Branica, vlerësim karakterit ne skuader.

Situata në të cilën ndesheshin dy ekipet në ndeshjen Shkumbini-
Vllaznia, e bëri këtë një takim tepër tërheqës. Peqinasit vinin
pas një humbjeje, ndërsa shkodranët pas tre rezultateve pozitive,
dhe që më shumë kërkonte konsolidim
të vendit të tretë për të pasur një pjesëmarrje
në Kupat e Evropës. Për gazetën
“Panorama Sport” zëvendëstrajneri i
Shkumbinit, Sokol Branica, shprehet se
kjo fitore e rriti më shumë moralin e
skuadrës së tij. “Takimin e kishim vlerësuar
siç duhej, pasi e kishim të qartë që
ishte një ndeshje vërtet e vështirë. Më së
shumti na duhej fitorja edhe për ngritjen
e moralit. Mendoj se ekipi paraqiti një
karakter të fortë në këtë takim. Futbollistët
duhen përgëzuar, pasi në këtë takim nuk
e vunë asnjëherë në dyshim fitoren. Në
këtë ndeshje, ekipi funksionoi më mirë në
fazat e tij sulmuese, ku duhet falënderuar
sulmuesi Klevis Dalipi, i cili në dy
takimet e fundit në fushën tonë ka arritur
të shënojë tre gola”. Por Branica nuk harron
të kujtojë edhe defektet e skuadrës së tij. “Dua të them se ekipi
tregohet i pavëmendshëm në disa raste në fazat mbrojtëse, dhe si
pasojë e kësaj pësojmë shumë. Edhe në këtë takim pësuam dy gola,
të cilët ishin të evitueshëm, në veçanti goli i dytë i Sinanit. Gjithsesi,
kjo ndeshje iku dhe këtë javë do të përpiqemi të punojmë siç
duhet që të përballojmë me sukses takimin e radhës kundër Partizanit”,
ka përfunduar në deklarimin e tij zëvendëstrajneri i Shkumbinit,
Sokol Branica. Lulzim Resuli
panorama sport.