Xhavit Ismaili: “Shkumbinin, dhe më të fortë!”

“Shkumbinin, dhe më të fortë!”
Sapo ka zbarkuar në hotel “Olimpik”, presidenti i Shkumbinit, Xhavit
Ismaili, ka pranuar të japë përshtypjet e tij sesi e ka gjetur ekipin pas
kësaj periudhe stërvitjeje: “Stafi trajnues është i mobilizuar për këtë
minifazë përgatitore dhe ne e kemi vlerësuar shumë këtë periudhë,
pasi përgatitjet e janarit janë mjaft të rëndësishme për vazhdimin e
kampionatit”. Presidenti Ismaili ka besim se kjo periudhë do të japë
efekt: “Tashmë është realitet, pasi skuadrat që kryejnë një minifazë
të mirëfilltë përgatitore në janar kanë rezultate të kënaqshme në
pjesën e dytë të sezonit. Prandaj edhe unë mendova që këtë fundjavë
ta kaloj me skuadrën për të qenë më afër tyre, pasi dua të di
kërkesat dhe shqetësimet që ka grupi për momentin. Përshtypjet e
para janë të mira dhe shpresoj që kjo punë të vijojë edhe në ditët në
vazhdim, në mënyrë që të jemi të gatshëm për rifillimin e sezonit”. Aty
ku kreu i klubit peqinas i ka idetë e qarta se çfarë kërkon: “Investimet
e mia për Peqinin e kanë një kuptim dhe ne synojmë mesin e artë në
Kategorinë Superiore, si dhe forcat më të mëdha do t’i përqendrojmë
në trofeun e Kupës së Shqipërisë”. Për këtë po lëvizet edhe në
merkato: “Gjatë kësaj periudhe jemi munduar që të bëjmë merkato,
pasi kemi afruar Norën, si dhe presim edhe afrimin e Turdiut e Binogolit.
Gjithsesi, duhet thënë se jemi përqendruar shumë në ruajtjen e grupit
aktual, pasi vetëm në këtë mënyrë krijohet stabiliteti brenda ekipit. Ne si
drejtues nuk kemi planifikuar largime lojtarësh, pavarësisht zërave që
qarkullojnë. Deri tani nuk ka mbërritur ndonjë kërkesë lojtari që kërkon
të largohet nga Peqini, megjithëse është folur për Dalipin”. Mo.Ba
panoramasport.

ME BLERJET QE KA BA DUHET PERGEZU VERTET

deri imen duket qe eshte serioz por te shikojm si do t vazhdoj...shyqyr qe na hoqi ate patushin nga ekipi...