SHKUMBINI 1-1 Besa

Shpresojme te mos biem ne euforine qe rame perpara ndeshjes me Lushnjen per kampionat.
Ne kete forme qe kami ardhur vetem Tirona mund te na dale perpara ndaj kam besim se do e mbyllim kualifikimin qe ne ndeshjen e pare.
Ti regojme dhe ketyre pisave te Kavajes se me ke kane te bejne se fazen e dyte e bene hak.
Land Dervishi me Noren jane bo te papermbajtshem ))

i urojme nje fitore te paster 3-0 Shkumbinit.

hajde inshallah me nje fitore bindese...

ishalla me i fitore,ti kthejm favorin qe na kan bo!cunat jan nform ene besoj se nuk do na zhgenjejn!
PARA SHKUMBINI

DUHET ME I KTHY EDHE RESTON XHAT QELBSIRES BASHKE ME ATO PLEHRA QE AI I KISHTE PAGUAR....

Xhatit sja kthejme dot se sbesoj se ka bythe me ardh. Do thote "smunda ta ndjek ekipin tim per arsye biznesi"...
Mezi po pres te shoh pak spektakel neser

ah sa zili tkam mer tkeqen,sa na ka mor molli me u cyrr iher nstadium!
do i mysim klyshat!para shkumbini!

boni tifozllik edhe per ne qe jemi jashte se me zemer jemi aty

Skuadra e Shkumbinit
ka arritur një barazim
1-1 me Besën e Kavajës
në takimin e parë çerekfinale të
Kupës së Shqipërisë në shtëpi.
Një takim që ka folur totalisht
për skuadrën e Maganit, por që
nuk i shfrytëzoi si duhet ato
raste që iu shfaqën para portës
kavajase. Trajneri i ri i Besës,
Ilir Biturku, e ka nisur me një
barazim të rëndësishëm rrugën
e tij në krye të kësaj skuadre, kur
do t’i presë më i qetë peqinasit
në ndeshjen e kthimit. Në fushë
nuk ka munguar tensioni, ashtu
siç edhe ishte parashikuar,
duke pasur parasysh precedentët
e fundit në takimet midis
të dyja skuadrave. Kështu,
gjyqtari Lorenc Jemini, për të
mbajtur ndeshjen në kontroll,
në mënyrë që situata të mos
degjeneronte, është detyruar të
ndëshkonte skuadrën peqinase
me pesë kartonë të verdhë
dhe dy të kuq. Ndërkohë,
që edhe pesë lojtarë kavajas
janë ndëshkuar me kartonë të
verdhë pas përplasjeve.
Takimi - Ndeshja mes Shkumbinit
e Besës ka nisur e qetë
dhe të dyja skuadrat rreshtohen
mirë në fushë. Magani luan me
dyshen sulmuese Mustafaj e
Rizvanolli dhe pikërisht ky i
fundit jep sinjalin e parë në
portën kavajase. Takimi futet në
faza interesante dhe janë
vendësit, që marrin në dorë
frenat e lojës, duke parë gjithmonë
e më shumë nga porta
kavajase. Mustafaj është gjithmonë
një rrezik konstant për
mbrojtësit e Besës. Nga ana tjetër,
skuadra e Biturkut në pjesën e
parë nuk ka shkuar në portën
peqinase më shumë se dy herë,
duke e kthyer Llanin në një spektator
në fushë. Te lojtarët e Maganit
rritet presioni për të shënuar
në portën kavajase, por sulmuesit
bardhekaltër nxitohen
dhe humbin shumë raste në
pjesën e parë. Fraksioni i parë
do të mbyllet me rrjeta të paprekura,
ndërsa pjesa e dytë do
të nisë me ritëm më të lartë. Magani
hedh në fushë Dervishin
për Rizvanollin dhe sulmuesi
peqinas shfaqet menjëherë rrezikshëm,
duke vënë në provë
Durën. Zhbllokimi i rezultatit
kërkohet me ngulm dhe peqinasit
i afrohen shumë shpesh
golit, mirëpo portieri beratas i
Besës është në formë të mirë.
Nora dhe Shenaj nisin pasime
të bukura për sulmuesit
vendës, por goli do të shënohej
vetëm në minutën e 66-të nga
një inkursion personal i talentit
Mustafaj. Sulmuesi i ri peqinas
bën gjithçka bukur, driblon
dy-tre mbrojtës dhe godet në
cepin e portës kavajase, atje ku
Dura nuk mund të mbërrinte
dot. Goli duket sikur i çliron
vendësit që kanë disa mundësi
të mira për të dyfishuar.
Mirëpo në min e 82-të do të
vinte dhe goli i barazimit të
kundërshtarit, që me anë të një
kundërsulmi e gjejnë mbrojtjen
vendëse të papërgatitur.
Tensioni - Që pas shënimit
të golit të barazimit, në fushë
do të ketë më shumë tension.
Gjyqtari Jemini largon nga
fusha me karton të kuq dy futbollistët
peqinas, Dervishin e
Norën. Loja ndërpritet për disa
çaste dhe pas rinisjes, takimi e
humbi bukurinë. Rezultati 1-
1 nuk ka ndryshuar dhe
skuadrat u drejtohen dhomave
të zhveshjes në barazim. Një
ndeshje që u dominua nga
vendësit, por që nuk shfrytëzuan
rastet e shumta të krijuara
dhe nga ana tjetër një Besë
që goditi në ato pak raste që
krijoi. Me këtë rezultat gjithçka
duket se është e hapur për
takimin e kthimit. Pas përfundimit
të ndeshjes, një grup ultrasish
peqinase protestuan
ashpër ndaj vendimeve të
gjyqtarëve, por forcat e shumta
policore, përfshirë edhe ato
speciale, e vunë menjëherë nën
kontroll situatën, duke mos
lejuar degradimin e situatës
Panorama sport

GOLAT
Mustafaj 66’/ Haliti 82’
FORMACIONET
SHKUMBINI: Llani, Shameti (78’ Xhyra), Grami, Pashja,
Mujdragiç, Turdiu, Nora, Bizhyti (77’ Deliovski), Shenaj, Rizvanolli
(46’ Dervishi), Mustafaj.
Trajner: G. Magani
BESA: Dura, Velia, Xhafa (90’ Fortunat), Leci, Grizha, Krasniqi (79’
Tetova), Xhihani, Sakaj, Progni (77’ Haliti), Mancaku, Abilaliaj.
Trajner: I. Biturku
KARTONË TË VERDHË: Mujdragiç, Grami, Shameti, Nora, Turdiu/
Abilaliaj, Progni, Dura, Sakaj, Krasniqi
KARTONË TË KUQ: Dervishi, Nora
MINUTAT
GJYQTARET
L. Jemini, S. Avdo, G. Qirici
1’ Rizvanolli jep sinjalin e parë, teksa shënjestron trekëndëshin e Durës,
por pa sukses.
18’ Aksion i dy mbrojtësve peqinas, Mujdragiç pason për Shametin që
godet bukur me kokë, topi qeth shtyllën kavajase.
34’ Kavajasit rrezikojnë për herë të parë me anë të goditjes së dënimit
të ekzekutuar nga Mancaku, topi nuk preket nga askush dhe del jashtë.
41’ Turdiu tenton të shënojë me parabël, Dura arrin të neutralizojë
me vështirësi.
49’ Sulm i gjatë i vendësve, të cilët pas grushtimit të Durës, tentojnë
përsëri me anë të Dervishit dhe në vijën fatale largon mbrojtja mike.
54’ Gjirokastriti Nora lëshon një silurë drejt portës, por Dura bën
mrekullinë.
57’ Provojnë edhe kavajasit me anë të Prognit nga jashtë zone pret në
pozicion Llani.
62’ Dervishi i ka të gjitha mundësitë të shënojë pas daljes së pa studiuar
të portierit Dura, por nuk gjen kuadratin dhe shpërdoron.
66’ Mustafaj do të ngrejë peshë stadiumin me golin e shënuar.
Sulmuesi driblon bukur mbrojtësit kavajas dhe gjuan me mjeshtri, duke
realizuar një perlë të vërtetë (1-0).
68’ Mbrojtësi Grami tërhiqet nga fanella në zonën e Besës, Jemini i
ndodhur pranë aksionit bën shenjë për vazhdimin e lojës.
75’ Dy tentativa të shpejta të peqinasve, por topi nuk përfundon në
rrjetë dhe në mes të rrëmujës rroket nga Dura.
80’ Turdiu bën gjithçka bukur, por gabon në finalizim duke goditur
mbi traversë.
81’ Kosovari i Besës, Haliti, i futur në pjesën e dytë përfiton nga
përgjumja e mbrojtjes vendëse, duke shënuar e barazuar shifrat (1-1).
85’-88’ Brenda tri minutash gjyqtari Jemini nxjerr me të kuqe dy
futbollistë të skuadrës peqinase, Dervishin dhe Norën, loja ndërpritet
për pak çaste.
89’ Mesfushori Shenaj, pranë golit të dytë për vendësit, pas krosit nga e
majta, futbollisti provon me kokë, por Dura i thotë “jo” edhe kësaj here.
Panorama sport

TË VEÇANTA
Atmosfera festive nuk ka munguar
në fillim të takimit. Në të gjitha anët
e fushës janë hedhur fishekzjarrë.
Minuta e 73-të ka sjellë panik në
shkallët e stadiumit pas përplasjes
me kokë të dy futbollistëve Dervishi
dhe Xhafa. Të dy lojtarët janë shtrirë
në fushë të gjakosur, por pas ndihmës
mjekësore kanë vazhduar lojën.
Panorama sport