Llani-Memellit:Mos shëno më, po ja’u lëmë

Një episod i çuditshëm ka ndodhur në momentin që sulmuesi Memelli ka shënuar golin e tretë për Tiranën. Përveç mënyrës së bukur të realizimit ky gol ka patur edhe një veçanti tjetër: Portieri peqinas Llani i afrohet sulmuesit pogradecar të Tiranës duke i thënë se “ne ju lejojmë të shënoni ndërsa ju kërkoni rezultat të thellë”. Menjëherë pas këtij momenti portieri dhe njëkohësisht kapiteni i ekipit të Shkumbinit afrohet drejt stolit të skuadrës së tij duke kërkuar zëvendësimin. Trajneri Magani i bën me shenjë të vazhdojë lojën dhe përpiqet të qetësojë kapitenin e tij. Episodi ka ngjallur habi tek të pranishmit e pakët në stadium duke lënë shteg për dyshime, pasi Tirana nuk shënoi më duke u ndalur në shifrën 3 të golave në portën kundërshtare. Edhe në pjesën e dytë bardheblutë përpos mundësive të shumta nuk e dërguan më topin në rrjetë. Ky rast të bën edhe një herë të mendosh se fundi i kampionatit nuk luhet vetëm brenda fushe...

Sporti shqitpar