FSHF

FSHF, Klubet sjellin kerkesat: Limit per lojtaret e huaj


• Klubet e futbollit kane paraqitur ne Federate propozimet e tyre per sezonin e ri, te cilat do te diskutohen ne mbledhjen e dates 10 korrik te Komitetit Ekzekutiv

Nder pikat kryesore eshte ajo e limitimit te lojtareve te huaj, sipas te ciles ne nje klub te Superliges nuk do te lejohen me shume se 3 te tille. Persa i perket kategorise se Pare dhe te dyte, klubet kane propozuar qe te mos kete asnje futbollist te huaj. Nderkaq eshte kerkuar rritja e numrit te skuadrave qe marrin pjese ne Kategorine Superiore per sezonin 2008-2009. Klubet kane kerkuar qe ky numer te jete 14 dhe nga kategoria te bien 4 e te ngjiten 4.

Per sezonin e ri eshte kerkuar gjithashtu ndryshimi i formules se kampionatit, me dy skuadra qe te bien direkt dhe nje ne play-out, nderkohe qe nje tjeter propozim ka qene ai per te lene ne fuqi te njejten formule si ne sezonin qe sapo u mbyll. Persa i perket struktures se Kupes, eshte kerkuar qe ajo te behet si dy vjet me pare, kur kundershtaret percaktohen ne çdo faze me ane te shortit.

Drejtuesit e klubeve kane kerkuar gjithashtu qe propozimet e tyre te merren me detyrim ne shqyrtim nga Komiteti Ekzekutiv, ne te kundert ata do te mblidhen per te rishikuar maredheniet me Federaten. Diskutime te ashpra ka pasur edhe per nivelin e arbitrave apo ceshtjen e stadiumeve te kryeqytetit, ku drejtuesit e Dinamos e te Partizanit kane kerkuar nje rimbursim nga FSHF per te perballuar shpenzimet.

FSHF: Më 10 korrik vendoset “sezoni

Sekretari i P-rgjithshëm i Federatës Shqiptare të Futbollit ka sqaruar pas mbledhjes së djeshme se të gjitha propozimet e klubeve do të kalojnë për diskutim në mbledhjen e ardhshme të Komitetit Ekzekutiv, më 10 korrikun e ardhshëm. Drejtuesit e klubeve në unison kanë kërkuar që numri i skuadrave që do të zbresin nga Superiorja të jetë 2 (fikse) dhe 1 tjetër të përcaktohet nga një ndeshje play?off dhe play?out? “Kjo ka qenë ideja jonë në projekt, ku edhe vetë ne kemi diskutuar se cilat ndryshime do t’i shërbenin më mirë futbollit. Politika në këtë rast konsiston që skuadrat e mesit të bëjnë sa më pak tolerime në javët e fundit, kur kanë arritur objektivat”.

Në diskutim ka qenë sistemi i kartonave. 3 kartona 1 ndeshje, 6 kartona dhe 9 kartona 3 ndeshje pezullim nuk i shkon për shtat politikave të klubeve?

Dhe unë këtë e kuptoj. Secili klub ka interesat e tij, që në gjuhë pozitive mund të konsiderohen të ngushta. Unë besoj se Komiteti nuk vepron me kaq largpamësi të shkrutër. Që do të thotë se Komiteti Ekzekutiv i FSHF?së duhet të përcaktojë qartë politikat përgjithshme në lidhje me futbollin shqiptar. Fenomenet që janë parë më së shumti sezonin e shkuar kanë qenë dhuna dhe agresiviteti kundrejt gjyqtarëve. Sistemi i pezullimeve dyshe apo treshe në bazë të kartonave, unë personalisht mendoj që e minimizon zellin për të ushtruar dhunën, sidomos në fazën e tretë, ku edhe gara është më e ndezur. Lojtarët do të jenë më të përgjegjshëm, sepse në fund të fundit luhet faza e fundit dhe një mungesë tri ndeshje rresht nuk u shërben atyre.

Por Bota e ka ndryshe?

Unë di një rast në Angli përpara tri viteve, që Viera mori tre kartona të kuq dhe luajti katër ndeshjet e para rresht. I kompensonte më vonë kartonat e kuq. Dua ta jap këtë shembull për t’ju shpjeguar të gjithave se sidomon në formën apo mënyrën e penalizimit nuk ka receta. UEFA u jep federative dorë të lire, pasi çdo vend ka specifikën e vet në shoqëri dhe në futboll. Ne gjithnjë i referohemi modeleve ndërkombëtare, vetëm kur duam të kontestojmë diçka.

Në përgjithësi anëtarët mund të kenë të drejtë kur mendojnë dhe shprehen se fundja ata e kanë zgjedhur Komitetin dhe ata duhen dëgjuar?

Më duket se sot (dje) bëmë një mbledhje pikërisht në përputhje me këtë ide. Kushdo mund të jepte mendimet e tij. Komiteti, të gjithë të jenë të sigurt, përveç se mendon më të mirën për futbollin shqiptar, mendon edhe pozitivisht për klubet. E ka për detyrë.

Ka pasur një debat të madh në lidhje me gjyqtarët?

Dua ta sqaroj njëherë e mirë këtë pikë. Mbledhja e ardhshme e Komtietit Ekzekutiv nuk ka në rend të dites shqyrtimin e çështjes së gjyqtarëve, si duhet të funksionojnë ata apo si duhet të zgjidhen. Dhe mbledhja e sotme (djeshme) kishte si funksion diskutimin e pikave që do të votohen në rend të ditës në mbledhjen e radhës së Komitetit. Ky diskutim filloi kot dhe unë i binda më pas drejtuesit e klubeve që po humbasim kohë. Në një mbledhje të ardhshme mund të diskutojmë gjerë e gjatë edhe për sistemin arbitror në Shqipëri. Në futboll sigurisht.

Klubet kanë kërkuar që sezoni i ardhshëm të luhet me 14 skuadra me 2 faza klasike?

E kanë kërkuar edhe vjet mesa di unë. Jemi anëtarë të UEFA?s dhe do t’i përmbahemi kërkesave të saj, të cilat kanë të bëjnë edhe me numrin e ndeshjeve që duhet të luajë një klub në sezon.

Limiti është të paktën 30, me dy faza n- kampionat luhen 26?

Nuk është në rend të ditës për këtë mbledhje Komitetit. 2007?_08 do tëjetë me 12 skuadra, kjo që po thoni i përket një sezoni pasardhës. Të paktën.

Dy grupe me nga 4 skuadra në çerekfinalet e Kupës është kontestuar nga të gjithë?

Po klubet kërkuan sistem klasik, por short pas fazës çerekfinale. Mendoj se do jetë sërish sistem klasik me vajtja?ardhje dhe eliminim direkt.



Çështja Vllaznia

Skuadra shkodrane ka bërë një kërkesë në grup për t’u falur nga Komiteti Ekzekutiv për dënimet që kanë marrë nga Komisionet Disiplinore. Drejtësia sportive në FSHF ka vendosur një dënim 6?mujor për Josën, dhe disa javor për disa futbollistë, ndërkohë që vetë klubi është gjobitur me 5 milionë lekë te vjetra që ka lënë fushën në ndeshjen kundër Tiranës në javën e fundit të kampionatit. Pritet vendimi i komitetit më 10 korrik.



Çështja Burreli

Burreli duket se do të qëndrojë në Kategorinë II, pasi në mbledhjen e ardhshme të Komitetit nuk është në rend të ditës diskutimi. Burreli nuk bëri një kërkesë për falje me pretendimin se e ka bërë një gjë të tillë dy herë në të shkuarën, ndërkohë që FSHF?ja pretendon se e ka marrë në shqyrtim këtë kërkesë dhe nuk e ka pranuar. Burreli u dënua me pezullim dhe me rënie një kategori më poshtë, pasi në stadiumin e skuadrës u rrah shefi i gjyqtarëve Mema.



Çështja e federimit

Klubet kanë rënë në përgjithësi dakord që një lojtar që federohet në muajin gusht me një skuadër nuk mund të luajë në Kupë me ekip tjetër, pavarësisht se mund të lëvizë në ndonjë skuadër tjetër në muajin janar, ose gjatë kohës së transfertave. Kjo është në përputhje me aktivitetet e kësaj natyre ndërkombëtare, si Liga e Kampioneve dhe Kupa UEFA, ku një lojtar nuk lejohet të aktivizohet në më shumë se një skuadër.

FSHF, 30 milionë për stadiumin



Firmoset kontrata për dy ndeshje me drejtuesit e "Qemal Stafës"

Tifozeria shqiptare do të shohë ndeshjen me Holandën në stadiumin "Qemal Stafa" në kryeqytet. Gjithçka është vendosur përfundimisht dje, pasi është hedhur firma në kontratën mes drejtuesve të këtij impianti dhe FSHF-së, e cila ka zyrtarizuar bashkëpunimin mes palëve për dy takimet e ardhshme të kuqezinjve. Stadiumi do të përfitojë një shumë prej 30 milionë lekësh të vjetra për miqësoren ndaj Maltës dhe takimin e EURO 2008 kundër Holandës, ndërsa FSHF do të paguajë edhe shpenzimet ekstra, si energjinë elektrike, ujin, ambulancën dhe zjarrfikësen.

Sekretari i Përgjithshëm i FSHF-së, Roland Mici, ka treguar se kontrata është nënshkruar pa diskutime, pasi kishin mbetur për t‘u saktësuar disa detaje të vogla të cilat ishin zgjidhur dje. "Akordi parimor me drejtuesit e stadiumit ekzistonte, por mungonte firma në kontratë, pasi kishin mbetur për t‘u zgjidhur disa detaje të vogla të saj. Dje arritëm t‘i përcaktonim ato dhe si rrjedhojë u firmos kjo marrëveshje bashkëpunimi për dy ndeshjet e radhës së përfaqësueses shqiptare, ajo kundër Maltës dhe ajo kundër Holandës. Sipas kontratës, FSHF merr me qira stadiumin për këto dy ndeshje, duke kaluar 30 milionë lekë të vjetra në arkën e shoqërisë që administron këtë impiant. Në të njëjtën kohë ne do të marrim përsipër edhe shlyerjen e shpenzimeve ekstra për ndeshjet, si pagesën e energjisë elektrike, ujit, ambulancën apo zjarrfikësen. Pasi u përcaktuan këto detaje, u hodh edhe firma mbi kontratë", tregoi Mici.

Një fakt të tillë e ka pranuar edhe drejtori i stadiumit "Qemal Stafa", Perikli Dhales, i cili sqaroi se tashmë impianti po bëhej gati për ndeshjet e skuadrave shqiptare në Kupat e Evropës dhe më pas të Kombëtares. "Kemi nënshkruar kontratën për këto ndeshje dhe kemi filluar menjëherë punën për përgatitjen e impiantit për ndeshjet e skuadrave shqiptare në Kupat e Evropës dhe takimet e Kombëtares. Kemi rënë dakord në të gjitha pikat dhe do të bashkëpunojmë sipas kushteve të përcaktuara në kontratë", u shpreh Dhales.

Gjatë dy viteve të fundit, drejtoria e stadiumit "Qemal Stafa" dhe FSHF kanë debatuar shpesh para takimeve të përfaqësueses shqiptare. Gjithçka kishte lidhje me administrimin e të ardhurave nga shitja e biletave për ndeshjet e kuqezinjve, gjë që solli edhe zhvendosjen e dy takimeve në stadiumin "Loro Boriçi" të Shkodrës. Meqenëse ndeshjet në impiantin e qytetit të Shkodrës u zhvilluan normalisht, dy palët u ulën përsëri në tavolinën e bisedimeve. Por tashmë FSHF nuk propozoi ndarjen 70% me 30% të të ardhurave nga biletat, por marrjen me qira të stadiumit kundrejt një shume të paracaktuar në kontratë. Akordi parimor nuk u arrit në takimet e para dhe debatet në distancë vazhduan gjatë. Por vizita e inspektorëve të Federatës Holandeze gjatë javës së kaluar bëri që kontaktet të rivendosen mes palëve për t‘i dhënë një zgjidhje përfundimtare problemit të stadiumit. Inspektorët holandezë vizituan edhe "Loro Boriçin" dhe dhanë pëlqimin në parim që ndeshja të zhvillohej në Shkodër, nëse nuk realizohej akordi mes FSHF-së dhe stadiumit "Qemal Stafa". Gjatë tri ditëve të fundit, drejtuesit e impiantit kryeqytetas dhe përfaqësuesit e FSHF-së janë takuar disa herë për të përcaktuar kushtet e kontratës, me firmosjen e saj vetëm ditën e djeshme.

Gjithsesi, ndeshjet me Maltën dhe me Holandën nuk janë të vetmet që përfaqësuesja shqiptare do të luajë gjatë këtij viti në vendin tonë. Pas tyre do të jenë edhe takimet e Bullgarisë dhe Bjellorusisë, pa harruar këtu edhe takimet e përfaqësueses Shpresa ndaj Kroacisë dhe Italisë, të gjitha takime për të cilat stadiumi kombëtar do të ishte impianti më i përshtatshëm për skuadrat në fushë dhe tifozerinë kuqezi.

FSHF: Skuadrat shqiptare rrezikojnë Evropën ne 2008


Skuadrat shqiptare rrezikojnë pjesëmarrjen në kupat e Evropës për sezonin e ri. Alarmi vjen nga zyrat e FSHF-së, të cilat kanë bërë të ditur se klubet e Kategorisë Superiore janë shumë mbrapa me planin e punës që duhet të bëjnë përpara mbylljes së sezonit 2007-08, nga e cila do përfitojnë licencimin nga UEFA për në aktivitetet ndërkombëtare. "Është më se normale që të jemi të shqetësuar për një fakt të tillë", ka pohuar zëdhënësi i federatës, Lysjen Nurishmi. "Kemi afro dy vjet që ua kemi dërguar klubeve kërkesat që duhet të plotësojnë, si nga ana ligjore, ashtu edhe në rikonstruktimin e stadiumeve, por deri më tani asgjë nuk është plotësuar. Duhet me patjetër të evitohet që puna të fillojë në momentin e fundit, siç ndodh zakonisht, pasi kjo do rrezikonte që stadiumet të mos i kalonin kërkesat e vendosura nga UEFA". Klubet kanë për detyrë që nga ana ligjore të caktojnë statusin e tyre (nëse do jenë sh.a. apo bashkëpronare me shtetin) dhe më pas duhet të funksionojnë si të gjitha klubet në kontinent, duke krijuar një staf të specializuar, ku nuk mungon as zyra e shtypit.

Megjithatë, asnjëra prej 12 skuadrave elitare nuk ka marrë hap konkret. "Për momentin nuk është bërë asgjë në këtë drejtim dhe ky është problemi më i madh. Klubet po neglizhojnë udhëzimet për detyrimet që duhet të plotësojnë", ka vazhduar Nurishmi. Tjetër problem shqetësues janë edhe stadiumet: momentalisht, i vetmi impiant që i plotëson normat është "Qemal Stafa". Por, tempulli i futbollit nuk mund të përballojë i vetëm ndeshjet e 4 skuadrave shqiptare që për çdo vit përfaqësohen në Evropë. "Rikonstruktimi i stadiumeve dhe krijimi i kushteve të përshtatshme në ambientet e brendshme, në ambientet rrethuese, si edhe në tribunat e tifozëve, janë një tjetër problem që kërkon zgjidhje të menjëhershme, përfundoi Nurishmi. Në fund të sezonit të ardhshëm, të dërguarit e UEFA-s për të kontrolluar ambientet nuk do tolerojnë asgjë, edhe pse deri më tani ata e kanë mbyllur një sy dhe do të pretendojnë që gjithçka të jetë e përfunduar".

Kampionati në prag, asnjë federim





Tiranë, 7 gusht - Më pak se 20 ditë na ndajnë nga fillimi i kampionatit të Kategorisë Superiore për sezonin e ardhshëm, dhe situata është alarmante përsa i përket regjistrimit të futbollistëve. Kjo pasi deri më dje, asnjë nga 12 skuadrat e Superligës nuk ka federuar asnjë lojtar në Federatën Shqiptare të Futbollit. Klubet shqiptare kanë kohë deri në datën 20 gusht, pra 5 ditë përpara fillimit të kampionatit që të regjistrojnë futbollistët që do të kenë në përbërje për sezonin e ardhshëm. Ndërkaq, vetëm për futbollistë të veçantë, të cilët vijnë nga jashtë do të tolerohen federime deri në 31 gusht.Shefi i Sektorit të Garave në Federatë, Hito Hitaj ju bën edhe një herë thirrje klubeve që të përgatisin dhe të sjellin regjistrimet për sezonin 2007-2008. “Deri më sot(dje) nuk ka ardhur asnjë regjistrim lojtari, në një kohë që kampionati është në prag. Duhet që klubet të shpejtojnë dhe të respektojnë afatet kohore ashtu siç ju është bërë e ditur, pasi në të kundërt nuk do të ketë asnjë lloj tolerimi” përfundon Shefi i Garave në FSHF, Hitaj./sot/