miqesoret ne Ulqin

Besa vjen pa ftuar , fiton turneun
Në program Partizani-Shkumbini, por ardhja e kavajasve i dha jetë një mini-turneu
Mes Shkumbinit e
Partizanit, del
fituese Besa. Si
është e mundshme? Ja që
ndodh... Po, sepse të paktën
deri ditën e shtunë, miqësorja
e caktuar për t’u zhvilluar
të dielën në Ulqin ishte ajo
midis Partizanit e Shkumbinit.
Por pikërisht fundjava
ka sjellë ndërhyrjen e tipit të
minutës së fundit për Besën.
Duket se tekniku Starova ka
ndërmjetësuar me dy kolegët
e vet, për të përfshirë në valle
edhe skuadrën kavajase, me
zhvillimin e një mini-turneu
me ndeshje nga 40 minuta
secila. E kështu, përfundimisht
është bindur Partizani,
megjithëse do të kishte
dashur ta shmangte përballjen
me Besën, për precedentët
jo të mirë në miqësoret me
kavajasit, por edhe për faktin
se do të ndeshen pas dy
javëve në kampionat. Gjithashtu,
ka rënë dakord edhe
Shkumbini, megjithëse
vetëm pak ditë më parë kishte
luajtur një ndeshje të plotë
me verdhezinjtë.
Partizani-Shkumbini 1-1
Sfida hapëse ka qenë Partizani-
Shkumbini. Të parët
kanë kaluar në avantazh të
kuqtë, të cilët kanë goditur
me Malindin, në një moment
kur gjendeshin me 10 vetë
(doli Capo). Por megjithëse
skuadra e Likës është përpjekur
më tepër për të gjetur
portën peqinase, është Shkumbini
që barazon në një
nga rreziqet e pakta të krijuara
për Shehin. Dervishi,
thuajse në pozicion jashtë
loje, kontrollon bukur një
vertikalizim nga mesfusha,
dhe dërgon topin në rrjetë.
Në këtë mënyrë, Partizani
detyrohet të pranojë barazimin
1-1.
Partizani-Besa
Megjithëse “i plagosur”,
Partizani ka qëndruar në
fushë, ku në 40 minutëshin
e dytë ka gjetur përballë Besën,
sfidë në të cilën është
dashur të bëjë edhe me një
Karapici në gjysmëshërbim,
pas një tërheqjeje që ka pësuar.
Më pas, lodhja kundrejt
freskisë së kavajasve ka
bërë të vetën, me skuadrën e
Starovës që ka pasur mbizotërim
territorial, gjithsesi
pa ditur të thyejë Shehin. Në
fund, janë të kuqtë që për
pak sa nuk shënojnë me
Gjylën e pafat, ndonëse çdo
gjë mbyllet 0-0.

Besa-Shkumbini 1-0
Thuajse po e njëjta Besë
lihet nga Starova për
ndeshjen e fundit kundër
Shkumbinit, të ndryshuar
plotësisht nga sfida e parë
me Partizanin. Që në minutat
e para, peqinasit godasin
traversën me Byzhytin,
si për të paralajmëruar se
ata që duhet të shënonin
ishin kavajasit. Dhe ashtu
ndodhi, kur Xhihani nuk
ka falur, duke realizuar
golin, që ka mbetur “i
vetëm” deri në mbyllje dhe
që ka sanksionuar triumfin
e Besës.

MAGANI
Megjithëse dje skuadra e tij ka
fiksuar një barazim dhe një
humbje, trajneri i Shkumbinit
nuk ka dashur ta shohë aspak
në aspektin e rezultatit: “Mund
të them se pak a shumë jam i
kënaqur, megjithatë doja të
thosha se kemi akoma punë
për të bërë. Këto dy ndeshje
që luajtëm ndaj Partizanit e
Besës i shikojmë thjesht si ballafaqime
stërvitore nga ku
kërkojmë që të nxjerrim programin
stërvitor të dy javëve
në vazhdim. Pra, ne jemi akoma
në kërkim të konsolidimit të
formacionit titullar dhe mendoj
se jemi në rrugën e mbarë”, u
shpreh trajneri Magani për
gazetarët pas ndeshjes.
MAGANI