Sulmi, “dhimbje koke” për Maganin

Shkumbini, Nora dhe Dervishi do të mungojë kundër Besës
Në prag të ndeshjes së kthimit
me Besën për turin çerekfinal,
Shkumbini, përveç rezultatit jo të
favorshëm në sfidën e parë (1-
1), tashmë duhet të bëjë llogaritë
edhe pa dy lojtarët kryesorë.
Kështu, të mërkurën do të mungojnë
Arlind Nora dhe Roland
Dervishi. Këta të fundit u ndëshkuan
në ndeshjen e parë me karton
të kuq dhe në këtë mënyrë në
këtë përballje mjaft të rëndësishme
nuk do të jenë. Trajnerit
Gugash Magani, i cili është
shprehur pas ndeshjes së parë
tepër i zhgënjyer për vendimet e
gjyqtarit Lorenc Jemini, tashmë i
duhet të projektojë një formacion
sa më dinjitoz. “Megjithatë, gjithçka
do të përcaktohet në Kavajë
dhe ne shpresojmë”, ka thënë
Magani, edhe pse është i
ndërgjegjshëm që do ta ketë
shumë të vështirë. Kupa e Shqipërisë
është një mundësi për
t’u përfaqësuar në Kupat e
Evropës dhe peqinasit kanë qenë
ambiciozë që në fillim për këtë
objektiv. Pavarësisht mungesave
të Norës dhe Dervishit, shto këtu
edhe dyshimin për aktivizimin e
Erion Rizvanollit të dëmtuar, ekipi
bardhekaltër do të kërkojë të bëjë
më të mirën kundër Besës. Për
t’u kualifikuar nevojitet goli, por
që ndaj kavajasve, reparti ofensiv
i Shkumbinit ka të gatshëm
vetëm talentin Erion Mustafaj.
Duke parë këto probleme në
vijën e parë, trajneri Magani me
shumë mundësi do të vendosë
si sulmues të mirëfilltë të riun
Mustafaj, i cili po kalon një formë
të mirë. 20-vjeçari ka shënuar
në ndeshjen e parë ndaj Besës,
ndërkohë që të shtunën realizoi
në barazimin me Flamurtarin.
Gjithsesi, një variant tjetër për
Shkumbinin është edhe kalimi në
sulm i mesfushorit të majtë, Erald
Turdiu. Ky i fundit mund të
jetë në mbështetje të Mustafait.
Një vendosje të tillë, trajneri peqinas
e provoi në ndeshjen e
fundit të fazës së dytë, pikërisht
kundër vlonjatëve. Madje,
Turdiu realizoi golin e fitores, 2-
1. Ndërkohë, dje Shkumbini
është stërvitur rregullisht nën
urdhrat e Maganit. Në një
ndeshje kaq të rëndësishme, si
ajo me Besën, në kampin peqinas
shpresohet që ekipi të dijë
të marrë më të mirën. Fakti që
një barazim pa gola nuk i intereson
Shkumbinit, e detyron që të
kërkojë me ngulm golin në portën
kavajase. Fatmir Ahmeti

Rizvanolli, ende në dyshim
Sikur të mos mjaftonin mungesat e Arlind Norës dhe Roland Dervishit,
trajneri Gugash Magani pritet të mos ketë të gatshëm për
ndeshjen e rëndësishme për Kupë ndaj Besë, edhe sulmuesin Erion
Rizvanolli. Golashënuesi më i mirë i peqinasve në këtë sezon
vuan nga një dëmtim në kavilje dhe prania e tij në ndeshjen me
Besën është e dyshimtë. Sot pritet të vendoset nëse “Riza” do të
jetë apo jo në Kavajë. Nëse ai mungon, atëherë Shkumbini do të
ketë në dispozicion vetëm sulmuesin e ri, Erion Mustafaj. F.A.
Panoramasport