KUPAT E EUROPES

Vllaznia, shpresat gjallë në "Loro Boriçi"


Me humbjen e ngushtë në Zagreb, shkodranët kanë shumë shanse të kualifikohen më tej

Ka ndodhur ajo që dëshirohej dhe mbi të gjitha shpresohej. Vllaznia në Zagreb ka luajtur mirë, ka shënuar një gol, që megjithëse nuk ka shërbyer për t'i dhënë barazimin ose fitoren ekipit të Vllaznisë, është një hap i hedhur për ndeshjen e ardhshme. Në "Loro Boriçi", të shtunën që vjen, gjithçka është e hapur. Vetëm 1‑0 do të mjaftonte që kuqeblutë ta shihnin veten në turin tjetër të Intertotos. Dhe nuk është pak të përballesh me një skuadër të tillë si Trabzonspor i Turqisë. Mbi të gjitha, interes do të kishte jo vetëm në pjesëmarrje, por edhe në ndonjë të drejtë televizive, që do të thoshte më tepër lekë në arkën e klubit shkodran. Në të vërtetë, ky është objektivi kryesor i të gjitha ekipeve tona, në mënyrë që bilancet e tyre të zbuten paksa nga pjesëmarrje të tilla.

Prandaj vetë fakti se do të ndesheshim me një ekip turk, do të ishte një garanci më tepër për këtë. Pavarësisht kësaj, ende asgjë nuk është e përfunduar në këtë drejtim. Në Zagreb është hedhur hapi i parë, por ai nuk mjafton. Aq më tepër kur vetë trajneri Josa bën thirrje për qetësi, ngaqë u druhet kroatëve, mbi të gjitha sulmit të tyre shumë cilësor. Edhe vetë Vllaznnia kuptohet që nuk do të qëndrojë prapa në këtë drejtim. Fakti se për ndeshjen e kthimit do të jenë në dispozicion të stafit drejtues edhe tri forca më tepër, flet vetë. Kështu mbrojtësi Dabulla, që nuk luajti për arsye shëndetësore në ndeshjen e parë, këtë radhë pritet të jetë i gatshëm për të luajtur, duke qenë një garanci më tepër në mbrojtje. Por pavarësisht këtij fakti, edhe Kotrri që luajti në vend të tij në Zagreb, e ka bërë siç duhet detyrën e tij, duke qenë në lartësinë e duhur. Përveç tij, i gatshëm do të jetë edhe sulmuesi Sukaj, i cili për arsye vize nuk mundi të udhëtonte drejt Kroacisë. Madje për këtë lojtar do të jetë avantazh fakti se nuk luajti në takimin e parë dhe është më i freskët për të shtunën.

Po ashtu, edhe Sinani me shumë mundësi do të jetë në dispozicion të stafit drejtues për këtë ndeshje. Nga ana tjetër, shumë pozitiv është debutimi i dyshes së Luftëtarit, Nora‑Simo, në takimin e dy ditëve më parë. I pari megjithëse nuk ka luajtur në majë të sulmit, sërish ka arritur të shënojë, duke e bërë në mënyrën më të mirë të mundshme debutimin e tij me kuqeblutë. Lojë të mirë ka zhvilluar edhe kamerunasi Simo, që ka dhënë shenja të mira për skuadrën shkodrane në këtë ndeshje, duke luajtur në mesfushë përkrah Osjes. E shtuna në këtë mënyrë pritet me interes të madh në Shkodër. Zhvillimi i ndeshjes në orën 20:00 nën dritën e projektorëve ia shton edhe më tepër emocionet këtij takimi. Gjërat janë të hapura dhe për rrjedhojë edhe shpresat për të kaluar në turin e dytë të Intertotos. Do të ishte pa dyshim një fillim i mirë i prezantimit të sivjetëm të skuadrave shqiptare në kupat e Europës.

Vllaznia eliminon Zagrebin

- Ekipi i Vllaznise se Shkodres ne ndeshjen e kthimit te luajtur sonte ne Shkoder ka fituar ndaj ekipit te Zagrebit me rezultat 1-0 qe ishte e mjaftueshme te kualifikohet ne rundin tjeter te intertoto kup. Golin e vetem ne kete ndeshje e shenoi Nora ne minuten 26 te pjeses se pare. Nje perkrahje te madhe Vllaznise i ka dhene tifozeria shkodrane e cila ne kete takim ishte lojtari i 12-te i shkodraneve. Goli i Nora ishte nje gjuatje ne nje distance prej 20 metra e cila godet mbrojtesin kroat Nadarevic dhe ndron kahjen e topit e cila perfundon ne rrjeten e Stojkic i cili ishte i pafuqishem ne kete rast.

Pas perfundimit te ndeshjes trajneri i Zagrebit Blazeviç ( ish- selektori i kombetares kroate )i gatshem per doreheqje pas humbjes deklaroi: Ambiciet ishin me te medhaja se sa qe lojtaret tone mundnin te jepnin ne terenin e gjelbert. Na mungon shume lojtare ne ndeshjen e kthimit Vrdoljak, Ivankovic, Lovrek dhe Brkljac. Bera gabim qe hyra ne fushe ne lojtare te lenduar, te kisha Mumlek ne vend te Lajtman me siguri do te shkonim me tej.

Tani ekipin e Vllaznise e pret nje ndeshje pak me e veshtire ne turin e ardhshem me ekipin e Trabzonspor te Turqise.



VLLAZNIA – ZAGREB 1-0 (1-2)

VLLAZNIA: Grima 7, Lici 6, Teli 6, Kotrri 6, Hoti 5,5, Simo 5,5, Osja 6, Lika 6, Kaci 6 (90. Tafili -), Sukaj 6 ( 70 Sinani -), Nora 6,5 ( 88. Dequiri -)

ZAGREB: Stojkic 6,5, Nadarevic 6,6, Labudovic 6 ( 80. Nikolic -), Cutura 5,5, Mujdza 6, Lajtman 5, Parlov 5, Ibricic 5,5 (60. Grgic 5,5), Pejic 5, Jurendic 5,5 ( 86. Orshulic -), Mandzukic 6

REFER: Jozef Attard (Malta) 6,5

GOLESHENUES: 1-0 Nora (26)

KARTON TE VERDHE: Shotri (Vllaznia)

LOJTAR I NDESHJES: Armir GRIMA

STADIUMI: Loro Borici

SHIKUES: 5000

Kuqeblute, 50 mije USD shperblim per kualifikimin
Kualifikimi per ne turin e dyte te Kupes Intertoto ka rezultuar te jete nje gezim i dyfishte per lojtaret e Vllaznise. Keshtu, pervec kenaqesise se triumfit ndaj rivaleve, ata do te jene hedhur perpjete kur kane marre vesh lajmin e madh: 50 mije USD shperblim per skuadren dhe te gjitha keto per kalimin e nje turi. E perkthyer ndryshe, 18 lojtaret dhe stafi do te ndajne shumen e majme, duke pervetesuar nje premio prej 2000 USD per koke.

Ne Shkoder tashme te gjithe kane nisur te pyesin: Po nese kalojme turin e dyte, sa do te jete shperblimi per skuadren.

Dogan: Ndaj Vllaznise, sfide e rendesishme


Skuadra e Vllaznise, pas fitores se marre diten shtune ndaj skuadres se NK Zagrebit, do te kaloje ne turin e dyte te kesaj kupe. Takimi i dyte ne Intertoto per Vllaznine, sic dihet, do te jete kunder skuadres turke, Trabzonsporit. Ndeshja do te luhet me 8 korrik ne Turqi. Per sa i perket skuadres kundershtare, ajo eshte nje nga ekipet me te mira turke, sigurisht pas Gallatasarait dhe Fenerbahces, te cilat mbajne futbollin turk. Megjithate, ajo ka disa suksese ne kete kampionat. Per sa i perket ndeshjes me Vllazninem ata e konsiderojne kete skuader te forte dhe se kerkojne nga skuadra e tyre nje perqendrim para kesaj ndeshjeje. Trajneri i skuadres se Trabzonsporit, Zija Dogan, ka thene per Vllaznine: "Kjo ndeshje eshte shume e veshtire dhe kerkoj nga skuadra ime te kene kujdes. E them kete, sepse skuadrat shqiptare jane te paparashikueshme". Me tej, ai ka vazhduar te flase rreth takimit, per te cilin do te luhet: "Ndeshja me Vllaznine eshte nje takim shume i rendesishem, per vete faktin se si ne edhe skuadra shqiptare duan te dalim ne Kupen UEFA. Prandaj, sic thashe edhe me siper, kerkoj nje perqendrim maksimal nga djemte, per te cilen jam i sigurt se do ta bejne". Ne lidhje se si e shikon ai perfundimin e ndeshjes, Dogan ka thene: "Nuk mund te flas para kohe, por ne do te kerkojme fitoren. Asgje nuk eshte e lehte, por me pune them se do t'ia dalim mbane", ka perfunduar trajneri i Trabzonsporit, Zija Dogan.

kohajone

Teuta kundër kroates Slaven, Besa me serben FK BezanijaTeuta kundër kroates NK Slaven Koprivnica dhe Besa kundër serbës

FK Bezanija në turin e parë eliminator të Kupës UEFA. Këto përfundime ofruan goglat e shortit të Kupës UEFA, te hedhura dje në selinë qendrore të UEFA-s për grupin e rajonit të mesdheut. Dy kundërshtarë të vështirë në letër duke parë edhe nivelin e futbollit të shkollës sërbo-kroate. Teuta, e cila merr pjesë për herë të pestë në Kupën UEFA duket se e ka më të lehtë kundërshtarin, në raport me Besën, fituese të Kupës së Shqipërisë, që do të bëjë edhe debutimin e saj në arenën e madhe europiane. Ndeshja e parë për Teutën, nënkampionen e Shqipërisë, do të luhet në Koprivnici, më 19 korrik, ndërsa ajo e kthimit në Durrës, më 2 gusht. NK Slaven Belupo merr pjesë në Kupën UEFA si finaliste e Kupës së Kroacisë, të fituar nga Dinamo e Zagrebit, njëherësh edhe kampione e atij vendi. Ndër tre lojtarët më të famshëm të këtij klubi është edhe futbollisti shqiptar Fatmir Vata, i cili ka luajtur në vitin 1999 (11 ndeshje, 1 gol)



Kush është FK Bezanija?



Themeluar: 1921 (Beograd)

President: Goran Mijatoviç

Trajner: Ratko Dostaniç

Stadiumi: FK Bezanija, 2000 vende



- Fillimisht ky klub ka patur emrin "Soko", por në sezonin 1955-1956 e ktheu në FK Bezanija. Është bërë anëtare e Federatës së Futbollit të Beogradit më 1952. Në sezonin 19651966 deri në 19981999 ka luajtur në Ligën e dytë të Beogradit. Një vit më pas, duhet thënë se ka nisur rruga e suksesit për këtë skuadër, kur fiton Ligën e Beogradit dhe bëhet për herë të parë anëtare e Zonës së Beogradit. Pas një viti, pranohet edhe në Ligën e Serbisë. Ky ishte suksesi më i madh i FK Bezanijes në Ish-Jugosllavi, duke u marr në konsideratë si një prej ekipeve me futboll të cilësisë së lartë.

- Suksesin më të madh ky klub e ka në sezonin 1999-2000, kur u përfshi në Ligën e dytë Federale. Pjesa më e madhe të futbollistëve të saj, janë me origjinë serbe. Për sa i takon organizimit, duhet të thënë se ecën në mënyrë të përkryer, ndërkohë që fusha e stadiumit është një nga më të mirat, kurse shkallët e stadiumit priten të shtohen edhe me 4000 vende të tjera. FK Bezanija bën një investim të madh në ekipet e moshave, cka bën diferencën me klubet e tjera në vend, teksa ka dhënë rezultate të shkëlqyera në këtë fushë.



Darko Bozoviç (portier)

Slobodan Jankoviç (portier)

Stefan Petroviç (portier)

Mario Durovski (mesfushor)

Stelo Glogovaç (mbrojtës)

Nenad Vaniç (mesfushor)

Ivan Dudiç (mesfushor)

Dejan Osmanoviç (sulmues)

Marko Nestoroviç (mesfushor)

Vladimir Vukajloviç (mesfushor)

Vladan Pavloviç (mbrojtës)

Milovan Miloviç (mbrojtës)

Milosh Stojçev (mesfushor)

Dushan Mihajloviç (mesfushor)

Zoran Supiç (mbrojtës)

Marko Daloviç (mbrojtës)

Aleksandër Mijatoviç (mbrojtës)

Danilo Mikoliç (mbrojtës)

Bojan Markoski (mbrojtës)

Srna Knezeviç (mesfushor)

Aleksandër Vasiljeviç (mbrojtës)

Sasha Kolunija (mbrojtës)

Perika Stançeski (mbrojtës)

Nikola Gligorov (mesfush

Mospasja njohuri për Teutën, ka bërë që trajneri i Slaven Belupos, kundërshtarit të durrsakëve në Kupën UEFA, të kërkojë ndihmën e Oto Bariçit. Në një pronocim dhënë dje për albania-sport.com, tekniku Krunoslav Jurçiç është shprehur se për të marrë njohuri në lidhje me ekipin shqiptar, do të pyesë trajnerin aktual të Shqipërisë.

Bariç është një kroat dhe e ka ndjekur në disa ndeshje Teutën, kështu që informacioni i tij do të ishte mëse i nevojshëm për ekipin nga Koprivnica, që në sezonin e shkuar ka përfunduar në vendin e katërt në kampionatin vendas. Slaven Belupo është një skuadër e formuar nga shumë futbollistë të rinj dhe tekniku i saj natyrisht që ka frikë në përballjet e këtij niveli. “Të them të drejtën nuk i doja shqiptarët që në fazën e parë. Madje nuk doja asnjë ekip ballkanas në këtë tur”, është shprehur Jurçiç. Ai ka deklaruar gjithashtu se fakti që ndeshja e kthimit luhet në Shqipëri, është një faktor jo shumë pozitiv për skuadrën e tij. “Do të kisha preferuar ta luanim në fushën tonë ndeshjen e kthimit. Ne jemi një ekip me shumë lojtarë të rinj të ardhur në ekip dhe që nuk kanë luajtur shumë ndeshje bashkë. Ekipet ballkanas janë shumë të ashpër dhe shpeshg të papërshtatshëm, megjithëse them se do të bëjmë gjithçka për të eleminuar Teutën. Për këtë do të kërkoj edhe ndihmën e Oto Bariçit dhe të të gjithë trajnerëve e lojtarëve kroatë që kanë qenë në Shqipëri. E them këtë pasi, nuk kam asnjë lloj informacioni për Teutën”, është shprehur trajneri i Slaven Belupos, Krunoslav Jurçiç. Një tjetër trajner kroat që ka qenë në Shqipëri, është edhe Luka Bonaçiç, i cili drejtoi për shumë muaj Dinamon

Tirana, short i pranueshëm me sllovenët e Domzhales
Tirana, kampionia e Shqipërisë do të përballet me skuadrën sllovene, Domzhale, në turin e parë eliminator të Ligës së Kampioneve, ndeshjet e së cilës do të luhen, më 17/18 korrik (në Slloveni) dhe 24/25 korrik 2007 (në Shqipëri).

Përgjithësisht mund të konsiderohet një short i lehtë, me një kundërshtar pa përvojë të mjaftueshme ndërkombëtare, pasi Domzhale nuk ka luajtur asnjë herë në Ligën e Kampioneve, ndërkohë që Tirana ka zhvilluar 42 ndeshje (Kupa e Kampioneve + Liga e Kampioneve), ku ka arritur 11 fitore.

Tirana, e përzgjedhur e fundit në shortin e hedhur në Nion të Zvicrës, së bashku me Domzhalen përbëjnë çiftin me numër 14.

UEFA përcaktoi edhe shortin për turin e dytë, ku fituesja e çiftit Domzhale-Tirana do të përballet me fituesen e çiftit Lenkoran (Azerbajxhan)-Dinamo e Zagrebit (Kroaci).

Pra në turin e dytë, nëse do të pranojmë se kampionia e Shqipërisë do të kualifikohet, do të kemi përballjen Tirana-Dinamo Zagreb, që do të ishte një përsëritje e vitit 1996, kur Tirana i humbi të dyja takimet : 4-0 dhe 6-2.

Interesant është një fakt nga ato dy përballje, në stolin e Dinamos së Zagrebit, ishte tekniku aktual i Kombëtares shqiptare, Oto Bariç. Një short, që mund t’i thotë sërish ndal kalimit të “traut” të turit të dytë.



1.Lenkoran - Dinamo Zagreb

2.APOEL - Bate

3.Sheriff - Ranger

4.Hafnarfjordur - HB

5.TNS - Ventspils

6.Pobeda - Levadia

7.Olimp - Astana

8.Zeta - Kaunas

9.Tampere - Murata

10.Dudelange - Zilina

11.Linfield - Elfsborg

12.Derry - Pyunik

13.Marsaxlokk - Sarajevo

14.Domzhale - Tirana



Turi i dytë

Fituesja e çiftit Domzhale-Tirana me fituesen çiftit Lenkoran-Dinamo Zagreb.

Kush është NK Domzhale?Kampionia e Sllovenisë, Domzhale, një nga klubet më të vjetra në Slloveni (është themeluar në vitin 1921) ka një histori shumë të varfër në arenën europiane. Vetëm 10 ndeshje në Kupën UEFA, por me një bilanc të kënaqshëm: 6 fitore, 2 barazime dhe 2 humbje. Golaverazhi me një shenjë “plus” të qartë: 21-9.

Domzhale në sezonin 2005-2006 arriti të kualifikohej në dy ture eliminatore të Kupës UEFA, ku u eliminua në raundin e parë nga kampionia aktuale e Gjermanisë, Shtutgardi. Një sezon më parë (2006-2007) Domzhale u eliminua qysh në raundin e parë eliminator të Kupës UEFA nga Hapoel Tel Aviv.

Domzhale, që u shpall kampione për herë të parë e Sllovenisë qysh nga marrja e pavarësisë dhe krijimit të ligës sllovene 1991-1992, e fitoi bindshëm kampionatin slloven, më një diferencë prej 17 pikësh nga vendi i dytë, i mbajtur nga Nova Gorica. Në 36 javët e sezonit të kaluar, Domazhale arriti 21 fitore, 12 barazime dhe 3 humbje.

Ndeshja e parë do të luhet në Slloveni, në stadiumin “Sportni” të qytetit të Domzhales, një stadium i ndërtuar në vitin 1948, por i rinovuar dhe modernizuar në vitin 1997 dhe 1999. Stadiumi edhe pse me kapacitet shumë të vogël, vetëm 3212 vende të ulura, ka ndriçim, kështu që ndeshja kundër Tiranës, pa dyshim që do të luhet nën ndriçimin e projektorëve.

Skuadra e Domzhales, ajo që mbylli sezonin dhe u shpall kampione e Sllovenisë për edicionin 2006-2007, ka në gjirin e saj kryesisht lojtarë sllovenë. Vetëm pesë lojtarë të huaj aktivizohen me Domzhalen: dy kroatë (sulmuesi Dario Zahora dhe mbrojtësi Ivan Knezoviç), një brazilian (mesfushori Zhunjinjo), një serb (sulmuesi Sinisa Jankoviç) dhe një nigerian (mesfushori Sanday Ibeji).

Presidenti i klubit është Stane Orazem, ndërsa trajneri i skuadrës Slavisha Stojanoviç, të cilit i dedikohet edhe ringritja e skuadrës në Ligën e Parë dhe fitimi i titullit të parë kampion.

Trabzonspor - Vllaznia, gjyqtaret holandeze dhe irlandezeNdërkohë që në shtypin kroat ka plasur zhurma për një trukim të mundshëm të ndeshjes Vllaznia-NK Zagreb (1-0), që solli edhe eliminimin e skuadrës kroate në turin e parë të Kupës Interoto, formacioni shkodran vazhdon me intensitet përgatitjet për sfidat e e dyfishta të turit të dytë me ekipin turk Trabzonspor, skuadër që e mbyll kampionatin në vend të katërt (52 pikë, 34 ndeshje), pas tri ekipeve më të mëdha të Turqisë, Fenerbahçes (kampione, 70 pikë), Beshiktashit (61) dhe Gallatasarijit (56). Trabzonspor ka një eksperiencë të madhe ndërkombëtare ku ka arritur të mundë ekipe të mëdha si Interi, Barcelona, Liverpuli.

Gjyqtarët e takimeve

Takimi i parë do të luhet në stadiumin “Hyseyin Avni Aker” në Trabzon, më 8 korrik (me orën lokale 19:00, me orën tonë 18:00). UEFA përcaktoi dhe gjyqtarët e takimit të cilët janë nga Holanda.

Kryesor është Bas Nijhuis, me ndihmës Nik Siebert dhe J.F. Hans Olde Olthof. Gjyqtari i katërt është turku Adil Sinem, ndërsa vëzhguesi i arbitrave i dërguar nga UEFA është irlandezo-veriori Alan Snodi. Edhe për ndeshjen e kthimit, atë që do të luhet në Shkodër (14 korrik, ora 20:00), janë caktuar gjyqtarët: irlandezi Alan Keli është kryesori, i ndihmuar nga Mark Dagllas dhe Damien Mekgreth.

KUPA UEFA/ Media serbe ironi: “Mançesteri e Reali, frikë nga Besa e Kavajës”

Mediat serbe e kanë gjykuar në mënyra të ndryshme shortin mes Bezhanijes dhe Besës së Kavajës. Kështu, “sportskacentrala.com”, media serbe, shkruan se “Bezhanija do ketë detyrë të vështirë në UEFA sepse do luajë përballë shqiptarëve të Besës së Kavajës, që dolën të 6-ët në kampionat dhe fituan Kupën e Shqipërisë”. Ndërsa “Sport.novosti.co.yu” sqaron se fjala Besa në serbisht do të thotë “zakletva” (pra besë), pohon se pas 20 vjetësh një klub serb do ndeshet me një shqiptar dhe e cilëson “dy takime të famshëm” (cuvenom dvomecu) ato mes Partizanit të Beogradit dhe Flamurtarit të Vlorës.

Sidoqoftë, ka edhe media serbe apo gazetarë serbë që e nënvleftësojnë Besën dhe sulmojnë me ironi trajnerin Ostojiq, që është treguar i kujdesshëm. Kështu, Tomislav Lovrenkoviq ka botuar një analizë në faqen sportive “Sportskevesti.net” duke shkruar: Është tjetër gjë kultura sportive dhe respekti për rivalët dhe tjetër gjë të mos thuash të vërtetën, përse nuk thuhet e vërteta kur je favorit absolut në të dyja ndeshjet. Të thuash si Ostojiqi se “futbolli shqiptar nuk është si më parë sepse atje hyjnë mjaft para” është një paranojë, madje timonieri i “postierëve” (Bezhanijes) arrin të thotë se Besa ka 3 të huaj në përbërje, a thua se ata janë mjeshtrat e mëdhenj që kanë shkuar për hir të miliardave të luajnë në një qytet të madh shqiptar (ironi), në një prej ligave më të forta të Europës. Ruajuni Mançester, Real e të tjerët. I vetmi shpëtim për ju është që Bezhanija të ndalojë këtë superfuqi futbolli (pra Besën).

Së fundi, Bezhanija ka barazuar 1-1 miqësoren e parë verore, të luajtur në Beograd. Skuadra e Beogradit të Ri ka ndalur Partizanin e Beogradit, në kompleksin stërvitor të këtij të fundit. Fillimisht ka kaluar në epërsi ekipi që do jetë përballë Besës së Kavajës në Kupën UEFA, në 70’ me anë të Miliqit, ndërsa barazuan bardhezinjtë në 74’ me anë të Ladiqit.

Trabzonspor, interesim i fortë per Vllaznine

Klubi turk e ka ndjekur në vazhdimësi ecurinë e Vllaznisë në Kupën Intertoto, madje ka dhënë të gjitha informacionet në lidhje me dy ndeshjet e para të skuadrës shkodrane, duke informuar lexuesit e saj edhe me historinë e klubit kuqeblu 9 herë kampion (1945, 1946, 1972, 1974, 1978, 1983, 1992, 1998, 2001) si dhe 5 herë fituese e Kupës. Jashtë vëmendjes së drejtuesve të Trabzonsporit nuk kanë mbetur edhe dy ballafaqimet e humbura të Vllaznisë me Gallatasaraj (2-0 dhe 4-1) në turin e dytë të Ligës së Kampioneve në sezonin 2004-2002, ku shkëlqeu Klodian Duro. Vllaznia pritet të udhëtojë me një avion çarter, pasi dhe qyteti Trabzon ndodhet në bregun e Detit të Zi, në kufi me Gjeorgjinë.



Yjet e Trabzonsporit



Trabzonspor është një klub relativisht i ri, në raport me Vllazninë (1919), i themeluar në vitin 1967, si pasojë e shkrirjes së dy klubeve lokale. Me përjashtim të tre të mëdhave të Stambollit (Gallatasaraj, Fenerbahçe dhe Beshiktashit), Trabzonspori është klubi tjetër i vetëm që ka fituar kampionate në Turqi (6 herë kampion i Turqisë). Njihen në Turqi me nofkën “Bordo Blu” dhe “Furtuna e Detit të Zi”. Skuadra ka disa lojtarë të huaj dhe të gjithë në repartin difensiv: mbrojtësin 26-vjeçar suedez, Fredrik Risp (ish-lojtar i Goteborgut dhe Kievos), mbrojtësin 24-vjeçar serb Milan Stepanov (lojtar i përfaqësueses serbe), mbrojtësin nga Guinea, 26-vjeçarin Daouda Jabi (me karrierë të pasur në Francë: Lens, Ajacio, Grenoble). Në mesfushë është holandezi Kiki Musampa, ish-lojtar i Ajaksit (Holandë), Bordosë (Francë), Atletiko Madrid (Spanjë) dhe Mançester Sitit (Angli). Një tjetër emër është mesfushori nga Guinea, Ibrahim Jatara, 27 vjeç, i ardhur nga Antverpi i Belgjikës. Lista mbyllet me portierin brazilian Xheferson de Oliveira Galvao, i njohur shkurt me emrin Xheferson.

Kupa Intertoto / Vllaznia ne Turqi me shumice simpatizantesh


• Te rinjte shqiptare ne Trabzon, do te bejne tifo per shkodranet


Skuadra e Vllaznise e cila do te luaje ne takimin e pare ndaj Trabzonspor te vlefshem per turin e dyte te Kupes Intertoto pritet te kete ne ndihme nje numer te konsiderueshem simpatizantesh. Me skuadren ka shume mundesi qe te udhetojne drejt Turqise nje grup tifozash per te ndjekur skuadren e zemres. Gjithashtu, nuk duhet te harrojme se ne Trabzon jane 100 te rinj shqiptare ne Lojerat e Detit te Zi, qe natyrisht do te bejne tifo per Vllaznine. Kjo per faktin se delegacioni shqiptar I perbere nga ky numer pjesemarres ne keto lojera do te kete mundesine ta ndjeki takimin qe do te zhvillohet ne qytetin turk

Serbët: Turp të na eliminojnë shqiptarët!

Shtypi serb ironizon dhe nënvleftëson njëherazi kundërshtarin shqiptar të UEFA-s

Takimi i Kupës UEFA midis ekipit të Besës dhe Bezanijes së Beogradit ka ngjallur një interes të madh në mediat serbe. Ka pasur qëndrime diametralisht të kundërta në gazetarë e analistë serbë. Një pjesë e tyre vlerësojnë ekipin kavajas si një kundërshtar mjaft të fortë, duke mos harruar të bëjnë analogji me Flamurtarin e famshëm, kur eliminonte Partizanin e Beogradit në vitet '80, ndërsa një pjesë e quan fakt të kryer kualifikimin e ekipit të tyre. Më i matur në deklarata ka qenë stafi drejtues i Bezanijes, të cilët për mediat serbe kanë deklaruar: "Futbolli shqiptar këto vitet e fundit ka bërë mjaft përparime. Ekipi i tyre kampion Tirana kalon çdo vit një tur në kupat e Europës dhe këtë do të bëjë edhe sivjet. Vllaznia e dëshmoi këtë forcë kur mundi një ekip kroat. Futbolli shqiptar tashmë ka financa të fuqishme dhe kanë hyrë në merkato edhe jashtë Shqipërisë thuajse të gjitha klubet shqiptare. Ndërsa Besa, me sa dimë, ka në gjirin e saj disa futbollistë të huaj dhe disa futbollistë mjaft cilësorë të kombëtares së krahinës autonome të Kosovës.

Në përbërjen e saj kundërshtari ynë ka edhe disa futbollistë të Shpresës. Do të jetë tepër e vështirë për t'i eliminuar, por ne po punojmë pikërisht për të bërë të mundur eliminin e tyre." Këtij argumenti logjik i janë kundërvënë mjaft gazetarë e analistë serbë. Ata arrijnë deri aty sa t'i quajnë frikacakë drejtuesit e Bezanijes për deklarimet e tyre dhe e quajnë favorite absolute Bezanijen. Arrihet deri atje sa të citohen shprehje të tilla se Besa nuk është as Reali i Madridit e as Mançesteri. Kjo shpreh hapur frikën dhe panikun që mediat serbe kanë nga një eliminim i mundshëm nga ekipi shqiptar, edhe pse autori serb kërkon të bëjë ironi me këtë fakt. Në këtë linjë mësohet se ndoshta ky takim nuk do të zhvillohet në stadiumin e Beogradit të Ri, pra të Bezanijes me 2000 vende, por në stadiumin e Partizanit të Beogradit. Kjo tregon edhe një herë se serbët kërkojnë sa më shumë përkrahës në stadiumin e tyre kundër Besës. Pothuaj në të gjitha sajtet e internetit në Serbi që lidhen me futbollin ka çdo ditë analiza dhe komente për këtë sfidë.


Mjaft nga fansët e Partizanit të Beogradit kërkojnë hapur hakmarrje për atë çfarë 20 vite më parë u bëri Flamurtari. Në njërin prej tyre shkruhet: "Eshtë turp që një ekip shqiptar të eliminojë një ekip serb. Ne jemi 100 vite përpara në futboll se shqiptarët. Duhet t'i mundim ata edhe për të marrë hakun e Partizanit tonë. Ne do të jemi të gjithë në stadium atë ditë në përkrahje të Bezanijes." Të vjen keq kur lexon kaq shumë mllef e dëshirë për të mposhtur Besën, sa në disa raste i kalon edhe përmasat e etikës. Ky takim është thjesht një ndeshje futbolli dhe nuk duhet fryrë kaq shumë. Ndoshta në këtë angazhim të të gjithë medias serbe ndikon jo pak situata aktuale lidhur me statusin final të Kosovës.

Bizhdili viziton kampingun e Mavrovës

Pasi ka marrë pjesë në hedhjen e shortit në Zvicër, presidenti i Besës, Nexhat Bizhdili, ka udhëtuar drejt Mavrovës ditën e hënë për të parë nga afër përgatitjet e ekipit të tij. Në këtë vizitë mësohet se Bizhdili ka përgëzuar futbollistët për djersën e derdhur dhe është diskutuar edhe për Bezanijen, kundërshtaren e Besës në Kupën UEFA. Bizhdili është ndier mirë kur ka dëgjuar nga stafi teknik fjalët më të mira për futbollistët e tij. Presidenti Bizhdili ka qëndruar vetëm një natë në kampingun e Mavrovës.

Muka: Domzhale, jo aq e lehtë sa duket
Aurel CELIBASHI
Sporti Shqiptar

Kapiteni bardheblu flet për skuadrën dhe kundërshtarin e Ligës së Kampioneve

'Kush mendon se Domzhale është një skuadër më se e kalueshme nga ana jonë, gabohet rëndë. Sllovenët do të jenë një 'kockë' mjaft e fortë për Tiranën dhe kualifikimi mbetet i hapur në 180 minuta lojë.' Këto janë fjalët e para të kapitenit bardheblu, Devi Muka, në prag të ndeshjeve paraeliminatore në Ligën e Kampioneve. Që nga dita e premte, kryeqytetasit janë njohur me shortin dhe duhet thënë se ky kundërshtar është pritur mirë, pasi në vazon 1 kishte edhe ekipe me më shumë emër. Duke folur për 'Sportin shqiptar', numri 10 i bardhebluve shprehet i kënaqur me përgatitjet e skuadrës në Maqedoni, teksa beson te projekti i drejtuesve të klubit, për të kaluar një tur dhe për të fituar të dy trofetë kombëtarë. 'Është normale që lodhja të na shoqërojë gjatë gjithë këtyre ditëve të qëndrimit në Maqedoni, sepse në fund të fundit për këtë punë kemi ardhur deri këtu. Për fat të mirë, na janë krijuar kushtet e nevojshme për t'u stërvitur dhe gjithashtu për të pushuar, ndërkohë që familja është e vetmja gjë që po na mungon.

Kjo është një sakrificë për të mirën tonë dhe të objektivave që janë vënë nga klubi, ku edhe sivjet duhet të kalojmë turin e parë në Europë,'- shprehet kapiteni bardheblu. Gjatë merkatos së verës, Tiranës i janë larguar plot 7 futbollistë, ndërkohë që janë afruar vetëm 5 të tillë. Pavarësisht ndonjë mungese në mbrojtje apo sulm, Devi Muka është i bindur se Tirana mbetet gjithmonë e fortë. 'Realisht na u hapën shumë boshllëqe pas largimeve të Sinanit, Pishës, Bulkut, Allmuçës, Abrahamit apo edhe Pemës, por stafi teknik u kundërpërgjigj menjëherë, duke afruar Fortuzin, Sinën, E.Xhafën, Deliallisin dhe Merkoçin, emra të cilët nuk kanë nevojë për shumë koment. Hëpërhë, them se jemi të kompletuar, edhe pse do të ishte luks po të kishim një qendërsulmues të tipit të Daniel Xhafës, por edhe një mesfushor të krahut të majtë. E vetmja gjë që duhet të bëjmë gjatë këtyre ditëve përpara ndeshjes së parë me sllovenët është harmonizimi i veprimeve, për të qenë sa më kompaktë në të gjitha veprimet. Nuk diskutohet që ana fizike është mjaft e rëndësishme, sidomos kur bëhet fjalë se takimi mund të shkojë edhe në kohë shtesë,'- shton më tej vlonjati i vetëm në kampin tiranas.

Duke iu rikthyer komenteve në lidhje me Domzhalen, kampionen e Sllovenisë, Muka parashikon dy përballje të nxehta, ashtu si edhe me Goricën. Sipas tij, futbolli i këtij shteti ka ecur me ritme të larta dhe një skuadër si Tirana duhet të ketë gjithmonë kujdes. 'Presim të shohim një kasetë të kundërshtarit dhe më pas mund të japim një mendim më të plotë. Megjithatë, fakti që është një skuadër sllovene, na krijon respekt dhe jo frikë. Ne do të luajmë shanset tona, ku duhet të shënojmë medoemos një gol në fushën e tyre, për të pa pasur më pas të lehtë në takimin e kthimit,'- përfundon Devi Muka, lideri i Tiranës kampione në fuqi