Apolonia-Shkumbini 0-0/ Sfidë pa emocione, ekipet u përqendruan totalisht në mbrojtje

Peqinasit barazojnë dhe ndihen favoritë ndaj fierakëve
Ndeshja midis Apolonisë
dhe Shkumbinit përfundoi
me rezultatin e bardhë 0-0.
Takimi u zhvillua në një mot
të ftohtë e me reshje shiu të
vazhdueshme, çka nuk i lejoi
ekipet të shfaqnin vlerat
e tyre. Të dyja ekipet u
treguan të kujdesshme gjatë
90 minutave në lojën e tyre.
Takimi filloi i qetë, me një lojë
në mesfushë nga të dyja
skuadrat që dukej sikur studionin
njëra-tjetrën. Por me
kalimin e minutave, Apolonia
fillon të mendojë më
shumë për sulmin, duke
hedhur sytë më tepër nga
porta peqinase e mbrojtur
nga portieri Llani. Kjo bëri
që Shkumbini të luante i
përforcuar në mbrojtje dhe
për t’i mbajtur sa më larg
portës së vet sulmuesit fierakë,
të cilët megjithatë,
arritën që të krijonin disa
raste për shënim me anë të
Junior, Brkiçit e Dhramit,
por që nuk u finalizuan si
duhet. Ndërkohë, tepër të
saktë u treguan portierët, si
Llani ashtu edhe Dine. Futbollistët
miq nuk ndenjën
duarkryq, por në momente
të veçanta ditën të organizonin
si duhet kundërsulme
të shpejta dhe të befasishme
me anë të Norës,
Turdiut e Bizhytit, duke e
vënë në provë portierin
Dine. Pjesa e parë u mbyll në
barazim, ku skuadra fierake
luajti më shumë me topin
dhe krijoi një epërsi të lehtë
territoriale ndaj kundërshtarit,
por të pashfrytëzuar.
Pjesa e dytë, ashtu si edhe e
para filloi e qetë, me forca të
grumbulluara më shumë në
mesfushë, gjë që bëri që
edhe loja të përqendrohej në
më të shumtën e minutave
në këtë pjesë të fushës. Duhet
thënë se barazimi i arritur
ishte dhe rezultati më i
drejtë i kësaj ndeshjeje.


Magani
“Ishte një ndeshje ku ekipet më
shumë shprehën aftësitë e tyre fizike
se ato tekniko–taktike, për shkak
të terrenit tepër të rënduar.
Ka qenë një pjesë e parë e ekuilibruar
për të dyja ekipet. Mund të
kishim shënuar, por edhe mund të
kishim pësuar, kështu që edhe për
mua, barazimi është rezultati më i
drejtë i kësaj ndeshjeje”.
Karshik
“Ishte ndeshje e fortë, por jo shumë
cilësore. Do të mundohemi që ditën
e shtunë të japim maksimumin e
vlerave tona dhe të arrijmë një rezultat
sa më të mirë. Së fundi dua
të falënderoj tifozët tanë, që dhe
pse në kushte tepër të vështira
atmosferike, erdhën për të
përkrahur e inkurajuar skuadrën e
zemrës në këtë ndeshje”.

APOLONIA-SHKUMBINI 0-0
APOLONIA: Dine, Gega (Skënderaj
55’), Spaho, Kelmendi, Mirçeta,
Çerçizi, Haxhiguliç (Bratja 60’),
Junior, Brkiç (Roshi74’), Dhrami,
Trajner: Esad Karishik
SHKUMBINI: Llani, Xhyra,
Shazivari, Mustafa, Shameti,
Ramazani, Gërxho, Gjata (Shenaj
50’), Turdiu, Bizhyti (R.Dervishi
75’), Nora (Pashaj 60’)
Trajner: Gugash Magani
GJYQTARË: A.Lulaj,
F.Lamaj, I.Shima
KARTONË TË VERDHË: Kelmendi/
Gërxho
KARTONË TË KUQ: Junior
Mario Gjika
Panoramasport