JAVA 10 / Elabasani - SHKUMBINI

Elbasani-SHKUMBINI
Arbiter.Lapi,M.Dervishi-B.Mesi

Gjyqtari Lapi shahet në korr, Elbasani rrezikon humbjen“Ruzhdi Bizhuta” prodhoi sharrjet e para në korr kundër gjyqtarit në derbin e prefekturës Elbasani-Shkumbini (0-0) dhe arbitri shkodran Pajtim Lapi e ndërpreu lojën për 4 minuta, në bazë edhe të urdhrit të ri të dalë nga zyrat e Federatës Shqiptare të Futbollit, apo siç quhet ndryshe edhe “Nisma Mema”. Mbetet për t’u parë nëse Shkumbini do ta fitojë 0-2 ndeshjen në tavolinë, në një takim ku asnjë nga fqinjët (shumë herë të mirëkuptueshëm) nuk dëshironin të dilnin pa pikë. Verdheblutë më aktivë në pjesën e parë, ku Fjodor Xhafa ishte protagonist i pesë rasteve në pjesën e parë, ndërkohë që Shkumbini u mbrojt mirë, pasi peqinasit kërkonin të dilnin me të paktën me një pikë nga “Ruzhdi Bizhuta”. Pjesa i paraqiti peqinasit më kërkues, por aspak të rrezikshëm në zonën e vogël të mbrojtur nga Lika. Gjithsesi nga një takim edhe me një derbi të vogël midis dy vëllezërve Dalipi: Endrit te Elbasani dhe Klevisit te Shkumbini, dy skuadrat prodhuan barazimin e 4-t midis 29 ndeshjet e zhvilluara midis tyre. Për Elbasanin ky është barazimi i katërt rresht, ndërkohë që Shkumbini pas fitores me Besën të shtunën e kaluar, kishte nevojë për pak “çlodhje” përpara se të përballojë Dinamon e vendit të dytë në shtëpi.

ELBASANI SHKUMBINI 0 0

ELBASANI: Lika, Karçev, Mehmetaj, Tetova, Babaj(Plepolli 63’), Bulku
(Nallbani 83’), Dalipi, Nuhiju, F. Xhafa, Bejzade.
Trajner Krenar Alimehmeti.
SHKUMBINI]: Llani, Dabulla(Kuçi 56’), Xhyra, Jakimovski(Dervishi 69’),
Shenaj, Byzhyti, Dalipi, Pasha, Okvubili (Mustafaj 46’).
Trajner Gugash Magani
P. Lapi, M. Dervishi, B. Mesi (Shkodër)
NDESHJA
3’ Kroson mjaft saktë Nuhiu për te Fjodor Xhafa, dhe ky, godet me kokë në
mënyrë shumë të gabuar për të gjetur golin.
14’ Është përsëri Fjodor Xhafa që kërkon golin. Ai lëshon një predhë nga jashtë
zone, por portieri Llani i Shkumbinit përgjigjet duke e grushtuar topin mjaft mirë.
17’ Një tjetër rast për Elbasanin, e këtë herë është Nuhiu, që gjuan fort brenda
zonës, por sërish portieri Llani tregon aftësitë e mira të tij, duke e larguar topin
vështirësi në goditje këndi.
34’ Xhyra i Shkumbinit lëshon një “bombë” nga jashtë zonës së Elbasanit, por është
portieri Lika, ai që në momentin kur topi po i drejtohej rrjetës e largon në goditje këndi.
36’ Vjen një goditje dënimi për Elbasanin, atë e ekzekuton Nuhiu dhe më pas
Fjodor Xhafa që e mbyll këtë rast me një gjuajtje me kokë, por jashtë kuadratit
të portës së Shkumbinit.
55’ Një mundësi e Elbasanit që mbyllet pa sukses, Fjodor Xhafa kroson për te
Bejzade dhe ky gjuan me kokë, por topi kalon ngjitur me shtyllën pingule të
portës së mbrojtur nga Llani.
61’ Goditje këndi për Elbasanin, topi në zonën e peqinasve, godet Sheta me
kokë, por Llani pret në pozicion.
65 Nga një aksion i shpejtë i miqve nga Peqini, godet bukur Jakimvski, por Lika
pret në dy kohë.
70’ Një tjetër aksion i peqinasve ku protagonistë janë Dervishi dhe i riu
Mustafaj që tregon klas në lojën e tij, por edhe ky mbyllet me goditjen e bukur
të Dervishit dhe pritjen në dy kohë të topit nga portieri Iljon Lika.
74’ Plepolli depërton bukur në zonën e Shkumbinit, pason për te Nuhiu, i cili nga
një pozicion përballë portierit Llani godet, por ai pret në pozicion.
85’ Nallbani ekzekuton një goditje dënimi për Elbasanin, por përsëri është
portieri Llani që pret në një pozicion pa rrezik për gol.
KARTONË TË VERDHË
Dabulla, Karçev, Kasollja, Mehmetaj

Elbasani-Shkumbini 0-0/ Verdheblutë nuk gjejnë golin Derbi “shterpë”, Elbasani bën poshtë
Interesimit të tifozerive, i shtohet sharja në kor për gjyqtarin
shtë mbyllur në barazim derbi i prefekturës së Elbasanit, Elbasani–Shkumbini,ose ndryshe, ndeshja mes “Lalës së madh dhe Lalës së vogël”. Të dy ekipet vinin në këtë përballje pas rezultateve pozitive që kishin arritur në javën e nëntë, respektivisht Elbasani pas barazimit 0-0 në Tiranë me Partizanin, ndërsa Shkumbini vinte pas fitores së pastër në fushën e tij 2-0 ndaj Besës. Loja ka nisur e bukur për vendësit, të cilët që në fillim shfaqen shumë të rrezikshëm me anë të Fjodor Xhafës dhe Bejzades, por që të dy sulmuesit nuk arrijnë të gjejnë rrugën e rrjetës, ndonëse
edhe për meritë të portierit peqinas, Ervin Llani. Ndërsa
miqtë kërkojnë të rrezikojnë me anë të kundërsulmit, por që të gjitha aksionet e tyre thyhen në mesin e fushës nga ana e lojtarëve të Elbasanit, që dje kanë qenë të vendosur mirë në fushën e lojës nga ana e trajnerit të tyre Krenar Alimehemti. Pjesa e parë do të jetë e vakët, sidomos gjysma e dytë e saj, dhe ndër pak raste në këtë fraksion
mund të veçohet vetëm goditja e bërë nga shuma metra e Klement Xhyrës të Shkumbinit, e cila është grushtuar shkëlqyeshëm nga ana e portierit të Elbasanit, Iljon Lika. Kaq përsa i përket pjesës së parë, dhe në të dytën trajneri peqinas Magani kryen një zëvendësim, largon nga fusha e lojës Okvubilin dhe hedh në fushë të riun Mustafaj, i cili do të kthehet në më problematikun për mbrojtjen e Elbasanit, falë talentit që mbart. Gjithsesi, në minutat e tjera të dy ekipet nuk arrijnë të gjejnë rrugën e rrjetës, edhe pse
rastet nuk mungojnë. Në minutat 55 dhe 61 do të jenë
Xhafa dhe Nuhiu me rastet e tyre, të cilët i kanë të gjitha
mundësitë për të shënuar, por që përpara portierit Llani tregohen jo të saktë,duke shpërdoruar raste të pastra për shënim. Është minuta e 64-ët kur do të ndërpritet loja për pesë minuta, pasi tifozeria vendase është shumë e irrituar
me gjyqtarin kryesor dhe vendimet e tij. Më pas, gjithçka qetësohet dhe loja vijon normalisht. Në minutën e 75-të futbollistët e Elbasanit pretendojnë për një penallti, pasi sipas tyre, topi është prekur me dorë nga një mbrojtës i Shkumbinit.Por, i këtij mendim nuk është gjyqtari Pajtim
Lapi, i cili bën shenjë që loja të vazhdojë. Përfundimisht
takimi mbyllet në barazim 0-0.

TRAJNERËT
“Rezultati i marrë sot (dje) ne na kënaq. Në tre ndeshjet e fundit, ekipi
e ka rritur mjaft nivelin e lojës së tij, dhe për këtë unë jam shumë i
kënaqur. Ky ka qenë një takim i bukur, një “derbi” gjeografik që është
karakterizuar nga një fair-play i vërtetë, jo vetëm brenda fushës.
Në këtë ndeshje kanë qenë përballë dy ekipe që kanë një miqësi të
vjetër mes tyre, dhe në fushën e lojës treguam karakter të fortë. Më
duhet të pranoj se Elbasani në pjesën e dytë ka pasur epërsi dhe
mund të na kishte ndëshkuar. Kjo nuk ndodhi dhe unë i uroj suksese
Elbasanit në kampionat”.
Krenar Alimehmeti,trajner i Elbasanit
Nuk u prononcua për shtypin pas ndeshjes