TRAJNERI

GUGASH MAGANI DO TE JETE TEKNIKU I SKUADRES BARDHEKALTER PER SEZONIN E ARDHSHEM.
DREJTUESIT E KLUBIT KANE BERE ZGJEDHJEN E DUHUR APO .....?????

Duket se skuadra e Shkumbinit do të pësojë një rokadë në pankinën e saj gjatë kësaj jave. Burime pranë drejtuesve të klubit peqinas kanë bërë të ditur se kanë filluar diskutimet me Neptun Bajkon, në mënyrë që ky i fundit të drejtojë ekipin gjatë këtij kampionati. Ish-trajneri i Partizanit nuk drejtoi asnjë skuadër tjetër që pas largimit nga skuadra kryeqytetase, ndërsa pak ditë më parë pranoi që të merrte postin e drejtorit teknik te Shkumbini. Për këtë arsye, ai ka ndjekur jo vetëm seancat stërvitore, por edhe ka qenë i pranishëm në pankinën e peqinasve gjatë ndeshjes së të shtunës kundër Vllaznisë në "Loro Boriçi". Shumë menduan se tashmë Bajko kishte pranuar postin e trajnerit te ekipi peqinas, por askush nuk e ka konfirmuar një gjë të tillë, as Gugash Magani, i cili mban këtë post te Shkumbini. Por burime pranë klubit kanë bërë të ditur se kjo rokadë mund të ndodhë shumë shpejt, pasi drejtuesit e Shkumbinit kanë pasur që në fillim si qëllim të bindin Bajkon të marrë drejtimin e skuadrës. Gjatë këtyre ditëve janë diskutuar detajet e kontratës, dhe pritet që gjithçka të zyrtarizohet brenda 2-3 ditësh. Ndërkohë, Magani do të kthehet në rolin e zv/trajnerit, pasi është personi më i përshtatshëm për t‘i shpjeguar ambientin çdo trajneri të ri që do të ulet në pankinën e Shkumbinit. Peqinasit kanë investuar shumë në këtë sezon, duke afruar emra mjaft të njohur të futbollit shqiptar si: Qorri, K. Dalipi, Patushi e Dabulla, por Shkumbini vazhdon të renditet në vendin e 10-të në klasifikim. Detyra e Bajkos do të jetë të ngjitë këtë skuadër në mesin e tabelës, për të siguruar sa më parë mbijetesën.