[[center]b]Sërish eksperiment me formacionin e parë[/b][/cen

Sërish eksperiment me formacionin e parë
Pas ndeshjes me Flamurtarin, ekipi i Shkumbinit po bën përgatitjet për një përballje të
rëndësishme me ekipin e Skënderbeut të Korçës. Në pamje të parë të krijohet një ide se
ekipi i Shkumbinit nuk do ta ketë të vështirë këtë ndeshje, por në realitet kjo ndeshje ka
vështirësinë si dhe specifikën e saj. Kjo sepse nga ana e vet, ekipi i Skënderbeut do të
bëjë të gjitha përpjekjet për të marrë rezultat pozitiv,
pasi luan në fushën e tij, por nga ana tjetër do t'i
duhet të dalë nga pozita aspak e këndshme në fund
të tabelës. Nga ana e tij, ekipi i Shkumbinit e ka vlerësuar
së tepërmi këtë ndeshje. Trajneri Magani u ka
kërkuar lojtarëve të tij që të paraqiten në stërvitje që
të hënën, duke mos lënë kohë për pushim. Ajo çka
është më problem për përgatitjen e radhës është
ndërtimi sërish i formacionit nga ana e teknikut. Pozicionimi
i lojtarëve si dhe harmonizimi i veprimeve të
tyre duket se ka qenë dhe "thembra e Akilit" për
punën e teknikut peqinas. Në ndeshjen kundër ekipit vlonjat, trajneri eksperimentoi një
ekip shumë sulmues ku tentoi që në një pjesë të mirë të lojës të hedhë tre sulmues në
fushë, Dalipin Dervishin dhe Okvuibilin. Kjo u kushtëzua edhe nga mungesa e tre
lojtarëve bazë në formacionin e tij. Në ndeshjen e radhës, trajneri do të ketë në dispozicion
dy prej tyre, mbrojtësin Dabulla si dhe mesfushorin
organizator Ilir Qorri. Përveç kësaj, ai do të
ketë të mundshëm edhe dy lojtarët e huaj, Jakimovskin
dhe Okvubilin, ku ky i fundit u shqua në
ndeshjen e radhës për lojën e tij të fuqishme dhe
plot grintë. Pra edhe kjo ndeshje do të jetë një punë
plot stres e trajnerit peqinas për të arritur të formojë
një kolektiv unik në këtë ndeshje me ekipin që mbyll
tabelën e klasifikimit, por edhe që do të zhvillojë një
ndeshje pa praninë e tifozëve dhe të arrijë fitoren
e shumëpritur në transfertë. Lulzim Resuli
Nxënësi përballë mësuesit
Duhet thënë se kjo ndeshje mund të quhet dhe një ndeshje ku
nxënësi sfidon mësuesin. Kështu, trajneri aktual i Shkumbinit,
Magani do të përballet me ish-trajnerin peqinas për dy sezone
rresht, Faruk Sejdinin, i cili e njeh shumë mirë temperamentin
peqinas. Pritet që formacionin që trajneri do ta vendosë në
ndeshjen e sotme të kontrollit, të jetë dhe formacioni anti-
Skënderbeu për ndeshjen e javës së ardhshme.

Marre nga gazeta Panorama Sport e shkruar nga L. Resuli
[center]