Mujdragiç: Durrësi? Sigurisht që nuk shkojmë për plazh

Pas
humbjes më të fundit, peqinasit janë koshientë se çdo hap falls në
vazhdim është në disfavorin e tyre, në luftën për vendin e katërt në
kampionat. Peqinasit kanë arritur të gjejnë rrugën e rrjetës shpesh
herë edhe në transferta, por problem mbetet pësimi i madh i golave.
Sipas mbrojtësit më të ri në radhët e Shkumbinit, boshnjakut Mujdragiç,
ky ështënjë difekt që duhet evituar. Pasi ka patur dy ditë leje dhe pas
vonesës që i kanë bërë në doganën e Hanit të Hotit, futbollisti është
bashkuar me grupin në seancat stërvitore. Për më shumë ai shprehet: “Në
fazën e tretë nuk e kemi shijuar ende fitoren edhe kur flitet për
takime në shtëpi. Padyshim që kam vënë re se përveç kësaj jemi edhe
duke pësuar gola thuajse në çdo takim. Duke qenë një mbrojtës mund të
them, se kjo na shqetëson, pasi pësimi i golave më së shumti i
faturohet repartit tonë. Në këto dy javë jemi munduar të punojmë edhe
më të mobilizuar, që të jemi në formë dhe të arrijmë të përqëndrohemi
më tepër në eliminimin e gabimeve të ndryshme, si edhe në ngritjen e
moralit tepër të domosdoshëm për vazhdimësinë. Mendoj se me humbjen një
javë më parë, ekipi ka kompromentuar të qënit në vendin e katërt, ndaj
edhe ne jemi më të mobilizuar që të mos bëjmë më hapa falls. Duke
shpresuar – vazhdon Mujdragiç - që e kemi harruar takimin ndaj
Partizanit, tashmë vëmendja jonë shkon në Durrës. Ndonëse është një
qytet turistik pranë plazhit, ne nuk do të udhëtojmë për turizëm. Jemi
të mobilizuar dhe do të dëshirojmë që të japim maksimumin. Ndeshja ndaj
Teutës do të jetë e vështirë, por ne do të shpresojmë që ta kalojmë me
sukses edhe këtë takim. Shpresoj që edhe në këtë transfertë të arrijmë
të përsëritim suksesin e arritur në Fier, ku kemi fituar ndaj miqve të
mi. Po ashtu, shpresoj që do të jemi të vëmendshëm të mbyllim çdo
koridor në prapavijë, dhe ta ndëshkojmë kundërshtarin me anë të
kundërsulmit”, përfundon mbrojtësi Mujdragiç