SHQIPERI - BJELLRUSI

Shpallet lista anti-Bjellorusi
Trajneri Oto BAriç ka zyrtarizuar dje listën me 21 emrat që do të grumbullohen për takimin e radhës kundër Bjellorusisë, takim ky i vlefshëm për eliminatoret e Grupit G të Euro 2008. Është rikthyer i skualifikuari Cana dhe Edmond Kapllani, që u la jashtë për motive disiplinore, ndërsa nuk është grumbulluar Dorian Bylykbashi. Ja edhe lista e plorë e 21 kuqezinjve:

Lojtari-------------Skuadra
1 Arjan Beqaj------Enorthosis Famagusta
2 Isli Hidi----------FC Kryvbas
3 Ilion Lika--------KF Elbasani
4 Armend Dallku----FC Vorskla Potlava
5 Nevil Dede-------FK Tirana
6 Debatik Curri-----FC Vorskla Potlava
7 Kristi Vangjeli----Mbrojtes Aris Selanik
8 Blerim Rustemaj--FC Hosters
9 Andi Lila---------FK Besa
10 Elis Bakaj-------FK Partizani
11 Lorik Cana------O.Marseja
12 Ervin Bulku------FC Kryvbas
13 Altin Haxhi------Ergotelis FC
14 Klodian Duro----FK Tirana
15 Jahmir Hyka-----FK Tirana
16 Altin Lala-------Hanover 96
17 Ervin Skela-----Energie Cottbus
18 Alban Bushi-----Apolon Kalamaria
19 Edmond Kapllani-Karlsrhuer
20 Hamdi Salihi----Ried FC
21 Erjon Bogdani---Livorno

Anti-Bjellorusia, një ditë e shkuar dëm









Kuqezinjtë nisën dje përgatitjet me vrapime në rërën e plazhit të Durrësit. Shumica e lojtarëve erdhën në mbrëmje Grumbullimi i kombëtares ka nisur me një ditë të shkuar dëm dhe shumë të çrregullt. Përgatitjet për takimin eliminator të 17 nëntorit me Bjellorusinë nisën kështu për shkak se pjesa më e madhe e lojtarëve ka mbërritur në orët e pasdites në Durrës. Në orën 13:00, në hollin e hotel "Adriatik" kishte vetëm 8 lojtarë, kryesisht ata që aktivizohen në kampionatin shqiptar. Më pas, kuqezinjtë mbërritën një e nga një, ku të parët nga jashtë erdhën ata që luajnë në Greqi, Haxhi, Bushi dhe Vangjeli dhe më pas Hidi, Bulku, Rustemaj, Beqaj etj. Trajneri Oto Bariç, bashkë me ndihmësin e tij shqiptar, Shpëtim Duro, rreth orës 15:00 udhëzoi lojtarët për një seancë shkrydhëse buzë Adriatikut. Ata kryen disa vrapime të lehta, jo më shumë se 30 minuta dhe më pas pushuan në rezidencën e tyre. Duhet thënë se mënyra e organizmit të punëve në ekip lë për të dëshiruar dhe kjo është përgjegjësi, pa dyshim e FSHF-së, që ende nuk ka vënë në dispozicion shefin e ekipeve kombëtare. Që pas largimit të Besnik Çelës, në organizmin e kombëtares shihet një çrregullsi. Lojtarët kanë pasur probleme me udhëtimet, kjo ndoshta jo për fajin e tyre. Gjithsesi, deri në mbrëmje pothuajse pjesa më e madhe e lojtarëve mbërriti, ku i fundit ishte Cana në orën 24:00. Ndërkohë, sot në drekë, me ekipin bashkohen Armend Dallku dhe Debatik Curri, të cilët aktivizohen në Ukrainë me Vorskla Polltavën. Këta të fundit do të bëjnë një ndalesë në Shkup, për t'u pajisur me vizën ukrainase dhe më pas do të nisen drejt kryeqytetit shqiptar. Programi i kuqezinjve për ditën e sotme parashikon dy seanca stërvitore në fushën sportive "Tofik Jashari" të Shijakut, paradite në orën 10:00 dhe pasdite në 15:00. Me Bjellorusinë do të luhet me tifozë apo jo? Eshtë kjo pyetja që mund ta bëjë këto ditë çdo sportdashës, lidhur me takimin eliminator të 17 nëntorit Shqipëri-Bjellorusi. Dhe kjo ka ardhur si pasojë e disinformimit nga ana e institucionit të futbollit shqiptar, që tashmë ka gatuar një çorbë që nuk i dihet fundi. Dje në FSHF prisnin faksin anonim, që sipas zëdhënësit Nurishmi, do të bëjë me dije nëse luhet pa tifozë ose jo. Nga ana tjetër, presidenti FSHF-së, Armand Duka, flet në media si një hero, i cili niset për UEFA dhe merr lajmin e madh: "Do të luajmë me tifozë." UEFA, organi më i lartë i futbollit europian, në faqen zyrtare të saj ende nuk e ka publikuar dënimin që ka marrë fusha apo faljen e saj, që sipas FSHF-së do të konvertohet me një gjobë të majme. Deri në këtë pikë duket sikur nuk ka ndodhur gjë, por është FSHF-ja, që gjithnjë e nxjerr një faks anonim, ku rëndom thuhet se është dërguar nga UEFA. Javën e kaluar mediat kërkuan që ky faks të publikohej, por vullneti i drejtuesve të federatës nuk ishte kështu. Gjithsesi, na duhet të presim ditën e sotme, se çfarë lajmërimi do të nxjerrë zyra e shtypit në FSHF, e cila tashmë nuk mund të besohet më. Sa i takon lajmit se vendimi i Disiplinës së UEFA-s është konvertuar në një gjobë, nuk mund te merret i vërtetë, sepse atje nuk punohet si në FSHF, me "vendime qarkulluese". Vendimin e Disiplinës së UEFA-s mund ta hedhë poshtë vetëm Apeli i këtij institucioni, që në fakt nuk është mbledhur. Kësisoji, përderisa nuk kemi një vendim zyrtar të UEFA-s, për problemin e ndeshjes sonë me Bjellorusinë, "mish mashi" i dalë nga "altoporlantët" e FSHF-së, se UEFA na ka lejuar të luajmë me tifozë, s'mund të merret i vërtetë. U takon fshf-istave, të sqarojnë sa më parë këtë çështje, sepse ka të bëjë direkt me tifozët e kombëtares, por edhe me seriozitetin e një marrëdhënieje me UEFA-n. Koha e keqe vonon ardhjen e Kovaçiçit Zëvendëstrajneri i Shqipërisë, Sllavko Kovaçiç, nuk ka mundur të vijë në kohë pranë kombëtares, për shkak të kohës së keqe në Austri. Linja e avionit ka pësuar ndryshime në orar dhe kroati i është dashur të ndryshojë plan. Dëbora e rënë e ka bllokuar për disa orë në aeroport Kovaçiçin, por megjithatë ai dje në mbrëmje i është bashkuar stafit kuqezi. Trajneri Oto Bariç, sot para mediave Trajneri i kombëtares, Oto Bariç, do të dalë sot para mediave, në një konferencë për shtyp, ku do të shpalosë synimet e tij në prag të takimit me Bjellorusinë. Në dy ditët e para, kroati nuk i ka pasur të gjithë lojtarët në dispozicion, por ka kohë për të vëzhguar gjendjen reale të tyre. Haxhi i dëmtuar, sot qartësohet gjendja Mesfushori i kombëtares, Altin Haxhi, është dëmtuar në takimin e fundit me Paokun në kampionatin grek dhe sot pritet të qartësohet gjendja e tij. Masazhatori gjerman i kombëtares, Akim Bullinger, do të japë viston, nëse lojtari do të stërvitet me grupin ose jo. Gjirokastriti ka qenë i pafat, pasi ka dëmtuar përsëri kaviljen e majtë. Grumbullohet edhe kombëtarja Shpresa Dje është grumbulluar në Durrës ekipi Shpresa, i drejtuar nga Artan Bushati. Kuqezinjtë U-21 nisën përgatitjet për dy takimet eliminatore të radhës, atë me Ishujt Faroe më 17 nëntor dhe Greqinë katër ditë më vonë, të dyja në transfertë. Sot është programuar një test kontrolli me ekipin e Tiranës, ndërkohë që dje u krye seanca e parë stërvitore, në kompleksin e ekipeve kombëtare në Kamëz.

Bariç: Me Bjellorusinë luajmë vetëm për fitore

Trajneri nuk shqetësohet se do të qëndrojë në tribunëTrajneri
i përfaqësueses shqiptare, Oto Bariç, ka parashtruar dje objektivat e
tij për dy ndeshjet e radhës së kuqezinjve ndaj Bjellorusisë dhe
Rumanisë. Për takimin e të shtunës, ai mendon se kuqezinjtë do luajnë
për një fitore, ndërsa në mesjavën e ardhshme do të kërkojnë të
largohen me një rezultat pozitiv nga Rumania. "Do të luajmë dy ndeshje
shumë të rëndësishme, pasi duam që të fitojmë kundër Bjellorusisë dhe
të mos humbasim kundër Rumanisë. Jam pothuajse i bindur se ne do të
marrim tri pikë kundër Bjellorusisë. Për mua është e rëndësishme që
loja jonë vjen duke u rritur. Kam zhvilluar një mbledhje me lojtarët në
lidhje me të ardhmen tonë duke ditur që do të punojmë së bashku edhe
për dy vjet të tjerë. Duhet të luajmë më mirë dhe të jemi më seriozë në
të ardhmen. Nuk do të jem në stol me Bjellorusinë, por kjo nuk është
problem, pasi do të jetë ndihmësi im, Kovaçiç, me të cilin diskutoj
strategjitë gjatë të gjithë javës", u shpreh trajneri kroat në
konferencën për shtyp që zhvilloi në hotelin ku është grumbulluar
skuadra. Ai bëri të ditur se ndaj Bjellorusisë do të luhet me dy
sulmues, në mënyrë që të kërkohet maksimumi i mundshëm, ndonëse bëri të
ditur se nuk kishte vendosur ende për titullarët. "Ne do të vazhdojmë
të luajmë me dy sulmues, pasi kështu kemi bërë pothuajse në të gjitha
ndeshjet. Sa për mungesën e golit, natyrisht që më shqetëson fakti që
Kapllani dhe Bogdani nuk kanë shënuar. Gjithsesi, çdo sulmues ka
periudhat e tij, ku një herë shënon e një herë jo. Jam i bindur që të
katër sulmuesit do të kenë mundësi të aktivizohen këtë ndeshje. Se kush
do të luajë në fillim kjo do të varet nga ecuria në stërvitje këto
ditë. Me Kapllanin nuk kam asnjë problem, pasi më telefonoi dhe më
kërkoi falje", u shpreh Bariç. Trajneri është shprehur i kënaqur edhe
me diskutimet e rinovimit. "Ideja e presidentit që ka kërkuar të
luftohet për t‘u kualifikuar në Botëror, do të thotë se ai ka parë
përparime në lojën tonë dhe në skuadër. Por kjo do të varet edhe nga
grupi që do të na bjerë në short", përfundoi Bariç

Bjellorusia

Stadiumi i hapur për tifozët. FSHF, 60 mijë franga gjobë
Takimi
i së shtunës, ku në "Qemal Stafa" do të zbresë Bjellorusia, do të luhet
me tifozë. Është ky vendimi më i fundit i ardhur nga UEFA, që ka falur
skuadrën kuqezi. Megjithatë, FSHF-ja nuk ka shpëtuar "paq", pasi ajo do
të paguajë një gjobë financiare prej 60 mijë frangash zvicerane (37
mijë euro) në zyrat e Nionit, pas fishekzjarrëve të hedhur në ndeshjen
me Holandën. "UEFA ka dërguar sot (dje) një faks ku na ka lajmëruar për
gjobën financiare", ka pohuar zëdhënësi Nurishmi. "Do të paguajmë 60
mijë franga zvicerane, por të paktën ia kemi arritur qëllimit tonë: që
stadiumi të jetë i hapur për tifozët. Kjo është ndeshja e fundit e
kombëtares në Tiranë në këto eliminatore dhe mbi të gjitha ajo është
decizive për vendin e katërt në grup. Për këtë arsye kemi tentuar me
çdo mënyrë që skuadrës mos t‘i mungojë mbështetja, madje duke pranuar
edhe këtë gjobë mjaft të lartë monetare". Në këtë mënyrë të gjithë
tifozët do të kenë mundësi të jenë të pranishëm në stadium. Ndërkohë,
edhe çmimet e biletave janë të arsyeshme: një stol në tribunën qendrore
kushton 3 mijë lekë, në D2 700 lekë ndërsa D1 dhe D3 vetëm 500 lekë.

Tre gjyqtarë turq për Shqipëri-Bjellorusi

Janë caktuar arbitrat e ndeshjes Shqipëri – Bjellorusi, e vlefshme për Euro 2008, që do të luhet ditën e shtunë në orën 20:00. Treshja e gjyqtarëve do të jetë e përbërë nga tre turq. Arbitër kryesor do të jetë Bulent Demirek dhe asistentët e tij janë dy patriotët Alper Ylysoj dhe Emre Ejisoj. Ndërsa për sa i përket delegatit të dërguar nga UEFA, ai është Arie Ulf nga Izraeli dhe vëzhgues në këtë takim është maqedonasi Angel Bungurov. Kjo është një ndeshje mjaft e vlefshme për kombëtaren tonë, pasi një fitore e marrë kundër tyre do të bënte që të fitonim pikë në renditjen botërore të FIFA-s. Gjë që do të ishte pozitive dhe që do të na kalonte në vazon e katërt, për shortin e ardhshme të vlefshëm për Botërorin 2010.