Qorri: I kënaqur në Peqin, por pres ofertën

Qorri: I kënaqur në Peqin, por pres ofertën

Në momentin më kulmor të merkatos së vjetshme, peqinasit arritën të afrojnë në ekip disa lojtarë cilësorë, me anë të të cilëve arritën të bëjnë ‘bum’ në median sportive. Një prej
lojtarëve më prestigjiozë që është afruar në ekipin bardhekaltër ka qenë edhe mesfushori me shumë eksperiencë,
Ilir Qorri. Elbasanasi është afruar pranë ekipit të Shkumbinit pas një insistimi të deputetit të zonës e më pas edhe me interesimin e trajnerit Magani dhe presidentit Ismaili.Prania dhe forma e tij e shkëlqyer kanë bërë që mesfusha të jetë ndër repartet më të mira të bardhekaltërve së bashku më lojtarët e tjerë të këtij reparti.Tashmë që kampionati ka përfunduar, lojtari shprehet se ka mbetur tepër i kënaqur nga ajo çka ka arritur ekipi dhe hedh idenë për një qëndrim të mundshëm te peqinasit në të ardhmen,nëse do t’i ofrohet diçka nga drejtuesit bardhekaltër.Për “Panorama Sport”, lojtari shprehet:“Mendoj se në këtë vit kemi bërë një paraqitje shumë të mirë dhe të kënaqshme. Me atë çka kemi kaluar në gjithë këtë kampionat të gjatë,vendi i pestë është një arritje për ne.Kam mendimin se kemi arritur objektivin që i kishim vënë vetes, për të qenë në gjashtëshen e parë në fund të këtij kompeticioni”.I pyetur për të ardhmen e tij, ai përgjigjet: “Tani për tani nuk e kam menduar ende se cila do të jetë
e ardhmja ime.Mendoj se ma lejon koha që kemi në dispozicion
për të mos u nxituar për të ardhmen time.Nuk kam pasur ndonjë kontakt me drejtuesit e klubit dhe nuk e di nëse do më bëhet ofertë për të qenë,ose jo pjesë e Shkumbinit për sezonin e ardhshëm.Gjithsesi, do të dëgjoj me vëmendje atë çka ata do të më ofrojnë dhe më pas do të dal në një konkluzion,pasi të shqyrtoj edhe ofertat e tjera”,përfundon Ilir Qorri.

elbasani kerkon elbasanasit nga peqini.ishalla afrohen per te bere nje skuadre plot elbasanas per ti treguar kryeqytetasve se kush jemi ne skuadrat e tjera