Maganin ekenaq zelli i lojtareve

Maganin e kënaq zelli i lojtarëve
Që nga dita e hënë, ekipi i Shkumbinit ka udhëtuar drejt shtetit fqinj të Malit të Zi. Drejtuesit e ekipit kanë udhëtuar drejt shtetit fqinj për të kryer të qetë dhe larg shqetësimeve të ndryshme një minifazë prej 12 ditësh. Që pas të hënës ditë kur ekipi ka arritur në shtetin fqinj e në vazhdim, ekipi i Shkumbinit ka kryer nga dy seanca në ditë, kjo sipas një grafiku të parapërgatitur nga tekniku Magani. Duket që drejtuesit e ekipit peqinas
janë të kënaqur me punën që kanë nisur si dhe me fazën përgatitore që po zhvillojnë. Për këtë, trajneri Magani, i kontaktuar me linjë telefonike shprehet: “Kjo fazë përgatitore jashtë Shqipërisë mendoj se duhet shfrytëzuar në maksimum për të arritur parametra sa më te mirë fizikë dhe teknikë. Për këtë po punojmë me një program të përcaktuar që më parë. Ekipi është duke u stërvitur me dy seanca në ditë dhe kjo do të ndiqet përgjatë gjithë periudhës së kësaj minifaze. Mendoj se do të ndikojë në ngritje të anës fizike të lojtarëve, që është një komponent tepër i rëndësishëm për rezistencën në fushën e lojës gjatë gjithë 90-minutëshit të saj. Më tej do të synojmë që të konsolidojmë ekipin duke përfshirë edhe blerjet e reja në harmonizimin e grupit, si dhe në përcaktimin saktë të vendeve të secilit prej tyre, pse jo kemi edhe të gjithë kohën në dispozicion
për të eksperimentuar, çka do të na lejonte që t’i futim në punë gjatë kampionatit në raste të nevojshme. Nuk mund lë pa falënderuar drejtuesit e klubit në veçanti presidentin Ismaili, i cili ka treguar një përkushtim të madh në drejtim të ekipit dhe na ka mundësuar për të dytën herë brenda pak muajsh, kryerjen e fazave përgatitore jashtë Shqipërisë. Po ashtu, përgëzoj të gjithë lojtarët, të cilët i janë rikthyer sërish përgatitjeve me zell, e me të cilët shpresoj shumë që do të arrijmë më të mirën”. Lulezim Resuli
pnoraama sport