TRUKIMET E NDESHJEVE

Le te diskutojme rastet precedente

Ndeshjet që FSHF mendon se arbitri ka ndikuar tërësisht.



Kategoria superiore

Ndeshja: Flamurtari Teuta
Gjyqtari: Bardhyl Pashaj
Shkaku: Penallti e dhënë

Ndeshja: Kastrioti Flamurtari
Gjyqtari: Mentor Sopiani
Shkaku: Penallti e padhënë

Ndeshja: Flamurtari Vllaznia
Gjyqtari: Sazan Velçani
Shkaku: Penallti e padhënë

Ndeshja: Tirana Partizani
Gjyqtari: Evis Peza
Shkaku: 2 kartona të kuq të padhënë

Ndeshja: Besa Apolonia
Gjyqtari: Kridens Meta
Shkaku: Penallti e dhënë

Ndeshja Apolonia Elbasani
Gjyqtari: Mirash Metohija
Shkaku: Penallti e padhënë, gol i anulluar


Ndeshja: Luftëtari Shkumbini
Gjyqtari: Sokol Çekaj-Arian Mali
Shkaku: të ndryshme

Ndeshja: Luftëtari Tirana
Gjyqtari: Shkëlqim Guçe-Gerand Qirici
Shkaku: Gol i anuluar

Ndeshja: Apolonia Teuta
Gjyqtari: Aranit Lulaj-Arian Mali
Shkaku: të ndryshme


Ndeshja: Apolonia Vllaznia
Gjyqtari: Tanush Latifi
Shkaku: Karton i dytë i verdhë i padhënë

Ndeshja: Luftëtari Vllaznia
Gjyqtari: Kridens Meta dhe anësori
Shkaku: gol i anuluar


Kategoria e parë

Ndeshja: Besëlidhja Turbina
Gjyqtari: Evis Peza
Shkaku: Karton i kuq i padhënë

Ndeshja: Tomori Lushnja
Gjyqtari: Artan Taullahu
Shkaku: kaos dhe gola të anuluar

Ndeshja: Besëlidhja Burreli
Gjyqtari: Artan Taullahu
Shkaku: të ndryshme


'Gijotina' për disa arbitra të futbollit shqiptar është më shumë se sa evidente, çdo ditë, në atë që do t'i serviret mbledhjes së komitetit ekzekutiv. Sektori i garave, përfshi edhe vetë shefin e arbitrave në FSHF, është i vendosur që të kalojë në 'sitë' ata që vjet e qelbën, ose më saktë ata që vjet 'punuan me dy porta'. Dhe sipas tyre ka. Bëhet fjalë, gjithnjë për bluzat arbitrale (jo më të zeza), që kanë hapur jo pak punë dhe që në etiketimin e fundit të FSHF së, në materialin konfidencial të paraqitur në sekretariat dhe komitet, janë arbitrat që kanë keqadministruar disa ndeshje futbolli me anë të gjykimit të tyre. Sipas FSHF së dhe garave në tërësi (këtu me garat nuk përfshihet vetëm zoti Hitaj, në gjykimin e tij personal, por edhe të tjerë), disa prej tyre, me vendimet që kanë marrë, kanë ndikuar direkt në rezultatet e ndeshjeve. Pasojat që 'pollën' një mijë polemika sezonin e kaluar, për sa i takon gjykimit, do të mbarsin për këtë sezon të ri një kosto shumë të lartë për një pakicë arbitrash, që sezonin e shkuar gjykuan në superiore, por që këtë vit rrezikojnë edhe kategorinë e parë.

Natyrat e dyshimeve janë nga më të ndryshmet, teksa nuk aludohet aspak nga FSHF për ryshfet, pasi nuk ka prova, por mbi bazën e provave filmike dhe asaj që është parë në relatimet e vëshguesve, ku shumë ndeshje janë quajtur nga ana e institucionit të futbollit, si takime me protagonist arbitrimin, kryesorë dhe anësorë bashkë. Materiali që u është përcjellë forumeve drejtuese më të larta, është konkret dhe me emra, me ndeshjet ku ka plasur 'hemorragjia' e polemikave, si dhe me ndeshje ku kronika TV ka mbyllur çdo shteg komenti. Vendimi ka qenë një veto arbitrale me pasojë direkte në rezultat. Federata, në shtjellimin e saj të plotë në lidhje me gjykimin, i ka cituar si 'skarcitete' ndeshjet, të cilat janë piketuar si me administrim shumë të keq të gjyqtarit, ose përkthyer më shqip: janë manovruar sipas gjyqtarit dhe tendencës së tij. Janë disa nga takimet e kategorisë superiore, të parë dhe të dytë, që janë shkruar në materialin konfidencial për ata që nesër do të vendosin se kush do të vazhdojë të gjykojë në superligë për edicionin e ardhshëm.

Mema dhe Hitaj janë të prerë të ndalen këtu dhe, para nisjes së këtij sezoni, ata arbitra i kanë rrethuar me të kuqe. Mema është i bindur në mendim personal që 3 4 arbitra nuk duhet t'i prekin më ndeshjet e superiores, ndërsa Hitaj mbështet revolucionin me efekt direkt largues të disa gjyqtarëve. Ndërsa nga ana tjetër, gjatë rrugës së sezonit të kaluar, ka munguar ndalimi në moment i arbitrave dhe moslejimi më i tyre të hidheshin në short, në rastin më të pastër të administrimit negativ të ndeshjes. Një diçka e tillë është kaluar dhe tashmë, për FSHF në, top lista e superiores do të ndryshojë dukshëm. Kaq janë evidentuar nga ana e Federatës Shqiptare të Futbollit, por që me bindje edhe ata vetë besojnë se janë edhe shumë më tepër ndeshje. Sipas FSHF së, niveli i arbitrimit dhe përgjegjësia e tyre ka ndryshuar edhe në kategori të ndryshme. Ajo që është më se e rëndësishme në këtë drejtim është se, sipas FSHF së, këtu nga ana e gjyqtarëve ekskludohet plotësisht fakti që në këto ndeshje është vepruar kështu për gabime humane të tyre, por për keqadministrim të ndeshjes me vetëdije.

Dhe kjo e fundit, koshienca dhe paragjykimi i ndeshjes, është edhe simptoma më negative e asaj që u prodhua në tërë kampionatin e 68 të shqiptar, sezonin e shkuar. Në këtë drejtim, së fundi do t'i drejtohet komitetit ekzekutiv të FSHF së me propozime konkrete që një pjesë e arbitrave të mos gjykojnë më në superiore. Emrat që lakohen nuk janë zyrtarë, por përfliten në biseda, jo produkt publikimi. Ndërsa pasqyra e lartcituar është pasqyra konfidenciale e asaj që ka marrë në duar presidenti, sekretari dhe anëtarët e KE-së. Ka një diçka shumë interesante: më në fund është folur me emra konkretë dhe për ndeshje konkrete. Dhe argumentimi nga ana e FSHF së lidhet vetëm me një fakt: hyrje në arbitrim të lojës, me vetëdije.

Janë edhe shumë ndeshje të tjera, dhe që lidhen direkt me emrat e lartpërmendur, por për të mos rënduar edhe më shumë peshën psikologjike, janë trajtuar të një niveli tjetër, por me ndikim sërish të arbitrimit. Këtë sezon, FSHF-ja është shumë e qartë: Do të bëjë 'kurban' disa arbitra, Mema thotë 3, Hitaj nuk jep numër, por në fund vendos komiteti. Ajo që ndoshta nuk është kuptuar ende nga garat, ose bëhet sikur nuk është kuptuar, është fakti për të dalluar 'kamikazët' e arbitrimit nga 'mjeshtërit' e arbitrimit. Janë veçuar dy ndërkombëtarët e arbitrimit nga një listë e tillë, që natyrisht gjenden larg gafave dhe akoma më larg marrjes së ndeshjes, pasojë e shortit jo të indikuar, por edhe një pjesë tjetër e arbitrave të rinj, të cilët, mbi bazën e presioneve në fusha të ndryshme, me dridhje gjunjsh dhe me frikë në fyt, kanë dhënë vendime tërësisht nën presion.

Një fakt që nuk është përfshirë në kategorinë e lartcituar. Kush do ta mbyllë kapitullin e superiores vitin e ardhshëm? 'Konkursi' ka nisur, telefonët nuk do të pushojnë, Mema e Hitaj do të propozojnë, por komiteti pritet të vendosë...

Ramazan Ndreu ne “Ora News” : “Bokotola na shiti”



Nertil Agalliu


Në një intervistë për “Ora Sport”, trajneri i ekipit të Kastriotit pranoi se në takimin me Partizanin ndeshja ishte e trukuar. Tekniku krutan bëri të ditur se futbollisti qe ka shitur takimin është kongolezi Bokotola. “Unë e kam thënë edhe më parë që ndaj Partizanit në tradhëtuan, por për Bokotolën mund të them se ai na ka shitur, pasi gjatë gjithë takimit kë lëshuar në lojën e tij dhe mund të them me bindje se humbja na erdhi nga ai”. Gjithsesi trajenri i ekipit krutan Ramazan Ndreu shprehet se ai do ta përjashtojë afrikanin nga ekipi i Kastriotit, por duket se ka rënë ndesh me presidentin Zhili, i cili kërkon ta mbajë Bokotolën në skuadër. “Unë jam për ta përjashtuar Bokotolën pasi me vetëdije na ka shitur me Partizanin, por në dorë tani e ka presidenti”, përfundoi Ramazan Ndreu. Pas deklaratave të donatorit të Tiranës disa ditë më parë se ndeshjet në Shqipëri janë të trukuara, tashmë vjen edhe një tjetër goditje për futbollin tonë, akuza këtë herë vjen nga një trajner i Kategorisë Superiore, i cili akuzon për shitje të ndeshjes futbollistin e tij më të mirë, Bokotolën.

E SA KA KESHTU RASTESH E SA DO KETE
TURP PER KAMPIONATIN TONE
CDO VIT SHITET KUPA E SHQIPERISE ME MIRE TE HIQET FARE NGA AKTIVITETI

Skuadrat shqiptare, lehtesisht te manipulueshme

E Marte, 04 Dhjetor 2007


UEFA po heton Sindikatat e Basteve per manipulime ne takime te ndryshme. Nje nder to eshte edhe Bezhanija-Besa, qe perfundoi ne barazim 2-2. Vec fakteve qe tashme kane dale, skuadrat shqiptare etiketohen si "lehtesisht te manipulueshme".

Dossieri prej 96 faqesh, duket si nje broshure e shkelqyer e UEFA-s qe do te permiresoje me shume veprimtarine kryesore te saj per klube, Champions League. Ne kopertine eshte nje foto me dy futbolliste, qe luftojne per topin dhe motoja e UEFA-s "E----e Care About Football": nje shigjete per vete institucionin.

Por ajo qe eshte brenda raportit do te beje pak per permiresimin e imazhit te ketij sporti: tregohen ndeshje te rendesishme evropiane te manipuluara. Dosja eshte kaq e madhe sa UEFA e ka dorezuar ate te qendra e Europolit ne Hage qe ne fillim te nentorit. Raporti detajon veprimtarite kriminale qe cenojne integritetin e sportit dhe industrine multi-miliardere qe eshte ndertuar rreth tij, aq sa edhe dopingu nuk mund ta konkurroje.

Shikoni se cfare ka botuar "Der Spiegel". Gazetat gjermane kane pasur nje akses te pabesueshem te dokumenti i UEFA-s, qe tregon se sa i thelle eshte ne klubet evropiane rrjeti i ngritur nga krimi i organizuar. Mafia e basteve ka korruptuar lojtare, zyrtare te klubeve, madje edhe gjyqtare per te perfituar para te lehta nga kumari. Dosja e dorezuar tek Europol tregon me detaje se si kater ndeshje te rendesishme te Kupave te Evropes jane manipuluar ne vere. Eshte e pranishme edhe nje liste prej 26 ndeshjes, ku UEFA beson se jane vene "baste te paligjshme".

Nga keto, 15 ndeshje jane manipuluar vetem ne kete sezon dhe 11 te tjera datohen mes qershorit 2005 dhe nentorit 2006. Ndeshjet u perkasin ketyre kompeticioneve: 12 ndeshje kualifikuese per ne Kupen UEFA, tete ne Kupen Intertoto, tre ne kualifikimet e Liges se Kampioneve, tre ne ndeshjet e Kupes UEFA dhe madje nje ndeshje ne eliminatoret e Euro 2008 kete vere.

Raporti i Europol citon incidente specifike, qe UEFA i konsideron te dyshimta dhe paraqet faqe te tera me rezultate bastesh si elemente prove. Per shembull, kumari ka sjelle 3,4 milione euro te ardhura vetem nga humbja shtepiake e klubit estonez FC TVMK Talin kunder skuadres finlandeze FC Honka Espoo, gjate ndeshjeve te Kupes Intertoto ne korrik. Performanca e nje tjeter skuadre estoneze, JK Trans Narva, dyshohet se eshte e manipuluar. Estonezet jane mposhtur 0-6 ne korrik nga skuadra suedeze e Helsingborgut, por kur kishin kaluar 25 minuta nga ndeshja dhe rezultati ishte 0-0, bastet live tregonin se miqte do te humbnin dhe se do te shenoheshin te pakten 3 gola. Fitimet u perllogariten ne 1.5 milione euro.

UEFA nenvizon nje tjeter fakt befasues te perafert me nje ndeshje te fiksuar ne mes te korrikut, kur serbet e FK Bezhanijes ndesheshin me shqiptaret e KS Beses, ne nje takim te vlefshem per Kupen UEFA. Shume kompani bastesh evropiane vune nje numer te ulet bastesh, sepse "shume skuadra nga Shqiperia kane nje histori te gjate per manipulime ndeshjesh", sipas raportit te dale edhe nga Europol. Kur duheshin vetem 45 minuta nga shkelmimi i topit te pare, dicka e cuditshme ndodhi: Kompanite aziatike te basteve, u mbuluan nga shuma te medha, qe tregonin se skuadra serbe do te fitonte me vetem nje gol diference, do te barazonte, madje edhe do ta humbiste ndeshjen. "Lumi i parave" qe erdhi befasisht, pershkruan UEFA, perpara fillimit te ndeshjes mund ta kishte derguar "merkaton aziatike drejt kolapsit". Ndeshja perfundoi 2-2 me skuadren shqiptare qe barazon pikerisht perpara perfundimit te ndeshjes dhe fitimet nga bastet perllogariten ne 1,5 milione euro. UEFA eshte treguar konfidenciale, sepse nenvizon qe pjesa serbe ishte teresisht ne loje: "Kjo ndeshje ishte nje klasike e manipulimit te takimeve".

Vetem nje skuader nga lista e te dyshuarave per manipulime ka dale perpara Komisionit te Disiplines te UEFA-s. Skuadra greke Egaleo FC, eshte gjobitur me 30000 euro per "diskreditim te ndeshjeve te UEFA-s" gjate nje humbje 1-3 me lituanezet e FK Zalgiris Vilnius, ne korrik te vitit 2005. Te enjten e kaluar, UEFA ka marre ne shqyrtim rastin e bullgareve te PFC Cerno More Varna. Zyrtaret besojne se lojtaret jane perfshire ne manipulime bastesh ne nje ndeshje te Intertotos te luajtur ndaj maqedonasve te Gorce Petrovit.



Pershtati: Jeton Selimi. koha jone

Pango: Ekzistojne faktet per manipulimin e ndeshjes

E Marte, 04 Dhjetor 2007


Nuk ka kaluar aspak ne heshtje ceshtja "Kombetarja" as ne fillimin e kesaj jave. Ka qene ministri Pango, ai qe eshte prononcuar rreth ketij problemi, duke mbeshtetur Kryeministrin Berisha, si dhe duke theksuar se hetimet do te vijojne si nga UEFA, ashtu edhe nga qeveria shqiptare. "Mbeshtes teresisht fjalet e Kryeministrit Berisha. E them kete, sepse akuzat jane bere pasi ai eshte i mirinformuar. Hetimi per shitjen e ndeshjeve do te behet si nga UEFA, ashtu edhe nga qeveria shqiptare". Me tej, Pango shton se ekzistojne te gjitha faktet, por nuk behen publike per arsye hetimesh. "Ekzistojne te gjitha faktet per manipulimin, por ato do te behen publike ne kohen e pershtatshme, pasi nuk mund te rrezikojme te komprometojme hetimet. Ministria e Sporteve nuk merr meritat kur Kombetarja fiton, e nuk mund te lejoje kurrsesi qe te behet korrupsion".

Bici: S'guxon njeri te njollose simbolet e kombit

Menjehere pas prononcimit te ministrit Pango, ka reaguar FSHF-ja. Sekretari i Pergjithshem, Arben Bici, i ka cilesuar akuzat si te pa faktuara dhe situaten si te turpshme: "Sapo jam njohur me fjalet e ministrit Pango dhe realisht nuk besoj se ceshtja e shitjes se ndeshjeve ekziston", ka thene ai. "Per akuzat e bera nuk kemi fakte dhe asgje nuk eshte e qarte. Nuk besoj qe dikush te jete aq i guximshem sa te marre mbi shpine kete njolle te madhe dhe rrezikun per te manipuluar ekipin qe eshte nje nga simbolet e vendit tone", perfundoi sekretari Bici.

koha jone

Shpëtim Babaj akuzo
het se shiti ndeshjen
ndaj Shkumbinit. Kjo
është arsyeja pse mesfushori
kosovar që luajti me Elbasanin
për 17 javë, ka detyruar
presidencën e klubit verdheblu
që ta lërë të lirë të largohet.
Burime zyrtare pranë këtij
klubi kanë pohuar ekskluzivisht
për gazetën “Panorama
Sport” se lojtari është lënë i
lirë, pasi për të ka pasur informacione
se në fazën e parë
të kampionatit, në ndeshjen
Elbasani-Shkumbini, që ka
përfunduar me rezultatin 0-
0, mesfushori ka qenë i blerë
nga drejtuesit e klubit peqinas.
Në fakt, lajmi në fjalë
mësohet të ketë dalë po nga
stafi drejtues i Shkumbinit, ku
pak kohë më parë trajneri i
këtij ekipi, Gugash Magani,
gjatë një bashkëbisedimi me
futbollistët e tij mësohet t’u
ketë thënë këto fjalë: “Çfarë
lojtarësh jeni ju! Nuk fituat as
me Elbasanin, ndeshje të cilën
ne e kishim blerë duke filluar
tek lojtarët e duke përfunduar
tek gjyqtari”. Në atë takim,
gjyqtar ka qenë shkodrani
Pajtim Lapi. Përpos këtij informacioni,
asgjë nuk është
zyrtare nga ana e klubit të Elbasanit,
drejtuesit e të cilit nuk
[size=7]e konfirmojnë një gjë të tillë,
por nga ana tjetër as nuk e mohojnë
atë. Në fakt, fjalët e cituara
nga burimet, që kanë
preferuar të mbeten anonim,
janë ato që të bëjnë të mendosh
se vërtetë ajo ndeshje ka qenë
e shitur. “Tradhtia” ka
ardhur nga një futbollist elbasanas,
i cili pa dyshim
mund të jetë në grupin e
lojtarëve të larguar tashmë
nga gjiri i verdhebluve pak
ditë më parë.
Reagimi i drejtuesve
Fenomeni në fjalë duket se
ka përhapur vërtet një zemërim
të madh tek drejtuesit e klubit
të Elbasanit, çka i ka detyruar
ata të marrin masa ndaj futbollistëve
të paskrupullt. Lojtarë,
të cilët mirëpaguhen nga ekipi
ku nënshkruajnë kontratë, që
në këtë rast është Elbasani, dhe
nga ana tjetër merren me pazare
të pista, që nuk bëjnë gjë tjetër
veçse e çojnë futbollin shqiptar
shumë hapa mbrapa. Ndërkohë
që fajin në këtë rast e kanë
dhe drejtuesit e klubeve, dhe
më konkretisht krerët e Elbasanit,
të cilët edhe pse e dinë
mjaft mirë që Shpëtim Babaj dhe
një tjetër lojtar janë pjesë e një
pazari, nuk i kanë dërguar ato
në organin hetimor të Prokurorisë.
Mirëpo, ata kanë bërë më të
thjeshtën, duke i dhënë
gjysmën e kontratës futbollistit
në fjalë dhe duke i dhënë
atij lejen e kalimit për të shkuar
tek Teuta e Durrësit, aty ku ai
do të luajë pjesën e mbetur të
sezonit dhe normalisht pritet
të bëjë ndonjë skenar tjetër të
ngjashëm me atë që bërë tek elbasanasit.
Duke marrë shkas
nga fjalët, që ndonëse nuk konfirmohen
nga drejtuesit, por që
nën zë janë zyrtare, mund të
thuash se është me vend fjala
e urtë popullore: “Ujkun qimen
e ndërron, por zakonin s’e harron.

panorama sport.

Futboll

Babaj: Takohemi në gjykatë

17 Janar Akuzat për shitje ndeshjeje, që janë bërë në një të përditshme sportive, i kanë prishur humorin lojtarit të sapoardhur te Teuta, kosovarit Shpëtim Babaj. futbollisti akuzohet se, gjatë kohës që ka luajtur te verdheblutë, është marrë me shitje ndeshjes, madje, sipas shkrimit, kjo ka qenë një nga arsyet që është larguar nga Elbasani. Babaj e ka quajtur si dashakeq shkrimin dhe akuzat, sipas tij, bëhen me qëllimin për t’i prishur imazhin. Në një prononcim të dhënë dje për gazetën “Sport Ekspres”, mesfushori kosovar ka hedhur poshtë gjithçka, madje bën të ditur se do t’i drejtohet gjykatës, teksa është shprehur: “Jam mjaft i revoltuar me atë çfarë është shkruar në shtypin sportiv për mua, ku unë akuzohem si një lojtar “matrapaz” dhe që shes ndeshjet. Unë nuk mund të lejoj asnjë të prishë imazhin tim, aq më tepër një gazetar që flet në ajër, me hamendësime dhe thashetheme, duke fyer personin tim. Gjatë kohës që kam qenë tek Elbasani jam përpjekur të jap maskimumin, për t’i shërbyer skuadrës. Madje, kam patur marrëdhënie shumë të mira me drejtuesit e Elbasanit dhe tifozët e zjarrtë të kësaj skuadre, që më kanë mbështetur jo pak gjatë ndeshjeve që unë u aktivizova te skuadra e tyre. Pasi kam lexuar çfarë ishte shkruar kundër meje, menjëherë kam biseduar me presidentin e Elbasanit, për të sqaruar gjithçka. Drejtuesit e klubit elbasanas më kanë siguruar që asnjë prej tyre nuk ka patur ankesa nga periudha, kur unë kam veshur fanellën e kësaj skuadre, aq më tepër të më akuzonin për shitje ndeshjesh. Kështu që akuzat nuk vijnë klubi, por nga gazetarë, që e keqpërdorin profesionin e tyre për të prishur imazhin e lojtarëve të ndryshëm. Në këto kushte, unë menjëherë do t’i drejtohem gjykatës për të vënë në vend dinjitetin tim. Nuk mund të lejoj askënd të tallet me mua, pasi kam disa vjet që luaj futboll, por është hera e parë që akuzohem se merrem me shitje ndeshjesh dhe kjo është e patolerueshme”, ka mbyllur reagimin mesfushori i Teutës, Shpëtim Babaj.

sport ekspres