Peqinasit në delir: Një fazë e shkëlqyer

Ekipi i Shkumbinit ka arritur të marrë një pikë tepër të rëndësishme në transfertën e radhës, përballë Flamurtarit të Vlorës. Padyshim që ka qenë një ndeshje, të cilën e kishin vlerësuar drejt dhe ajo që është më e rëndësishme, tashmë peqinasit sërisht nuk kanë pësuar humbje. Janë plot pesë javë që bardhekaltërtit nuk kanë humur dhe plot 7 ndeshje, duke përfshirë edhe ato tëkupës, që porta peqinase nuk pëson gol. Po ashtu, repartet kanë pasur ngritje të vazhdueshme, teksa edhe sulmi i Shkumbinit, mbetet tek më të mirët në kampionat. Problem i vetëm, mbeten kartonat e shumtë të marra nga futbollistët peqinas, që në këto 11 javë, janë 24 të verdhë dhe 4 të kuq. Ky vit njeh kthesë, përsa i përket paraqitjes së Shkumbinit në transfertë dhe kjo është shumë pozitive. Sekretari Isai mendon se peqinasit mund të kishin marrë diçka më shumë, por rruga është e gjatë dhe kanë ende mundësi për të rikuperuar. “Kemi bërë një paraqitje të mirë në këtë fazë të parë dhe deri diku jemi të kënaqur. Përveç faktit, që kemi organizuar siç duhet takimet në fushën tonë, si dhe kemi marrë rezultate të kënaqshme, dua të them se kjo është pasqyruar edhe në tansfertat jashtë Peqinit. Kjo është një anë tepër pozitive dhe mjaft domethënëse për ne. Kemi disa javë – vazhdon Isai ? pa humbur, madje as kemi pësuar gol dhe kjo sigurisht që tregon progres. E gjithë kjo ka disa arsye, ku dua të përmend shpirtin e lartë të garës së futbollistëve, që janë edhe aktorët kryesorë, si dhembështetjen e bashkisë së qytetit. Ndërsa presidenti Ismaili ka qënë një motivim i madh për të gjithë skuadrën, që nga fillimi i edicionit. Ka qenë më shumë se korrekt, përsa i përket pagesave, si dhe ka shpërblyer futbollistët në raste rezultatesh pozitive, madje barazimi i arritur në Vlorë ka pasur një premio prej 80.000 lekësh të reja, për çdo futbollist. Mendoj – vazhdon Isai ? se tashmë duhet menduar për të ardhmen, pasi jemi në rrugën e duhur, për të plotësuar objektivin tonë, për të pretenduar një vend në kupat e Europës. Për këtë arsye, kemi filluar të medojmë seriozisht për transfertëm e rradhës, ku napret një ndeshje e vështirë kundër Bylisit”, përfundon sekretari i klubit të Shkumbinit.

17 Nentor
Sport ekspres