Sula: Nuk ndodhi asgjë e tmershme

23 Mars Një prej financuesve të Shkumbinit dhe njëkohësisht deputet i Peqinit, Dashnor Sula, jep versionin e tij në lidhje me konfrontimin mes lojtarëve të Partizanit dhe drejtuesve vendas. Sula mohon se ka pasur një gjë të tillë, por shprehet se lojtarët e Shkumbinit janë zënë mes tyre. “Media ka një javë që shkruan se në Peqin do të bëhet nami. Asgjë nuk ka pasur. Partizani fitoi në minutën e 95’ dhe hallall ja bëftë zoti. Tani nerva loje ka aty. Lojtarët e mi u zunë me njëri-tjetrin, çfarë ti bëjmë ne tani? Absolutisht nuk ka ndodhur asgjë pasi ishin të gjithë, me vëzhgues dhe me polic”, shprehet në prononcimin e tij, deputeti i Peqinit. E mohoni konfliktin me lojtarët e Partizanit? “Absolutisht asgjë. Policia ka qenë aty. Pse, lojtarët e Partizani na i kanë fajin ne? Ata bënë një gol në fund dhe fituan. Për 90’ minuta është luajtur me një portë. Kemi bërë shtylla. Pse ata na e kanë fajin ne? Ishte fati i Partizanit dhe hallall i’a bëftë zoti”. Në fund, Sula shprehet se çdo gjë ka shkuar normalisht dhe për këtë është falënderuar nga drejtuesit e kuq. “Mua më morri Albert Xhani duke më falënderuar dhe Genc Tomorri gjithashtu”, përfundon prononcimin e tij, një prej financuesve të skuadrës peqinase, Dashnor Sula.
Sportekspres

“E merituan fitoren,
s’kam kërcënuar askënd”
Donatori i Shkumbinit, Dashnor Sula, i kontaktuar nga “Panorama
Sport” nuk i ka pranuar akuzat e bëra nga lojtarët e Partizanit. Ai
ka mohuar të ketë kërcënuar lojtarët e Partizanit, teksa është
shprehur se pas ndeshjes ka qenë i inatosur me lojtarët e Shkumbinit
dhe jo me miqtë. “Nuk bëhet fjalë të kem kërcënuar
lojtarët e Partizanit. Ata e
merituan plotësisht fitoren
dhe pas takimit, ne më tepër
ishim të mërzitur me lojtarët
tanë e jo me kundërshtarët.
Natyrisht mund të thuhen
shumë gjëra tani për interesa
të ndryshme, por unë nuk
kam ofenduar askënd nga
lojtarët e Partizanit. U luajt për
94 minuta në portën e tyre,
bëmë tre shtylla, ndërsa ata
shkuan dy herë në portë dhe
shënuan një gol. Futbolli
kështu e ka, nuk ke ç’i bën.
Pas ndeshjes e kisha inatin
me lojtarët e Shkumbinit,
aspak me ato të Partizanit.
Nuk i kam kërcënuar, madje pas ndeshjes kam uruar dhe presidentin
e Partizanit, Albert Xhani nëpërmjet telefonit. Për fatin e
mirë, nuk pati as incidente nga tifozët, të cilët u treguan shumë
korrektë dhe gjakftohtë”, përfundoi Dashnor Sula. J. Memo
Panorama sport

po na can mener koken kto!dita dites tuj gjet naj gjo t're per me thon,spaskan tmarume fantazit e ktyne ropve sot!