Ramazani, kënaqësi e dyfishtë

Ramazani, kënaqësi e dyfishtë

Mbrojtësi rigjen një vend në formacion

Pas një eksperience më se të suksesshme me Bilisht- Sportin, duket se tashmë është rikthyer në gjirin e ekipit të tij të zemrës. 21-vjeçari Daniel Ramazani është i dyti lojtar i ri, i cili ka luajtur në takimin e hapjes së kampionatit kundër Bylisit së bashku me Mustafain, të cilët kanë kompletuar pokerin e golave me gjirokastrit Nora dhe Shenaj.I kthyer në mënyrën më të mirë, lojtari shprehet kështu në një prononcim për “Panorama Sport”: “Jam tepër i kënaqur që rikthimi im ka ardhur në mënyrën më të bukur, me gol. Padyshim prisja që tekniku të më aktivizonte,por më dukej si e paprekshme që edhe të shënoja, - thotë Ramazani. - Tashmë që kemi bërë një nisje të mirë të kampionatit, na duhet të punojmë që të kemi vazhdimësi, pasi kjo do të na çojë në arritjen e objektivave për të qenë sa më lart në renditje. Nga ana tjetër, më duhet të punoj në aspektin personal që vazhdimisht
të jem në një formë të mirë sportive për të qenë në gatishmëri sa herë që tekniku të më besojë për të luajtur. E kam të qartë që konkurrenca në repartin në të cilin unë luaj është e madhe, megjithatë mendoj se se do të kem hapësira”, tha Ramazani..

Nga PanoramaSport