Shkumbini/Ismaili i thur lavde skuadrës së tij

Shkumbini/Ismaili i thur lavde skuadrës së tij Llani thellon rekordin, 400’ pa gola
Java e parë për vitin 2008 ka shënuar një
barazim për ekipin e Shkumbinit në një transfertë
të vështirë si ajo e Vlorës. Ndaj nuk ka
sesi drejtuesit peqinas të mos jenë të kënaqur,
teksa kanë bërë një nisje të mbarë të pjesës së
dytë të sezonit. Gjatë katër javëve të fundit
është parë një e veçantë tek ekipi i Shkumbinit,
kur për 400 minuta lojë, portieri dhe
mbrojtja peqinase nuk janë thyer ende. Edhe
në takimin e Vlorës, rrjeta e portës peqinase
ka mbetur e paprekur. Në mbrojtjen peqinase
janë ndërthurur tashmë në mënyrë të përkryer
eksperienca e më të
vjetërve, Dabulla dhe
kapiteni Pashja dhe
freskia e më të rinjve
Xhyra dhe Kacollja dhe
paralel me këtë është
dhe forma e mirë e portierit
tiranas, Ervin
Llani. Këtyre faktorëve,
padyshim u bashkëngjitet
edhe puna me
tepër përkushtim e
treshes peqinase Magani-
Branica, si dhe trajneri
i portierëve Ballhysa.
Ky fakt e ka
kënaqur së tepërmi edhe
presidentin e klubit
bardhekaltër, Xhavit Ismaili,
i cili për “Panorama
Sport” është shprehur:
“Jam më se i kënaqur me lojën e ekipit tonë. Thuajse gjatë
gjithë takimit lojtarët kanë treguar kujdes
ndaj asaj që pritej në lojën e Flamurtarit, mirëpo
nga ana tjetër ekipi nuk ka menduar vetëm
për prapavijën por edhe për portën e kundërshtarit,
- tha fillimisht presidenti i Shkumbinit.
- Mendoj se ekipi tashmë po reagon
shumë mirë si në ndeshjet në fushën e tij,
ashtu edhe në fushat e kundërshtarit duke
hapur një vizion të ri se ekipi ka mundësi që
të japë ndeshje të bukura dhe të arrijë të marrë
rezultat në çdo takim dhe ndaj çdo kundërshtari.
Nuk e teproj,
teksa mund të them se
mbrojtja në takimin e
Vlorës ka qenë në
lartësinë e duhur dhe
në veçanti portieri
Llani, i cili ka qenë
vendimtar në disa
raste delikate. Tashmë
shpresoj që ekipi
do të konkretizojë
punën e mirë që kemi
nisur, duke arritur rezultate
në takimet e
ardhshme, në mënyrë
që të arrijmë synimin
tonë, për të qenë sa më
lart në kampionat”,
ka përfunduar deklaratën
e tij presidenti,
Xhavit Ismaili
.NE FOKUS
SKENDERBEU
Pasditja e djeshme ka kthyer ekipin e Shkumbinit
në përgatitjet e radhës, ku në këtë fundjavë
ekipi i Shkumbinit do të presë në fushën e
tij ekipin e Skënderbeut të Korçës. Në pamje të
parë duket se ekipi ka një ndeshje të lehtë,
teksa në këtë takim do të ketë mik ekipin, që për
momentin mban vendin e fundit në tabelën klasifikimit.
Mirëpo nuk janë të këtij mendimi drejtuesit
peqinas, të cilët kanë kërkuar impenjim
maksimal gjatë stërvitjes së kësaj jave për të
mos lejuar asnjë lloj vetëkënaqësie dhe neglizhenca
ndaj ndeshjes së radhës. Ekipi i Shkumbinit
ka zhvilluar këtë stërvitje të parë në
aneksin sportiv të tij për shkak të reshjeve, që
e kanë shoqëruar këtë ditë, duke ruajtur kështu
mjedisin e stadiumit për takimin e radhës. Në
këtë seancë stërvitore, ekipi ka qenë i plotë
dhe trajneri Magani pritet të mos ketë mungesa
për takimin e radhës.
Lulzim Resuli
panorama sport