Kuqezinjte e nisin me Suedine e Ibrahimovicit

Kuqezinjte e nisin me Suedine e Ibrahimovicit

Jeton Selimi
E Hene, 07 Janar 2008

I pari emer i madh qe do te shkele Tiranen ne kuader te eliminatoreve te vlefshme per Kupen e Botes "Afrika e Jugut 2010" do te jete Zllatan Ibrahimovic me Suedine e tij. Shorti i hedhur dje ne Kopenhagen te Danimarkes ka sjelle edhe surprizen e kendshme. Ashtu si edhe ne eliminatoret e Boterorit te kaluar, ne Tirane vjen nje big (asokohe Greqia, kampionia e Evropes). Shorti, ndryshe nga te meparshmit, u ka buzeqeshur mjaft kuqezinjve, te cilet e nisin aventuren kualifikuese me 6 shtator ne Tirane kunder Suedise, per te udhetuar 4 dite me pas ne drejtim te Maltes (sipas kalendarit, pasi ndeshja mund te spostohet). Ari Han mund te ndihet i kenaqur; Shqiperia ka shanse te tentoje ndaj Suedise dhe te arkivoje tri pike kunder ishulloreve. Nese gjithcka shkon mire, kjo do te ishte dhe nisja me e bukur e bere ndonjehere nga Shqiperia.

Ajo qe vjen me pas nuk eshte edhe aq e lehte. Dy sfidat e radhes jane ne muajin tetor dhe jane te dyja larg "Qemal Stafes". Hungaria do te jete pritesja e pare me 11 tetor 2008, ndersa me 15 tetor, kuqezinjte do te udhetojne ne Portugali per te mbyllur keshtu edhe pjesen me te eger te fushates kualifikuese. Ne periudhen 28 mars-1 prill 2009 do te jene dy ndeshjet e tjera te forta per kuqezinjte. Ne fillim jane hungarezet qe do te na kthejne viziten, ndersa me pas do te shkojme ne Danimarke. Transferta e fundit ne vendin nordik ka perfunduar me fitoren e danezeve 3-1. Ndeshja mbyllese per Shqiperine do te jete larg Tiranes dhe konkretisht ne Suedi, qe nga ana e saj mendon te saldoje kualifikimin per ne boteror pikerisht me kete perballje.

Por si eshte situata ne teresi? Shorti i djeshem ka bere te buzeqeshe federaten, qe ka permbushur deshiren e saj te pare, nje start ne Tirane me nje emer te madh dhe mbi te gjitha shperndarjen e mire gjeografike te ndeshjeve, ku kuqezinjte mund te synojne shume ne te gjitha takimet, sepse mundesite jane reale. Por larg llogarive te thjeshta, ne kokat e te gjitheve kumbojne ende fort akuzat dhe kunderakuzat e fundvitit te kaluar, qe kane zaptuar mendimet e tifozeve kuqezi. Mbase nje dajak i mire per Ibrahimovicin do te ishte edhe pajtimi i madh.


kohajone.com

Shqipëria e fillon me Suedinë në TiranëKombëtarja
shqiptare ka pasur fat të paktën në shortin e hedhur në Danimarkë për
orarin e Grupit 1 eliminator për botërorin “Afrika 2010” pasi dy
ndeshjet e para do t’i zhvillojë në shtëpi. Fushata kualifikuese do të
fillojë më 6 shtator përballë Suedisë, ndërsa katër ditë më vonë
kuqezinjtë do të kenë përballë modestët e Maltës. Pas kësaj vijnë katër
ndeshje jashtë vendit me Hungarinë, Portugalinë e Maltën, për tu
rikthyer në atdhe më 28 mars 2009 përballë Hungarisë. Pas udhëtimit në
Danimarkë më 1 prill kombëtarja e drejtuar na Arie Haan do të zhvillojë
edhe dy ndeshje radhazi në shtëpi. Kundër Portugalisë së Scolarit më 6
qershor të vitit të ardhshëm, ndërsa më 9 shtator përballë Danimarkës.
Fushata kualifikuese mbyllet me ndeshjen që do të zhvillohet në Suedi
më 14 tetor.





Kalendari i Grupit 1 eliminator për Kampiionatin Botëror 2010



Shqipëri - Suedi - 6 shtator 2008

Shqipëri- Maltë - 10 shtator 2008

Hungari - Shqipëri - 11 tetor 2008

Portugali - Shqipëri - 15 tetor 2008:

Maltë - Shqipëri - 11 shkurt 2009

Shqipëri- Hungari - 28 mars 2009

Danimarkë - Shqipëri - 1 prill 2009

Shqipëri- Portugali - 6 qershor 2009

Shqipëri- Danimarke - 9 shtator 2009:

Suedi – Shqipëri - 14 tetor 2009:

Nga Albania-Sport