhe në kupën e republikës duhet të bëjmë një përformancë sa më të mirë për të shkuar sa më larg të jetë e mundur dhe nëse gjërat ecin mirë pse jo të mos prentendojmë Nga ana jonë, nuk do të mungojë as mbështetja dhe as stimujt materialë, nëse ekipi do të arrijë këtë objektiv� ka përfunduar zv/presidenti Syla.

Nga sportekspres