Projekti “Milan Junior Camp”

Projekti “Milan Junior Camp”


“Milan
Junior Camp” që do të zhvillohet në Tiranë është parashikuar për djemtë
dhe vajzat nga 6 deri në 16 vjeç. Ky kamp trajton njëkohësisht dy
elemente të rëndësishëm të futbollit: anën fizike dhe atë psikologjike.
Pas suksesit te edicioneve të organizuara në vende të tjera si Itali,
Greqi, Bosnjë Hercegovinë, Serbi, Hungari ky kamp mbërrin për herë të
parë në Shqipëri nga data 30 qershor deri në 4 korrik 2008, në qytetin
e Tiranës, në stadiumet “Qemal Stafa”, “Selman Stërmasi” si dhe në
ambientet stërvitore të klubit të Dinamos. Në konferencën e shtypit
ishin të pranishëm Daniele Masaro, përgjegjësi për marrëdhëniet me
publikun te klubi i A.C.Milan, Françeska Pietra menaxhere marketingu e
projektit të të rinjve të Milanit, Marko Skembri menaxher i
përgjithshëm i “Ëorld Camp International”, Anila Godo, përfaqësuese e
Fondacionit të Fëmijëve Shqiptarë “Domenick Scaglione”, Rezart Taçi,
Menaxher i përgjithshëm i “Taçi Oil International” dhe ambasadori
italian në Shqipëri Saba d’Elia.