Lorenc Pashja vlerëson sfidën me Flamurtarin

Pritet që kjo fundjavë të ketë një numër të madh
shikuesish, të cilët po e presin me padurim një përballje
të tillë, ndaj dhe kjo ndeshje nuk duhet t’i zhgënjejë
ata. Ky është dhe mendimi i kapitenit të
Shkumbinit, mesfushorit Lorenc Pashja, i cili për
gazetën “Panorama Sport” shprehet për rëndësinë
e kësaj ndeshjeje. “Tashmë kuptohet se ndeshja e
fundjavës ndaj Flamurtarit është e vështirë, por
edhe mjaft e rëndësishme për ne. Kemi punuar me
seriozitet për të arritur më të mirën në këtë ndeshje
dhe mendoj se do të kemi kujdes që të zbatojmë më
së miri të gjitha detyrat që do të na japë trajneri.
Ekipi i Flamurtarit është i fortë, ndaj dhe ne nuk do
ta nënvleftësojmë si kundërshtar, sikurse dhe duke
iu ruajtur ndonjë “pabesie” të mundshme në sulmet
e tyre”. Në këtë ndeshje kapiteni i Shkumbinit thekson
se prania e tifozëve të zjarrtë do të jetë një
krah plus për të gjithë skuadrën. “Vetë fakti se luajmë
në fushën tonë dhe përballë tifozëve tanë, na
bën më të afrueshëm me fitoren. Rezultati do të
jetë në anën tonë”,-përfundon kapiteni i Shkumbinit,
Lorenc Pashja.