“Ethet” e Facebook-ut tani përfshijnë edhe futbollistët shqiptarë

Faqja më e madhe e komunikimit virtual në botë, që numëron me miliona përdorues, nuk ka lënë pa përfshirë edhe lojtarët më të njohur të kombëtares dhe kampionatit
Faqja më e madhe e komunikimit virtual në internet, ndërmjet njerëzve në të gjithë botën, tashmë ka prekur edhe Shqipërinë, madje jo vetëm njerëzit e thjeshtë dhe përdoruesit e internetit, por edhe ata që deri dje këtë mënyrë komunikimi e kanë parë si një argëtim për adoleshentët. Njerëz të artit, kulturës, modës, por edhe së fundmi futbollistët, sidomos ata shqiptarë, të kombëtares, apo jo, janë përfshirë nga ethet e facebook?ut, duke lënë kështu mënjanë celularët e tyre dhe duke iu kushtuar këtij “hobi” të ri për të komunikuar jo thjesht ndërmjet tyre, por edhe me fansat në të gjithë vendin, e më gjerë. Shumë nga lojtarët, qoftë të kampionatit shqiptar, apo edhe ata që luajnë jashtë e që grumbullohen me kombëtaren shqiptare nuk ka ditë që nuk e vizitojnë adresën e tyre për të parë se çfarë të reje ka në profilet e tyre në këtë faqe gjigande komunikimi. Mesazhe, çat online, si edhe shumë grupime, apo lobinge, me tema të ndryshme, gjenden pikërisht në këtë faqe dhe madje nuk ka të paktën një prej tyre që të mos ketë të përfshirë një futbollist, e sidomos shqiptar. Duke filluar që nga Igli Tare, ? ish?kapiten I kombëtares shqiptre e sot drejtor teknik I Lacios (që ka faqen e tij personale dedikuar fansave) ? e duke vazhduar me Erjon Bogdanin, Ervin Skelën, Kristi Vangjelin, Edmond Kapllanin, Arjan Beqajn, Armend Dallkun, Debatik Currin, Jahmir Hykën, apo edhe shumë të tjerë, kombëtarja shqiptare duket se është kthyer e tëra në një komunitet “I varur” nga kjo “drogë” e re, por aspak e rrezikshme.

Por, adresa në facebook nuk kanë vetëm lojtarët e kombëtsares shqiptare, që luajnë jashtë, por edhe lojtarët që luajnë në Shqipëri, në kampionatin tonë. Kështu, Skerdi Bejzade ka faqen e tij, po ashtu edhe Ardit Beqiri, Arjan Sheta, e duke vazhduar me Migen Memellin, por edhe më gjerë, thuajse të gjithë lojtarët shqiptarë tashmë komunikojnë ndërmjet tyre përmes facebook?ut. Një mani, e cila çdo ditë e më shumë po kthehet në një gazetë të përditshme për të gjithë.



Një çmenduri e vërtetë, lojtarët e kombëtares, me laptop në grumbullime

Aq e fuqishme është varësia nga kjo faqe sa së fundmi thuajse të gjithë lojtarët e kombëtares shqiptare, sidomos kur shkojnë në grumbullimet, duket se kanë harruar mënyrat e tjera për tu dëfryer, teksa I kushtohen me orë të tëra pikërisht internetit dhe më konkretisht, facebook?ut. Armend Dallku dhe Debatik Curri nuk shkojnë në asnjë grumbullim pa marrë kompjuterin e tyre laptop nga Ukraina. “Komunikojmë me miqtë nganjëherë”, të thotë Dallku, teksa përveç msn?së, mënyrës më origjinale për të komunikuar virtualisht, ata përdorin në masë edhe facebook. Po kështu, Kristi Vangjeli, Jahmir Hyka, apo edhe Erjon Bogdani e Ervin Skela, gjatë grumbullimeve kalojnë orë të tëra përpara kompjuterit të sallave të internetit nëpër hotelet ku grumbullohen, qoftë me kombëtaren, apo qoftë me skuadrat e tyre, duke qëndruar në facebook.
Sport ekspres.