Shkumbini: “Partizani nuk duhet nënvlerësuar”

Grami i vlerëson të kuqtë: Situata aktuale nuk do të thotë asgjë
Ndonëse një pjesë e ekipit ka udhëtuar për në Ersekë, pjesa tjetër ka qenë në fushë, ku kanë zhvilluar një seancë stërvitore me trajnerin Branica. Padyshim që e gjithë vëmendja është në Tiranë, në takimin e radhës ndaj Partizanit, pa nënvleftësuar këtu aspak takimin e kupës. Në kryeqytet, peqinasit udhëtojnë me dëshirën për fitore, duke kërkuar të thyejë tersin e katër javëve pa e shijuar atë. Ndonëse Partizani po kalon probleme, kjo nuk i bën të mendojnë aspak drejtuesit e as lojtarët peqinas të nënvlerësojnë kundërshtarin, pasi flitet për emër të madh të futbollit shqiptar. Futbollisti tiranas Grami, mendon se në “Qemal Stafa” do të duhet njëpunë shumëe madhe, ndaj duhet të tregohen vigjilentë, nëse duan rezultat pozitiv. “Vërtet të kuqtë po kalojnë një moment të vështirë – thotë Grami ? por nuk duhet harruar se është ende fillimi dhe çdo skuadër, me dy apo tre hapa fals, mund ta shohë veten në fundin e tabelës. Cilado qoftë situata momentale e kundërshtarit, takimi duhet vlerësuar si një transfertë shumë të vështirë. Te Partizani – vazhdon Grami ? ka një kontigjent shumë të mirë lojtarësh, ndaj nëse duam të dalim me rezultat pozitiv, duhet të tregohemi të kujdesshëm, në të kundërt mund të ndëshkohemi. Megjithatë, mendoj se edhe ne kemi një skuadër, që po bën një paraqitje të mirë. Vërtet kemi katër takime pa fituar, por nuk duhet harruar se kemi arritur të mos njohim humbje në dy transferta, madje me ekipe të vështira si Elbasani dhe Vllaznia, por edhe kemi ndalur hapin e Tiranës në shtëpi. Tashmë është formuar tek i gjithë grupi besimi, se mund të luajmë lirshëm ndaj çdo kundërshtari, pavarësisht peshës së fanellës së tij. Këtë do të kërkojmë ta bëjmë edhe në Tiranë. Nuk duhet harruar, se nëse arrijmë të marrim dy fitore ndaj Partizanit dhe Apolonisë javën e ardhshme, atëherë skuadra jonë, mund të jetë një pretendent i denjë për kreun. Mendoj se me kolektivitetin që kemi, por edhe me atë çka kemi dhënë i kemi të gjithë shanset të pretendojmë”, ka përfunduar mbrojtësi Grami.