Sa tifozë ndjekin kampionatet në evropë, superliga e 32-ta

Bundesliga gjermane është kampionati më popullor për momentin në Evropë. Kjo për faktin e përballjet e kësaj lige janë ndjekur nga mesatarisht 39 mijë shikues në të gjitha stadiumet ka janë zhvilluar ndeshjet gjatës sezonit të shkuar. Lajmi është bërë i ditur nga uebsajti i www.european-football-statistics, në të cilin është publikuar lista me 47 kampionate që kanë tërhequr më shumë tifozë. Kampionati gjerman kryeson këtë top-listë falë edhe abonimeve të shumta që klubet kanë bërë që para fillimit të sezonit futbollistik.
Nuk mungon edhe Superliga shqiptare, e cila ndonëse në krizë shikuesish për nivelin e ulët të kampionatit renditet e 32-ta në Evropë, duke lënë pas 21 kampionate të tjera. (52 federata përmbledh kontinenti evropian, por në listë është përfshirë edhe Kosova). Duke iu referuar uebsajtit të mësipërm vërehet se në kampionatin shqiptar skuadra që ndiqet më shumë nga tifozët është Vllaznia e Shkodrës. Ndërsa ajo që ka pasur më pak sportdashës, gjithmonë përsa i përket sezonit të kaluar, ka qenë Kastrioti i Krujës. Llogaritja e shikuesve në stadiume është bërë në bazë të të gjitha biletave të shitura për secilën përballje të kampionatit shqiptar. Shuma e tyre është pjesëtuar pastaj me numrin e ndeshjeve për secilën skuadër. Duke iu referuar formulës së mësipërme, nga klubet evropiane është Real Madrid ai që ka mbledhur më shumë tifozë në stadium, por fakti se jo në të gjitha stadiumet e Primera Division ka pasur numër të konsiderueshëm tifozësh ka nxjerrë kampionatin spanjoll në vend të tretë në renditjen e përgjithshme. Ndërsa në vend ët dytë qëndron kampionati anglez. Skuadra me më shumë tifozë për sezonin e shkuar në Gjermani ka qenë Borusi e Dortumndit, e cila në renditjen e klubeve evropiane është e treta. Por Bundesliga merr kryesimin për faktin se ka një numër thuajse të njëjtë të tifozëve që ndjekin që të gjithë skuadrat e këtij kampionati. Madje duhet theksuar se Bundesliga ka një formulë me 18 skuadra, pra dy më pak se Anglia, Spanja, Italia e Franca. Vetëm në vend të katërt është Italia, e cila, sipas të gjitha gjasave, do të bjerë më poshtë për faktin se në shumë ndeshje gjatë sezonit aktual tifozët e skuadrës mike janë ndaluar të ndjekin ekipin e tyre në transfertë, për shkak të incidenteve të pa fund në Serie A.

Mesatarja e tifozëve në stadiumet evropiane

Nr. Shteti Mesa/tifozë
1. Gjermania 39.426
2. Anglia 36.076
3. Spanja 29.124
4. Italia 23.180
5. Franca 21.840
6. Holanda 18.732
7. Skocia 15.580
8. Turqia 14.058
9. Rusia 13.543
10. Belgjika 11.369
11. Portugalia 11.216
12. Zvicra 10.917
13. Norvegjia 10.485
14. Suedia 10.258
15. Austria 9.338
16. Danimarka 8.477
17. Ukraina 8.295
18. Polonia 7.329
19. Greqia 6.685
20. Izraeli 5.354
21. Rumania 5.349
22. Çekia 5.147
23. Kazakistan 3.596
24. Sllovakia 3.102
25. Finlanda 2.976
26. Bullgaria 2.891
27. Kroacia 2.848
28. Qipro 2.738
29. Serbia 2.691
30. Bjellorusi 2.569
31. Hungaria 2.542
32. Shqipëria 2.366
33. Kosova 2.342
34. Bosnja 2.237
35. Irlanda 1.715
36. Moldavia 1.566
37. Azerbajxhan 1.564
38. Maqedonia 1.418
39. Islanda 1.329
40. Sllovenia 1.245
41. Gjeorgjia 1.166
42. Mal i Zi 912
43. Lituania 844
44. Letonia 682
45. Luksemburg 399
46. Uellsi 274
47. Estonia 147

Shënim:
Në listë është edhe Kosova, ndonëse ende nuk njihet si federatë me vete nga FIFA dhe UEFA. Ndërsa për kampionatet e Lihtenshtejnit, San Marinos, Maltës, Andorës, Armenisë, Ishujve Faroe dhe Irlandës së Veriut nuk ka të dhëna ngase ende nuk mund të quhen si liga profesioniste.
Shkruar nga Leonard Karaj
e premte , 31 tetor 2008
Tiranaobserver